انا استرقت فى دريم بارك - احترسوا

**asnady** · 29-07-2009 01:54 PM

كنت فى دريم بارك فى وسط الاسبوع رحت تقريبا على 6
هى فى الصيف بتفتح تقريا من 5 الى 12 باليل
المهم رحت 6 و دخلت انا و العيله و سبت العربيه فى الجراج وسط عربيات كتير جدا
بعد ما خلصت لاقيت واحد منه لله شال علامه صنى اللى ورا على الشنطه بمفك
انا فوجئت ان العلامة ملزوقه فقط و بدون مسامير ولا اى حاجة و من علامات المفك على الصاج واضح انه فكها بسهولة
حسبى الله و نعم الوكيل
المهم الناس بتوع دريم بارك قبل ما تدخل بياخدوا 5 جنيه رسوم باركنج و مافيش اى حراسة او افراد (او على الاقل مشفتش حد منهم) غالبا هيقعدوا على جنب يرغوا مع بعض و مافيش رقابه و مافيش ضمير
انا عايز اركب انذار
حد يعرف الانذار فى التوكيل (السبع ) بكام ؟ شامل التركيب
و هل الانذار ممكن اظبط حساسيته بنفسى بسهوله و لا ايه ؟ (عايز ازود الحسايسة تحت البيت و اقللها تحت الشغل عشان تحت الشغل امان و بيعدى عربيات نقل ثقيل كتير اكيد هتخلى الانذار يضرب كل شوية )
العلامه دى اصلى بكام و تقليد بكام ؟

**eng.octooo** · 29-07-2009 02:28 PM

الحمد لله انها جت على كدة وياريت ملاك النيسان يفيدوك وعموما جهاز الانزار انواع انت ممكن تجيبة من برة وتركبة فى التوكيل (اسال الاول)
وعموما موضوع سرقة العلامات دة منتشر جداااااااااا

**M.Osman** · 30-07-2009 02:11 AM

انا اعرف واحد معاه جيتا
العلامتين اتسرقوا ورا و قدام

فيييييين الراجل لقيتها جاب العلامتين ( بعد حوالي 6 شهور ولا حاجة ) ...

و الله العظيم في اقل من اسبوع كانت اللي قدام اتشالت تاني ...

و ملحوظة اوي في المنصورة... كل التاكسيات معلقة كلامة فولكس و وكل العريبات الفولكس بدون علاماااات !!!!

**M.ABDEEN** · 31-07-2009 06:57 AM

معلش اني بشارك معاكوا انا حصل لي نفس الموقف من 5 سنين ايام اللادا وكنت راجع من شهر العسل وركنت ومتمم على العربية وخرجت الساعة 12 بليل وتم التالي
فتح جميع الابواب بدون كسر وسرقة الكاسيت والايكوليزر وقطع ضفيرة الكهرباء وسرقة الكوريك ومفتاح العجل والدواسات والمخادع للكراسي الامامية والسرينة اللي كنت مركبها وحتى اية الكرسي اللي معلقها في المرايا كمان (حرامي معندهوش دم) وطبعا الشنط بتاعتي انا والمدام وهناك الامن زباللللللللله وناس مش محترمة وهما اتنين فرد ملهومش لازمة وبصراحة انا مقاطع سرقة لاند دي من ساعتها وباحذر اي شخص لانها اتكررت مع كذا واحد وربنا يعوض علينا