بخصوص السيمبول

**alfbaa** · 28-07-2009 07:59 AM

في يا جماعه واحد صاحبي بيفكر في السيمبول بس خايف من سحب العربيه الاتوماتيك مع التكيف لانها 1400 cc
في حد جربها وشاف مشكله؟؟ خصوصا ان صاحبي ده ناوي يسافر بيها كتير فخايف ان يبقى حمل على الموتور

**tofy_urban** · 28-07-2009 11:05 AM

الموتور بتاعها شديد و اعتقد انه مش بيأثر علي سحبها اوي او حاجة و علي العموم استني رأي باقي الاعضاء بس ياريت يطلع حد من مالكي السيمبول لاني بدور عليهم في المنتدي مش لاقيهم الظاهر انهم متخفيين علشان محدش يعرفهم

**lion99990** · 28-07-2009 11:06 AM

العربيه حلوه جدا مع النكييف و مبتحسش بمشكله خالص ده يا باشا فيه عربيات 1000 cc و فيها تكييف زى البيكانتو و كمان ديه كورىالبيكانتو فمبالك بالاوروبى فمتخفش من المشكله ديه لان سحبها حلو و عربيه حتعجبك كمان
على فكره هيا عليها عرض فى التوكيل ب 86 الف جنيه فقط ياريت تلحق العرض و كمان لو روحت السبع اوتوموتيف حيعملك واجب حلو

على فكره المعلومات ديه عشان انا معايا الكليو اوتوماتيك اللى هيا هيا نفس الماكنه بتاعت السيمبول اختها بالظبط

**K3A** · 28-07-2009 12:49 PM

والله انا برضه محتار من نفس النقطة وخصوصا اني حسافر بيها كتير جدا مع العلم باني افكر في الاوتوماتك
لو حد جرب يقول يا شباب و خصوصا ان الموتور بتعها 1400 وكمان 98 حصان ...

--------------
عندك مثلا ال افيو 1500 مفيش منها اوتوماتك بس تكيفها مش قوي للدرجة
--------------
وكمان الجين 2 1600 و 110 حصان اوتوماتك وده نظريا يخلي السحب معقول مع التكييف و السفر ....
--------------

ارجو الافاده افادكم الله

**lion99990** · 28-07-2009 01:28 PM

الموضوع مش كده انا عايز اقولك ان النيسان القديمه موديل 2001و2002و2003 كانت 1300 سي سي و تكيفها جامد جدا ثلاجه
فعشان كده خدها و انت مطمن ان هيا حتريحك جدا

**K3A** · 28-07-2009 01:59 PM

المشاركة الأصلية كتبت بواسطة lion99990

الموضوع مش كده انا عايز اقولك ان النيسان القديمه موديل 2001و2002و2003 كانت 1300 سي سي و تكيفها جامد جدا ثلاجه
فعشان كده خدها و انت مطمن ان هيا حتريحك جدا

بس في حجتين اساسيتين .... النيسان القديمة كانت made in Japan اما اليوم فهي تأفيل مصري

كمان العربية الاوتوماتك عادة بيكون سحبها اقل من المانيوال فما بالك بوجود تكييف و كمان موتور 1400 CC قدرته 98 حصان مع ظروف السفر المستمر ...

ياترى حيكون ادائها ازاي

**محمد عز** · 28-07-2009 02:15 PM

لو هى زى الكليو بالظبط

يبقى لا تتوقع منها سحب قوى

لكن تكييفها كويس

انا جربت الكليو 1400 سي سي اتوماتيك لمدة اسبوع

العربيه مجملا كانت كويسة ، لكن سحبها كان تقيل شويا ولازم تقرص على البنزين فى الطلعه بس لكن لما توصل لسرعه معقولة بيبقى سحبها كويس

وكان تكييفها كويسة وكانت موفرة فى البنزين

لكن على السفر الموضوع مش بيفرق خالص لانك بتبقى سايق على سرعه عالية

تفرق بس فى الطلعه من وضع السكون