السلبية

**harphosh** · 20-08-2009 09:03 AM

المشاركة الأصلية كتبت بواسطة the-hero

من الواضح انى بنفخ فى أربه مخرومة
فأنى بعترف بفشلى فى حل مشكلة السلبية والتكاسل
كل أسف وحزن من هذة الحالة
الى الانحدار لأسفل منتدى بيجو
أسف نايل موتورز ولكنها الحقيقة سلبية سلبية سلبية لأبعد الحدود
وداعا منتدايا الغالى
انا معتصم

ليه بس التشائمية دى يا عم أبو حميد ، ما اتعودتش منك على كدة
لما كلنا نعتصم امال مين يدخل على المنتدى ؟
يا جماعة مهما كان فأنا من مكانى اناشد الجميع بالمحاولة مرة واخرى دون يأس
وربنا يوفقنا جميعا

**nour2007** · 20-08-2009 09:34 AM

بلاش يا عم احمد
انا واحد من الناس محدودي الخبره بالسيارات وبجد وليا مشاركات مش هتتعدي الشكر
واعتذر ليك وبطلب منك انك ترجع عن فكرة الاعتصام دي
وبناشد كل البيجوهاتيه بعدم السلبيه والتواجد المكثف للمنتدي الغالي
وفي انتظار ردك يا احمد بأنك ترجع عن فكرة الاعتصام
وانا واحد من الناس هبطل كسل وسلبيه
وده وعد مني ليك

**the-hero** · 20-08-2009 01:56 PM

المشاركة الأصلية كتبت بواسطة harphosh

ليه بس التشائمية دى يا عم أبو حميد ، ما اتعودتش منك على كدة
لما كلنا نعتصم امال مين يدخل على المنتدى ؟
يا جماعة مهما كان فأنا من مكانى اناشد الجميع بالمحاولة مرة واخرى دون يأس
وربنا يوفقنا جميعا

المشاركة الأصلية كتبت بواسطة nour2007

بلاش يا عم احمد
انا واحد من الناس محدودي الخبره بالسيارات وبجد وليا مشاركات مش هتتعدي الشكر
واعتذر ليك وبطلب منك انك ترجع عن فكرة الاعتصام دي
وبناشد كل البيجوهاتيه بعدم السلبيه والتواجد المكثف للمنتدي الغالي
وفي انتظار ردك يا احمد بأنك ترجع عن فكرة الاعتصام
وانا واحد من الناس هبطل كسل وسلبيه
وده وعد مني ليك

و الله يا جماعة مش مسأله تواجد ومشاركات أبدا
لأنها ظاهرة الاعتماد على اللى موجود من مواضيع ومشاركات بتقعد بالأيام مع مرور وتواجد عدد كاف من الاعضاء
عارف لو مفيش حد بيخش خالص كنت قلت عادى
وحكايه تغيب الأعضاء الأفاضل المعروفين ملوش علاقة بكدا برضه
فكرت ممكن يكون ده سبب اللى خلى هانى فلاينج ميخشش على المنتدى !!!!!!!
انا واحد من الناس بخش على المنتدى يوميا والله العظيم الموضوعات بنفس الترتيب بنفس المشاركات بالايام يأخوانا
يبقي أخش بقي اعمل ايه!
اكيد هتشأم اكتر من اللى بنشوفه يوميا وحال البلد والطرق

متزعلوش بجد منى
كل سنة وانتم طيبين ورمضان كريم

**the-hero** · 24-08-2009 01:15 AM

مع تواجد عدد كافى من الأعضاء قأن اخر مشاركات فى اول خمس مواضيع يوم امس

**the-hero** · 18-11-2009 09:36 AM

واضح ان مفيش فايده
لان ايد وحدها متصقفش

**harphosh** · 18-11-2009 10:03 AM

المشاركة الأصلية كتبت بواسطة the-hero

واضح ان مفيش فايده
لان ايد وحدها متصقفش

هتسقف مع بقيت الأيادى بإذن الله يا احمد

**the-hero** · 18-11-2009 10:19 AM

المشاركة الأصلية كتبت بواسطة harphosh

هتسقف مع بقيت الأيادى بإذن الله يا احمد

هههههههههههه
حبيبي والله ياباشا ليك وحشة
وصلت لايه فى العربية

**harphosh** · 18-11-2009 11:46 AM

هانت خالص بس مكسل افنشها وماشى بيها من غير كرتيرات ولا كمبريسور وشوية فنش بسيط
ربنا يعزك ويباركلك

**alhourriah** · 18-11-2009 12:21 PM

المشاركة الأصلية كتبت بواسطة the-hero

السلام عليكم ورحمه الله وبركاته
أعزرونى على العنوان المؤسف ده بس بجد حال منتدى بيجو يرثى له بجد حاجه لآ يوجد اى تفسير لها غير انها
السلبية
لا يوجد اى حرص على الافادة ولكن هى الاستيفادة
مقولناش حاجة بس يكون فيه مشاركة ولو برأى بصوت بتشجيع بشكر
يعنى ايه اخش أشوف وأتعرف واعرف حجات الناس بتدوخ عشان تعرفها
خلاصه تجارب ومعانات وتعليم من غير اى دور منى ولو بكلمة تعرف صاحب الموضوع ان فيه حد أهتم وتعلم
لكن تلاقى عدد المشاهدات يفوق بشكل فوق الوصف الردود
وتلاقى كمية حضور كتير من الاعضاء والمواضيع نفس الترتيب بالايام
ده الواحد بيدور على أعضاء تعمل مواضيع يفاجأ باعضاء متعملش ردود على الأقل مش قادر أفهم ده من ايه غير ان ده حال المصريين المعروف
ده النبي عليه الصلاة والسلام فى بدايه ظهور الأسلام دعا وقل
اللهم اعز الاسلام بأحدى العمريين وهم (عمر بن الخطاب أو عمر بن هشام) اللى هو أبو جهل
عرفيين ليه الناس ديه خصيصا بين جميع قبيلة مكة مش عشان قوة البدن لأ عشان قوة العقل أولا
لأنهم أكتر أتنين يتمتعوا بالأيجابية لاوالله فيه الصفة ديه بيأثر بشكل كبير فى الناس ويغيير سلوك قوم
مشفش غلط وأسكت لأزم يكون ليا دور بتقويم أو معارضة وكذالك مشفش طيب غير لما أشكر وامدح وأشارك وأساعد وحفز
الخير يفرح وكذالك كل ماهو خاطئ يزعل هى ديه الأيجابية
.................................
اللهم انى أسألك الاخلاص فى القول والفعل

وأنا بصف معاك وبضم صوتي لصوتك... أنا أحيانا بضطر إني اراسل فنيين على الخاص او أشوف مواقع تانية عشان أعرف حاجة ممكن تكون بسيطة...

**husseinoo** · 18-11-2009 12:22 PM

اللهم صل على محمد وعلى آله وصحبه أجمعين

احلى سلام على اجدع "هيرو"

بالرغم أن مشاركتك منذ شهر 7 يا هيرو
وبرغم أنى لم أقرأها إلا اليوم
لكن بصراحة كلامك كله سليم ومية مية

أنا عن نفسى حبيت المنتدى الخاص بالبيجو
ومن خلال فترة قصيرة معاكم ... قدرت اعرف من الشخصيات اللى عندها عطاء وحب
وغصب عنى عرفت ان فيه رجالة محترمة وبالأسم
هيرو
اسلام
ياقوت
مع احترامى لكل الأعضاء ... لكن من خلال مشاركاتهم وردودهم معى او مع غيرى هى دى الحقيقة

كثير من المشاهدات والإستفادة
قليل من المشاركات والإجابية

احسن حاجة يا جماعة أن الإنسان يقضى وقته فى حاجة مفيدة ... معلومة جديدة ... معرفة الرجال كنز ودى اهم حاجة قبل كل شىء

ده يا أخى لو الواحد قرأ تعليق "مضحك" .... الواحد بينام مبسوط .. ويشعر ان ليه أصدقاء جالسين معاه

ده لو العضو "خفف" من حدة اى مشكلة الواحد بيمر بيها ... ده يعتبر عمل إجابى

ممكن تلاقى عضو مثلا "مخنوق" من حاجة فى العربية بتاعته .... تقدر انت حتى ولو موش فاهم كويس انك تخفف عنه ... بدل ما يندفع ويعمل حاجة غلط ويعالج الخطأ بخطأ
ممكن تخليه ينام وهو مرتاح نفسيا ... ده كله بسبب كلمة طيبة منك

يا ريت مزيد من الإجابية .. والصداقة والحب ... وقبل كل شىء العطاء قبل الأخذ

شكرا ليك يا هيرو على الموضوع الرائع

وشكرا لكل الأصدقاء اللى ردوا على الموضوع باهتمام

مع اطيب التمنيات
اخوكم حسين غزالة

الموضوع: السلبية

LinkBack

أدوات الموضوع

عرض

-

-

-

-

-

-

-

المواضيع المتشابهه

ما هى الآثار السلبية للجنوط السبور على العفشة ؟

فزاعة الاخوان و السلفيين.. احذروا الدعاية السلبية و الغباء السياسى

ازاي عربية بدون كتالوج تشغيل...زعلان من التوكيل على السلبية

أثر القتاعة السلبية

الكلمات الدلالية لهذا الموضوع

المفضلات

المفضلات

ضوابط المشاركة