أخي العزيز,
بصفة عامة هوه بيعمل Bonding مع تليفونك المحمول أول ما تفتح الكونتاكت و يخليك تستقبل المكالمات و تطلب من غير ما تمسك التليفون
فيه منه نوعين..
نوع بيركب علي الولاعة و له ميكروفون و سماعة خاصين بيه و سعره يتراوح بين 300-600
نوع عبارة عن شاشة بتتركب في الحتة اللي انتا عايزها و بيتوصل بسماعات العربية بحيث لو جاتلك مكالمة يوطى الكاسيت و تسمع الرنة و صوت المتحدث علي السماعات..الPhonebook بتاعك بيتنقل علي الجهاز و تقدر تطلب منه...سعره يتراوح بين 1000-2000 علي حسب نوع الشاشة, الوان ولا أبيض و أسود و الماركة....أحسن ماركة شفتها في مصر اسمهاParrot و موجود عند ارابكوم جنب سيتي ستارز....فيه منه شكل نازل عبارة عن مراية بدل مراية العربية بنفس المواصفات السابقة.
أنا عن نفسي ما باحبوش لأنه بيلغي خصوصية المكالمة لو حد راكب معاك و أحسنلك تجيب سماعة بلوتوث أحسن و أرخص.
المفضلات