اكيد طبعا التعديل حيحسن الكفائة الحجمية للمكنة و دة حيحسن الاداء على لفات عالية
و لو الوش المستخدم بتاع نوبيرا يبقى الاداء حيتحسن على اللفات العالية و الواطية على حد سواء نتيجة وجود نظام الVGIS
MMamdouh
عرض للطباعة
اكيد طبعا التعديل حيحسن الكفائة الحجمية للمكنة و دة حيحسن الاداء على لفات عالية
و لو الوش المستخدم بتاع نوبيرا يبقى الاداء حيتحسن على اللفات العالية و الواطية على حد سواء نتيجة وجود نظام الVGIS
MMamdouh
طيب شوف البيانات دى
1- محرك السياره الانوس
قطر غرفة الحريق = 76.5 مم- المشوار 81.5 مم -السى سى 1498 سم مكعب
وده محرك بيدى قدره فرمليه تعادل 63 كيلو وات
2- محرك السياره النوبيرا
قطر غرفة الحريق 79 مم- المشوار 81.5 مم -السى سى 1598 سم مكعب
وده محرك بيدى قدره 77.8 كيلو وات
يعنى الفرق بين المحركين فى القدره 14.8 كيلو وات
ودول اللى بنجرى عليهم .......علشان نرفع كفاءة محرك الانوس
طيب ماهو عندنا السى سى حيبقى ثابت .....لأننا مش حنغير البلوك
ومعروف هندسيا أن فيه علاقه هندسيه بين السى سى ......والقدره
يعنى التعديل مش حيكون مجدى بالطريقه دى
لا وكمان فيه حاجه فى تصميم الجوانات
لو لاحظت جواناتك الحقيقه .....حتحس أن نهاية دواير غرف الحريق .....تقريبا لازقه فى بعضها فى المحركات الdohc
فى المحرك ال sohc فيه خلوص واضح بين نهاية دواير الغرف على الجوان ده
وده منطقى حتى لو مش باين على الصوره .....ليه
لأن قطر غرف حريق الانوس 76.5 مم
أما النوبيرا 79 مم
وهنا ممكن تحصل مشاكل حريق برضه وهروب كبس
الجوان بتاع الوش الdohc حيبقى واسع على غرف البلوك ال sohc
وده السبب فى أختلاف الpart number للبلوكين
طبعا العلاقة بين السى سى و القدرة موجودة بس مش هى العنصر الوحيد اللى بيفرق فى قدرة المحرك والا يبقى كل المواتير ال 1500 بتطلع نفس القدرة و كل المواتير ال 1600 بتطلع نفس القدرة و هكذا... و كان حيبقى من غير المجدى عمل محرك DOHC و ب16 صباب فى حين ان الموتور ال SOHC ابو 8 صباب حيطلع نفس القدرة و فى نفس الوقت ارخص فى التصنيع و اقل وزنا و لما بيشتغل بيعمل قصور ذاتى اقل
من العناصر اللى بتفرق هى الكفائة الحجمية للمكنة و نسبة الانضغاط و تحسين كل حاجة من دول ليها طريقة خاصة بيها
و لرفع الكفائة الحجمية بنركب تربو او سوبر شارجر و هنا التحسن فى الكفائة الحجمية بيبقى كبير و بيعدى نسبة ال100% مستريح لكن تركيب الوش ال 16 صباب بيحسن الكفائة الحجمية للمكنة بس برضة بتفضل اقل من 100% و الجانب الكويس فى الموضوع دة ان مفيش اى خطر على المكنة من القدرة الزيادة اللى حتطلعهاو كمان التعديل دة بيخلليها تطلع قدرة اعلى على الرغم من ثبات السى سى و دون الحاجة لتعديل نظام التبريد او التغذية بالوقود
معتقدش المسافات دى تفرق فرق جوهرى... اصلا لو بصيت على جوان السبيرو حتلاقى فتحات البساتم مش مدورة اساسااقتباس:
لا وكمان فيه حاجه فى تصميم الجوانات
لو لاحظت جواناتك الحقيقه .....حتحس أن نهاية دواير غرف الحريق .....تقريبا لازقه فى بعضها فى المحركات الdohc
فى المحرك ال sohc فيه خلوص واضح بين نهاية دواير الغرف على الجوان ده
وده منطقى حتى لو مش باين على الصوره .....ليه
لأن قطر غرف حريق الانوس 76.5 مم
أما النوبيرا 79 مم
وهنا ممكن تحصل مشاكل حريق برضه وهروب كبس
الجوان بتاع الوش الdohc حيبقى واسع على غرف البلوك ال sohc
وده السبب فى أختلاف الpart number للبلوكين
اللى يهمنى هنا ان المسافات بين مركز كل فتحة بستم و التانية تبقى هى هى و دة تحقق فعلا لما حطيت الجوانات فوق بعضها... و مش شايف اى فرصة لتنفيس بين غرف الحريق و بعضها طالما الجوان حاكم المنطقة الفاصلة بين كل غرفة و التانية
MMamdouh
الصراحه أول مره أسمع على أن فتحات جوان رأس سلندر واسعه ب 2.5 مم فى القطر متفرقش فى آداء عملية الحريق ....لما نركبها على بلوك فتحاته أضيق من فتحات الجوان ....لأن الجوانات بتبقى قاطعه ....على نهاية غرف البلوك ...بحيث لاتسمح بأى ضغط عرضى على حروف الجوان ......الجوان أساسا مش حيتحمل الضغوط زى المعدن ....مهما يكون مربوط ....لأنه برضه عامل خلوص بين البلوك والرأس (الوش يعنى )....وحيكون عليه ضغط غازات عرضى لحظة أنفجار الحريقاقتباس:
معتقدش المسافات دى تفرق فرق جوهرى
دا ممكن الضغط العرضى على حروف الجوانات يخللى الكبس يهرب من غرفه لغرفه ....فى نهاية شوط الأنضغاط وبداية التمدد
دا غير أنى مضمنش آداء عملية الأحتراق لكنترول محرك 1600 على غرف مصممه بشنابر خاصه بمحرك 1500
يعنى ممكن مع التقادم ....المكنه تفروت برضه ....
لأن خليط الهواء والبنزين أكيد حيفرق من محرك لمحرك
وطبعا الشنابر اللى حتتحمل أنفجار لغرفة محرك 1500 مش ممكن حتتحمل أنفجار خليط محرك 1600
أنا طبعا باتمنى الخير للأخوه مالكى الانوس
بس من وجهة نظرى شايفها مغامره محفوفه بالمخاطر
والأفضل تغيير محرك كامل 1600 للى عاوز يرفع قدرة عربيته
على الأقل ....ده المحرك بجميع مكوناته الميكانيكيه ....دون أى تعديلات قد تقبل الفشل
يلاحظ برضه كجزئيه عادتنى من نظرية سريان الموائع
لما يحصل أنفجار والبساتم فى النقطه الميته العليا
الغازات حتوجه ناحيه أوجه البساتم للخلف ....كأتجاه سريان
من خلال توجيه تجويف غرف الحريق فى الوش
ومع سرعتها وأثناء مرورها على حرف الجوان مش حتلاقى فرصه أنها تعمل ضغط على حرف الجوان
لأن تجويف السطح اللى فى الوش ...هو اللى حيوجهها طوالى
ومش حتلاقى فرصه أنها تحود للأجناب
زى أما يكون الجوان أوسع طبعا .
يادوب حتعدى على سمك الجوان وتقوله سلامو عليكم فقط
لأن تجويف الغرف اللى فى الوش وعلى نفس أستقامة غرفة البلوك
مش حيديها فرصه تعمل ضغط على حروف الجوان ....لما يبقى الجوان مظبوط تماما ومكمل غرف الحريق بالتطابق التام ....هو الموضوع فعلا حساس جدا ......
وبحاول أبصله من كل جوانبه بقدر الأمكان
دى طبعا بيانات المحرك 1500 ال sohcاقتباس:
1- محرك السياره الانوس
قطر غرفة الحريق = 76.5 مم- المشوار 81.5 مم -السى سى 1498 سم مكعب
وده محرك بيدى قدره فرمليه تعادل 63 كيلو وات
شوف بقه البيانات الغريبه دى .....من كتالوج العربيه بتاعتى
بيقولك أيه
للمحرك ال 1500 بس dohc
الأزاحه الكليه ....السى سى يعنى = 1498 سم مكعب
طول الزراع والريشه يساوى 79x81.5 وتقريبا يقصد بيهم
قطر غرفة الحريق = 79 مم......زى النوبيرا يعنى
والمشوار 81.5 مم
ليه لأنه قايل
أن نسبة الأنضغاط برضه زيها زى كل الأنواع 9.5 : 1
الصراحه ده لغز .....وتقريبيا بيكتبوا أى كلام
لأن البستم ال 76.5 مم هو اللى يدينا 1498 سم مكعب
والبستم ال 79 مم هو اللى يدينا 1598 سم مكعب
مفيش شك دول غلطانين ...لأنها واضحه بالحسابات :Ob_mak1[1]:
يبقى كلام الكتالوج هلس
MMamdouh
بصراحه كم معلومات اكثر من رائع والمناقشه بين محمد وسمير ....مناقشة اساتذه واعتقد ان كل المنتدي منتظر النتيجة النهائيه