الموضوع: صور البنات على الانترنت

هو أحنا لو أتكلمنا على فكرة أن واحدة تحط صورة ليها على الفيس بوك دى مش مشكلة كبيرة لأن زى ما أختنا نور قالت أنها تعرف ناس كتير محترمين حاطين صورهم وأنا شخصيا عندى ناس كتير محترمين على الفيس بوك حاطين اكثر من صورة ليهم المصيبة بقاااا تيجى لما تلاقى واحدة حاطة أكتر من صورة وبتضيف أى حد أى عندها على البروفايل من غير حتى ما تعرفة وأنا عندى على البروفايل بتاعى شخصية أتعرفت عليها نسئل الله العفو والعافية بتضيف ناس متعرفهومش وخصوصا الأولاد الغرض من دا أنها يبقى عندها أكبر عدد من الأصدقاء قال أية يعنى دا هيخليها مميزة والمصيبة الأكبر أنها حاطة أكتر من 40 صورة ليها ياخبرررر ابيض أية ياجدعااان هى دى مش خايفة على نفسها ولا أية طيب خافى من ربنا لاكن لما عرفتها أكتر بقا عرفت أنها من هواة (أنا بحب أكون فتاة أحلام كل واحد) فا لازم أوقع كلو فى حبى !!! والله دى هواية عند بنات كتير ودا يعتبر نقص نسئل الله العفو والعافية وربنا يسترها علينا وعلى نسائنا وبناتنا وبنات المسلمين أجمعين
ولاحول ولا قوة ألا بالله

أسف على الأطالة

شكرا يا احمد هيا دى بقا البنت الى بنتكلم عليها

المحترم محترم و لو كان محترم بجد فاكيد بيبعد عن الشبهات بانواعها

فى ناس اصلا بتتصور علشان تنزل صورها على الفيس بوك

فى بنات بتبقي دى طبيعتها زى لبنان و الجزائر مبيبصوش للموضوع بطريقة شرقية زينا و كل شيء عادى عندهم ..

اما لو اتكلمنا على المصرييين فلا تعليق افضل

كلام بجد صح يعنى المغرب ولبنان وتونس والجزائر ولبنان وبلاد تانية كتيير الموضوعدة عندهم عادى لان دى ثقافتهم
اما بجد مصر لا تعليق زى ما حضرتك قلت

المشاركة الأصلية كتبت بواسطة نور القمر

بلاقي بنات منزلين صورهم الشخصية في المواقع وخاصة الفيس بوك والماسنجر

السؤال دلوقت ليه البنت بتنزل صورتها ؟؟!!
على فكرة انا اعرف بنات منزلين صورهم ومحترمين جدا بوجه عام سواء على الانترنت او في الحياة عموما بس ايه لازمة الصورة برضو


طيب ازاي البنت تخاطر بصورتها وتخليها متاحة للجميع بالشكل ده واحنا دلوقت في عصر التقدم والفوتوشوب وممكن اي صورة يتلعب فيها بسهولة وتتركب على اي جسم اخر بمنتهى الاتقان

المشاركة الأصلية كتبت بواسطة eng.octooo

انتم على فكرة بتتكلموا فى موضوع تانى خالص
موضوع استغلال الصور دة موجود صحيح ولما تضيع محفظة او تليفون ويقع فى ايد حد معدوم الضمير هاتبقى البنت هيا الضحية

بس انا ونور بنتكلم ان البنت لما تحط صور شبة عريانة ليها على النت والفيس بوك وحد ياخدها ويلعب فى الصور فى الحالة دى البنت مش ضحية لانها هيا الى حطط صورتها (الفاضحة )

ف احنا بنقول الاسباب الى بتخلى البنت تحط صورتها على النت
ومن اهم الاسباب دى هيا غياب دور الاهل فى متابعة ابنائهم دة غير اسباب تانية كتيير زى عقدة نفسية واحساس بالنقص وحاجات تانى .....

بس iceheartedgirl تقريبا الموضوع اتلخبط معاها وافتكرتنا بنتكلم على حد معين ودة الى كان مزعلها لاننا بنجيب فى سيرة الناس واحنا كنا بنتكلم على الوضع العام مش حد معين بس هيا دلوقتى عرفت قصدنا ومفيش زعلا ولا حاجة الحمد لله


دة الموضوع

حضرتك اللى بتتكلم فى موضوع رابع خالص , نص السؤال مكتوب فوق اهو , ارجو مراجعته للتاكد

بنات فاضية ودماغه فاضية ومش لاقيين حاجة يعملوها

انا سبت واحدة وكنت خالص هخطبها بسبب موضوع الصور والفيس بوك والهجص ده كله

وازاى ارضى كابنت احط صورتى وحد تانى يشوفها ويعمل كمنت ايه يابنت الجمال ده

خلاص شايفه بان هى كده بنت دلوعة وروشة

وفى قاعدة انا مؤمن بيها مفيش حاجات اسمها شات كويس ومحترم وشات قليل الادب ومش محترم

مفيش ولد بيكلم بنت على النت الا وهو فى دماغه حاجة وحشة وقصده حاجة مش محترمه الا الا الا ما ندر وقل