نصيحة و الله مش عشان انا راكب بروتون بس بجد بنصحك لله
مفيش أي وجه مقارنة بين الاوبترا و البيرسونا ابدا ابدا ولا في الموتور و لا الصاج ولا التسارع ولا الثبات ولا اي اي حاجة تانية تخطر ببالك الميزة الوحيدة في الاوبترا هي الوسع الداخلي
عرض للطباعة
نصيحة و الله مش عشان انا راكب بروتون بس بجد بنصحك لله
مفيش أي وجه مقارنة بين الاوبترا و البيرسونا ابدا ابدا ولا في الموتور و لا الصاج ولا التسارع ولا الثبات ولا اي اي حاجة تانية تخطر ببالك الميزة الوحيدة في الاوبترا هي الوسع الداخلي
كلام صحيح مية فالمية يا ابو مريم
و يا بشمهندس رافي انا بضم صوتي لصوتك مع انها عربيتي
لكن الواجا متميزة طبعا :))
تحية للأستاذ توت ..
الراجل جاب من الآخر .. متفق معاك 100% ...
البيرسونا تحفة ماشاء الله بجد و طبعا أستاذ توت فصصلك الأسئلة بتاعتك و أنا معايا البرسونا من شهر برده تقريبا و ماشاء الله حاسسها أجمل عربية ركبتها فى حياتى على الرغم إنى جربت كتير مش ركوب بالمعنى بس سوقت أكتر من عربية
و على فكرة والدى كان مرعوب منها و عمال يحاول يقنعنى إنى أجيب حاجة مضمونة أكتر على حد كلامه بس دلوقتى ما بيستعملش عربيته تقريبا خالص و كل المشاوير بيها و كمان بدأ ينصح الناس اللى عايزة تشترى تفكر فيها أولا
اكتر من كلام البروتوناويه مافيش حاجه تتضاف
----
لو حضرتك خلاص استقريت عالبيرسونا ان شاء الله ... حضرتك تحجز بسرعه عشان نعرف نضبطلك التخفيض ان شاء الله
----
وانا تحت امرك فى اى استفســــــــار
تحيـــــــــــــــاتـــــ ـى
بص ياستاذي الحاجات اللي انت قلت عليها دي في منها صحيح ومنها خطأ ولكن مش في كل السيارات ولايمكن ان شاء الله تتجمع في عربيه واحده الا نادرا
1 - اولا قطع الغيار موجوده في التوكيل وخارج التوكيل وكمان في الحرففين سيارات حودادث وربنا مايحوج حد ليهم
2- ال abs الناس فاهماه غلط
اسهلك الفرق بينه وبين السيارات العاديه اللي مافيهاش الجهاز ده
الabsبيشتغل لما انت بتدوس فرامل جامده مفاجأه ولكن مش بيكلبش العربيه في الاسفلت بالعكس
هو زي بيساعدك او بيعالج دوسة رجلك الجامده اللي هتخلي العربيه تزحلق فقط
انت طبعا المفروض انك تدوس فرامل بطريقه انه مايشتغلش وده بيجي بالتعود
فهمتني
وطبعا كفائته تمام لانه بيتلكك وبيشتغل اساسا
3- التكييف والله كويس جدا واحيانا انا بوطيه عشان في ناس في العربيه بيقولولي وطي التكييف شويه والله حصلت وانت مش هتعوزه تلاجه لانه لو تلاجه هتوطيه ولا ايه
4-موضوع التابلوه اللي بيقشر ده هو مش بيقشر ولكن لون الحتت اللي الشمبيني دي بتغير مع مرور الزمن ولكن عصا الفتيش بتتمسح فعلا وبتبقى بيضا وخصوصا لو مانيوال وبوية السياره نفسها في عربيات طلع فيها تقشير في حتت معينه وانا كنت من الناس دي لقيت تقشير بيظهر في الكبوت واترش قبل صيانة ال 20000 كم ضمان
5-استهلاك السياره زي ماتكرموا الاخوه وقالوا كلامهم صحيح مليون في ال %
لو تحت ال 110 يبقى طبيعي جدا
ولكن فوق 120 بيوصل 8 كم في اللتر ودي اقصى حاجه العربيه ممكن تاكلها
6-مافيش تخبيط ولاتزييق في العفشه ولا حاجه ولا من الخلف ولا من الامام ولا من التابلوه
د ي عربيه عفشه رياضيه نفهما صح مش عاوزه مطبات عشان ماتحسش بيها ولكن في الثباااااااااات اتفرج بأه ولا الالماني
اخيرا احب اقوللك انا من ملاك جين 2 اوتوماتيك 2008 من سنه تماما والعربيه عامله معايا 50000 كم والحمد لله العيوب اللي ظهرت وارده في اي مرسيدس كمان
ومبسوط جداااااا بالعربيه وربنا يكفيها شري ويكفيني شرها ويكفينا شر عيون الحاسدين
اااامين
نصيحه من بلاش الاوبترا
انا كان معايا افيو والله نفس العيوب
صاج خفيف جدا
العربيه خفيفه
كماليات مافيش
موتور مش قد كده
توكيل سيء جدا
تحياتي
عايز اقولكم ناه بالرغم من جميع التحديات اللى وقفت قدامى فى سبيل امتلاكى للعربية البيرسونا وبالرغم من كترة الأشخاص
اللى وقفوا قدامى الا انى حجزت خلاص البيرسونا
http://i122.photobucket.com/albums/o...owingstars.gif
مبـــــــــــــــــــروك مبـــــــــــــــــــــــ ــروك الف الف مبروك
وان شاء الله تستلم على خير يارب
وربنا يباركلك فيها يارب ويحفظهالك ويكفيك شر الطريق
----------
ملحوظه :-
----------
ماتنساش تاخد تخفيض .... لو حاجز مع محسن صالح(4000) ... مع اى حد تانى (3000)
لو اخروك فى التسليم .... ياريت تبلغنى
وان شاء الله تستلم على خير
وانا تحت امرك فى اى استفســــــــار
تحيــــــــــــــــــــــ ــاتـــــــــــــىhttp://i122.photobucket.com/albums/o.../th_eclown.gif
ياباشا انا روحت حجزت المانيوال كاملة للأسف مفيش اللن اللى انا عايزه وانا بحاول معاه وقال ى دفعة 2010
طب انا اعمل اية خايف دفعة 2010 تطلع اوحش وكمان مش فيها الخصم دة
ممكن اعرف اعمل اية مع العلم ان اللن اللى انا عايزه ه الجرييىىى
طب هو حضرتك حاجز فين ... ومع مين ؟؟؟؟
والتخفيض اللى واخده كام ؟؟؟
انا سالتلك واتقالى ان دلوقتى الالوان المتوفره فى البيرسونا المانيوال الهاى لاين (الشامبين & الفضى)
وان 2010 فى الغالب مش هيتغير عن 2009 والتمن هيكون زى ماهو
ياريت بس تقولى انت حاجز فين ومن امتى وهاشوفلك لو حد هيلغى ولا حاجه ابقى ابلغك..
وربنا يوفقك وتستلم على خيــر إن شاء الله
تحيــــــــــــــــــــات ــــــــــــــى