المشاركة الأصلية كتبت بواسطة zoro
شوف يا سيدي
كلامك مظبوط و انت ماشي براحتك و عايز تزود سرعتك بالتدريج فبتدوس بنزين بالتدريج تقوم العربيه تسحب معاك واحده واحده و سرعتها تزيد
لكن لما تدوس على الهولد و الغيار ينزل للتالت العربيه عزمها هيزيد و عدد لفات الموتور هيزيد .
كأنك بتشبع الغيارفي المانيوال أو بتقرص ( بتحرق ) بالعربيه
يعني بتجيب أخر سرعه في الغيار و لفات الموتور بتزيد أوي و بعدين تنقل الغيار
و على فكره جرب في المانيوال انك تنقل مثلا من الثالث للرابع عند 60 أو 70 و دوس بنزين جامد تلاقي العربيه اتخنقت مش عايزه تجري
تقوم منزل الغيار للتالت و تدوس بنزين تلاهيها انطلقت جامد معاك
دي نفس فكره الهولد أو الكيك داون في الأتوماتيك
يا رب يكون شرحي واضح لأني حاسس اني مش عارف اعبر عن فكرتي كويس
و موضوع الهولد أو الكيك داون ده بيتعمل للحظات بس في الظروف الضروريه و بترجع لسواقتك العاديه
عشان تحافظ على العربيه