الموضوع: نداء الى كل من يملك برسونا أرجو المساعدة

الحاجان دي ليس لها اساس من الصحة

وهوا فعلا التكيف مش قوي زي الكوري بس حلو جدا و انهارده مثلا فعز الحر عمل الواجب و زيادة

بس الباقي مش صحيح ومتسمعش اي كلام من اي حد

المشاركة الأصلية كتبت بواسطة unroi

ارجكم انا اريد ان انضم الى ملاك البرسونا الجميلة و لكن للأسف مشكلة التقفيل وظهور بعض العيوب
تجعلنى افكر الف مرة وهناك بعض المشاكل التى تاجنى

1_ مثلا قطع غيار السيارة مثل الباب أو الشنطة الخلفية و اين يمكن ان اجد مثل هذه الأشياء لا قدر الله لو حصل حاجة

2_سمعت البعض يقول ان abs فى السيارة هى مجرد منظر او ليس فعال كغيره المتواجد فى السيارات الأخرى

3_ان تكييف السيارة ليس قوى مثل الكورى

4_ان التابلوه بيقشر كذلك البودى بتاع السيارة و عصا الفتيس

5_استهلاك السيارة للبنزين مرتفع

6_صوت تخبيط فى التابلوه كذلك فى الخلف
فما هو رايكم وكيف لتجنب مثل هذه المشاكل هل عيوب التقفيل ستختفى 2010 ام لا مع العلم ان هناك عرض
لخصم حوالى 4 الاف على السيارة 2009 وانا مش عارف اعمل اية انتظر 2010 ولا اجيب 2009

وهل من الأفضل ان ارفع السعر شوية اجيب شيفورلية ا وبترا والتى ينصحنى بها الكثير من الناس مع انى مش بحبها اوى ولا الإلنترا
ارجوكم انا محتاج رايكم بشدة ومحتاج مساعدتكم لان كتير بيخوفونى من نقطة وهى لو ان لاقد الله حصل حادثة
فلن اجد قطع غيار مثل الباب او الشنطة ا الرفرف

الكلام ده مالوش أساس من الصحه

صحيح فى عيوب فى التقفيل محدش يقدر ينكرها بس مش بالصوره السوده دى, و على فكره مش كل العربيات فيها عيوب تقفيل لأن فى ناس كتير عربياتها سليمه 100 فى ال 100 زىى أنا و توت

أتوكل على الله لو عجباك فى العربيه لأنها ماشاء الله عليها أكتر من ممتازه و متسمعش كلام الناس اللى بتتكلم نقلا عن فلان ابن فلان. و صدقنى مش حتندم عليها أبدا

المشاركة الأصلية كتبت بواسطة unroi

ارجكم انا اريد ان انضم الى ملاك البرسونا الجميلة و لكن للأسف مشكلة التقفيل وظهور بعض العيوب
تجعلنى افكر الف مرة وهناك بعض المشاكل التى تاجنى

1_ مثلا قطع غيار السيارة مثل الباب أو الشنطة الخلفية و اين يمكن ان اجد مثل هذه الأشياء لا قدر الله لو حصل حاجة

قطع غيار السيارة متوفرة في التوكيل خصوصا الأجزاء الخاصة بجسم السيارة و موجودة كمان في الحرفيين ......
أبواب و أنصاص عربيات كاملة بتتباع هناك بالحتة
بس كل اللي شوفته جين 2
أعتقد أن الجين 2 و البيرسونا في الكصدامات و الباب الأمامي و الكبوت زي بعض
أعتقد أن الأختلاف في الشنطة و في الباب الخلفي فقط .
و لكن التوكيل عنده الحاجات موجودة و إن كان يعيب التوكيل أحيانا أن بعض قطع الغيار بتتأخر في الوصول .
إنما موجودة و بتتوجد لو فيه زبون محتاجها إذا كانت مش موجودة .
لا تقلق من هذه النقطة و بعدين فيه محلات قطع غيار دلوقتي كتيرة متخصصة في بروتون .


2_سمعت البعض يقول ان abs فى السيارة هى مجرد منظر او ليس فعال كغيره المتواجد فى السيارات الأخرى

كلام هجص في هجص و خالي من الصحة من ناس مش مجربين و لا عتبوا العربية و لا ساقوها و لا أمتلكوها .
نظام الفرامل كويس جدا و بيشتغل كله كويس و مفيهوش مشاكل و ال ABS , EBD النظامين بيشتغلوا كويس جدا و مجربهم عدة مرات .........
بالاضافة ان نظام الفرامل في البروتون بوش ألماني ....
كل ما في القصة أن بدال الفرامل مسافته طويلة شوية و بعد التعود عليه خلاص ......

3_ان تكييف السيارة ليس قوى مثل الكورى
أمس درجة الحرارة كانت 40 درجة مئوية في الظل .
و لما شغلت التكييف الساعة 2:30 بعد الظهر ......... بعد عشرة دقائق بدأت أشعر ببرودة التكييف
بعد 25 دقيقة ........ سقعت و قللت قوة المروحة .............
بالليل أو بالنهار ............ بأسقع بعد دقيقتين أو ثلاثة و بأضطر أوجهة فتحات التكييف لفوق أو للجنب .

4_ان التابلوه بيقشر كذلك البودى بتاع السيارة و عصا الفتيس

التابلوه مش بيقشر و لا حاجة ........ أنا هاحوط صورة التابلوه في اسفل المشاركة .
العربية معايا بقالها سنتين .

دهان العربية كويس ....... و أعتقد عليه ضمان 10 سنوات . ( أعتقد و مش متأكد )
نهاية طرف عصايا الفتيس ( الدائرة أو الكرة ) اللي بتمسك منها العصايا في المانوال قشرت مع بعض الناس
عاملة زي الموبايلات الملونة و الموبايلات السودة
الملون بيقشر أسرع من الأسود ..........
الأوتوماتيك عادش مش بيقشر خالص .
المانوال عندي الحمد لله مقشترتش ...... يعني مش كل الناس .

5_استهلاك السيارة للبنزين مرتفع

الإستهلاك حسب السواق و حسب المكان اللي بتسوق فيه
طرق طوالي من 7 إلى 8 لتر لكل 100 كم
طرق داخلية و توقف كتير بتكون حوالي 10 لتر لكل 100 كم

6_صوت تخبيط فى التابلوه كذلك فى الخلف

مفيش صوت تخبيط في التابلوه .......... دي هجص في هجص
في الخلف و نتيجة أن العفشة ناشفة شوية لو بتسوق بسرعة على طريق مش ممهد و مليان مطبات بتحس أن فعلا فيه تخبيط خفيف في العفشة ........ ده ناتج عن أن العفشة مش ناعمة و مقابل ده عندك ثبات غير معقول .

فما هو رايكم وكيف لتجنب مثل هذه المشاكل هل عيوب التقفيل ستختفى 2010 ام لا مع العلم ان هناك عرض
لخصم حوالى 4 الاف على السيارة 2009 وانا مش عارف اعمل اية انتظر 2010 ولا اجيب 2009

موضوع الخصم أو تقرير أي عربية أوي أي موديل تشتريه ده يرجع ليك أنت
أنا شايف أن مفيش فرق غير سنة الموديل بس .
و ممكن تراجع الأستاذ أيمن في موضوع الخصم ....... الراجل كان تعب جدا مع مسئول البيع علشان يجيب خصم لأخوانه الأعضاء ....... و منها بكرر شكري له بالنيابة عني و عن أخواني زملائي على منتدى بروتون ...



وهل من الأفضل ان ارفع السعر شوية اجيب شيفورلية ا وبترا والتى ينصحنى بها الكثير من الناس مع انى مش بحبها اوى ولا الإلنترا

أنا شايف أن الفرق في الشكل و الكماليات لصالح البيرسونا .
الإلنترا أقوى و أنعم من البيرسونا و يعيبها قلة الكماليات و الصاج الضعيف .
فدي برضه هارتجعلك أنت
إنما لو هاتقرر تغير البيسرونا لمجرد الحاجات اللي سمعتها من ناس مجربتش العربية
يبقى كبر دماغك لأن العربية أغلب الحاجات اللي بتسمعها عنها غير حقيقية .
يعني لو البيرسونا عجباك ........ أتكل على الله و خلص فيها
عربية محترمة و كويسة جدا و سعرها معقول .... و فيها كماليات كتيرة .
ارجوكم انا محتاج رايكم بشدة ومحتاج مساعدتكم لان كتير بيخوفونى من نقطة وهى لو ان لاقد الله حصل حادثة

فلن اجد قطع غيار مثل الباب او الشنطة ا الرفرف

إن شاء الله لا تقلق ...... قطع الغيار متوفرة و معانا كم من الأخوة عمل حوداث و العربية بتتصلح في التوكيل و بترجع تاني عروسة ...... العيب الوحيدة ممكن يكون في التأخير في الوقت حسب توافر قطع الغيار في الوقت اللي حصلت فيه الحادثة .

و زي ما قلتلك ........... في الحرفيني هاتلاقي حاجات كتيرة للعربية .

بس حضرتك قلقان قوي كدا ليه من موضوع الحوادث
هو أنت بتعمل حوادث كتيرة ؟؟؟ أو سواقتك عنيفة يعني ..؟؟؟
دي يا باشا صورة التابلوه عندي ........