بشكل عام لو الترتيب مش صح العربية مش حتدور و دة نتيجة ان الشرارة بتحصل فى توقيت بتبقى فيه شحنة الوقود و الهواء مش مضغوطة و بالتالى مش حتطلع اى قدرة
الدايو شغالة بنظام waste spark يعنى كل بستم بتحصل فيه شرارة من البوجية مرتين خلال كل دورة مش مرة واحدة... المرة الاولى بتحصل قبل النقطة الميتة العليا فى شوط القدرة و المرة التانية بتحصل قبل النقطة الميتة العليا لشوط العادم
لو بصيت على البوبينة فى الدايو حتلاقيها اكنها مقسومة نصين و فعليا هى عبارة عن بوبينتين صغيرين متصلين ببعض و كل بوبينة منهم بتضرب شرارة لبستمين فى نفس الوقت... واحد منهم بيبقى فى شوط القدرة و التانى بيبقى فى شوط العادم
معنى كدة انك لو عكست سلكين البوجيهات اللى فى اى جنب مع بعضهم العربية حتشتغل عادى جدا جدا... المشكلة تحصل لو عكست سلك بوجيهين من جنبين مختلفين ساعتها العربية مش حتدور
MMamdouh
المفضلات