العربيه بتعوم مع اني لسه ظابط زوايا ومرصص اعمل ايه !!

صباح الخير لاجمد منتدي سيارات في مصر
بعد اذنكم كان عندي استفسار فني عشان عربيتي بتعوم وتحدف مع اقل عوجه في الطريق او اقل غرسه علي اي سرعه
مع اني لسه ظابط زوايا ومرصص
هي العربيه هيونداي اكسنت والدريكسيون عادي ومن كام يوم رحت اظبط زوايا وقلت للراجل اني الدريكسيون تقيل زياده المهم هو معرفش عمل ايه ومن ساعتها الدريكسون بقي خفيف
وهنا ظهرت المشكله

اولا مع اي فرامل بسمع صوت احتكاك الكوتتش بلارض
كاني ضربت فرامل علي 100 مع اني ببقي احيانا سرعتي ماتجيبش 60
ثانيا وانا بضرب الفرامل بحس ان العربيه بتحدف حدفه صغيره
ثالثا مع اي غرسه مهما كانت بسيطه العربيه بتحدف جامد
رابعا مع اي اعوجاج في الاسفلت العربيه بتحدف جامد
وبصراحه كان المفروض استفسر عن الموضوع ده من كام يوم لكني اتاخرت وكنت هادفع التمن غالي جدا النهارده
لاني كنت ماشي في طريق النصر وفي حته الاسفلت مش مستوي وعليه شوية زيت ولرغم اني ماشي علي 60 لاقيت العربيه حدفت بشكل غريب جدا والدريكسيون ولا اكنه موجود
وطبعا حاولت اني اسايس العربيه شويه بالدريكسيون وشويه فرامل بس القدر ماادنيش فرصه وجت عربيه مرسيدس من الخلف وخبطتني:eee:
بس الحمد لله جت سليمه والاضرار مش كبيره والراجل بصراحه كان محترم جدا وحتي رفض انه ياخد اي حاجه
المهم دلوقت انا مش فاهم العربيه عملت كده ليه وفين المشكله والله اتعقدت منها وخايف اسوقها :B4_611:
فياريت لو حد عنده فكره ايه الاسباب والمفروض اعمل ايه
لاني مش عايز اروح لصنايعي وانا مش فاهم عشان مايشتغلنيش واطلع من عنده الاقي العيب زي ما اهو

مستني ردودكم يا شباب

كل الي اقدر اقولهوالك ظبط وزايا تاني عن حد كويس وخللية يجرب معاك ومتمشيش بيها لغاية متحل المشكلة

رجع الدريكسون لوضعة الطبيعي وبلاش أفتكاسات

شكرا علي الرد يا شباب

بس الموضوع مش موضوع افتكاسات المفروض ان الدريكسيون يكون لا تقيل قوي ولا خفيف قووي
اكيد يعني ليه ظبطه بس واضح ان الراجل بتاع الزوايا ده مش تمام
ياريت لو حد عنده اكسنت الشكل القديم مانيوال يقولي الطبيعي بتاع الدريكسيون ايه؟

اعتقد ان ده عيب بيض المقصات او حاجه فى العفشه لانى عند نص الاعراض دى ولسه حا اروح لحد

اقتباس:

---

المشاركة الأصلية كتبت بواسطة hajhany

اعتقد ان ده عيب بيض المقصات او حاجه فى العفشه لانى عند نص الاعراض دى ولسه حا اروح لحد

---

هو فعلا انا ان شاء الله هاروح اكشف علي للعفشه
لاني الحدفه دي مش طبيعيه عموما انا هاروح الجمعه دي ان شاء الله وهابقي اقولك وصلت لايه
و انت برضه ابقي قولي وصلت لايه والعيب اتصلح ولا لاء

أخى العزبز ،

أنا عندى أكسينت الشكل القديم ، الدريكسيون وانت ماشى بيكون خفيف بس وانت واقف بيكون تقيل شوية.
كان عندى عيبوب زى اللى حضرتك قلتها ف فيات 128 والعفشجى قال انها محتاجة بيض مقصات زى م قال HajHany
ربنا معاك وان شاء الله تكون تكلفة الاصلاح بسيطة وقلنا عملت ايه.

انا كان دة بيحصل معايا بالظبط بس في عربية 124 سبور وكنت بعاني ما بين تظبيط العفشة و ظبط الزوايا أكتر من مرة في أسبوع وبالصدفة أكتشفت ان فية شرخ خفي في القنطرة اللي بتكون تحت الموتور وهي أساس العفشة وكان الحل هو التغيير مع أمكانية اللحام وعلشان مكنتش غالية كانت ب 150ج أستيراد من الوكالة وبعد التغيير كلة رجع تمام.
ياريت تكشف علي القنطرة او أي شروخ في الشاسية بس علشان تتطمن.

اكنك بالظبط بتتكلم على عربيتي .. ونفس الموقف حصل معايا في طريق النصر بعد المنصة وانت رايح على امتداد رمسيس .. الظاهر الأرض في الحتة دي فيها حاجة بتخلي الدركسيون مش مظبوط .. والعربية عومت مني جامد .. بس الحمد لله محصلتش حادثة .

أنا بسمع برضة صرخة العجل في الأرض عند الفرملة في سرعات قليلة مع حدفة بسيطة .. وكل ده زوايا معروفة .. والجديد اللي استفدته موضوع بيض المقصات ده لازم اكشف عليه .. لأنه مفيش عفشجي ولا صنايعي بصفة عامة عنده ضمير .. لو الزبون مش فاهم بيكروت في الشغل

السلام عليكم يا شباب
انا رحت لعفشجي امبارح وخليته يكشف علي العربيه
اول حاجه شك فيها بيض المقضات بس لاقها في مكانها ومفيش مشكله
وبعد كده بص اذا كان فيه اي شرخ او كده بس برضه مكنش ده السبب
وفي الاخر كشف علي علبة الدريكسيون وطلعت المشكله فيها
وهي السبب في التعويم لما بتكون الارض مش مظبوطه او فيها رمل او تشحيم
وبرضه مع الفرمله
لان زي ما قلتلكوا ان في صنايعي منه لله بقي لعبفي علبة الدريكسون وافتكس :khd:
بس الحمد لله جت سليمه
وبالنسبه لموضوع صوت العجل مع الفرمله هو قالي بس ظبط هوا الكاوتش
وانا ظبط الهوا والصوت قل بس برضه ما اختفاش

بس عموما العربيه دلوقتي تمام الحمد لله
وعموما يا شباب قولولنا ايه اللي حصل معاكو بس اهم حاجه تلروحوا لصنايعي عنده ضمير
مستني ردودكم