الموضوع: افيدونا نقل من مرور فيصل لمرور السلام

السلام عليكم ورحمة الله وبركاته

الاخوه خبراء واعضاء منتدانا الغالي نايل موتورز

انا اشتريت سياره هيونداي اكسل كامله اتوماتيك خليجي 1997 وهي مرور فيصل الجيزه

مع العلم انها كانت بتوكيل وسجلتها بأسمي في الشهر العقاري

كنت عايز اعرف ايه الاجراءات والمصاريف عشان انقلها لمرور السلام حسب اقامتي

وياريت حد يفيدني بالتفصيل اكون شاكر جدا يعني التامين والضريبه وكل المصاريف

وانا كنت سمعت ان النمر الجديده ثمنها 125 جنيه هل الكلام دا صحيح

وشكرا مقدما
ابو مراد

انا معنديش مع الاسف فككرة عن التكاليف بس بالنسبة للاجراءات يبقي كل اللي حضرتك هتعمله انك تطلع علي مرور فيصل و تجيب شهادة مخالفات و تطلع علي المرور اللي حضرتك تابع ليه برخصة العربية و معاك العقد المسجل شهادة المخا لفات الكلام ده امتي في حالة ان الرخصة اللي مع حضرتك سارية و تكون رخصة كمبيوتر في حالة ان الرخصة منتهية او كانت الكرتون يبقي هتضطر و انت بتجيب شهادة المخالفات انك تجيب شهادة بيانات موجهة للمرور اللي حضرتك تابع ليه من مرور فيصل ده بالنسبة للاجراءات المصاريف مع الاسف بتختلف من سيارة للاخري فمش هعرف افيد حضرتك و موفق ان شاء الله