كمبيوتر العربية هنج

**beihoo** · 29-07-2009 10:51 PM

عندنا مثل مشهور أوي
[gdwl]
New software = New BUGS
[/gdwl]

أهم حاجة ال fail safe في المعدات و الأجهزة اللي ممكن يعتمد عليها حياة الناس. و أعتقد إن الحكاية دي متراعية في كل السوفتواير اللي نازل في كل العربيات .. تلاقيها سنسور أو العوامة زي ما قال أحد الأخوة كان مدي قراءة خطأ فالكمبيوتر خرف شوية

و ربنا يعافيك و يعافينا كلنا من مطبات السوفتواير

**asdy97** · 30-07-2009 10:21 AM

السلام عليكم

شكرا لمساعدتكم جميعا و انا حروح التوكيل اكشف على العربية و ابقى اقلكم عملت اية هناك

**ADIPROVISTA** · 02-08-2009 11:03 PM

نفس الموضوع بيحصل معانا فى الاوكتافيا a5
بس من غير ضعف سحب ولا حاجه
يعنى تلاقى البنزين نزل على الاحمر وهى لسه مفوله
وبعدين لما تطفى وتشغل يرجع وشويه كده يفصل تانى وهكذا مرارا
مش عارف الموضوع ده ايه؟؟

**asa2005eg** · 04-08-2009 09:43 AM

same also !!!!

**asdy97** · 12-08-2009 09:10 AM

السلام عليكم

اولا احب اشكر كل اللي رد على الموضوع دة و اقلكم هو دة عشمي في اهل الاسكودا

اكملكم القصة
بعد مالعربية هنجت و قفلتاها و فتحتها تانى و رجعت طبيعية

الصراحه انا كنت مشغول جدا و مكنش عندى وقت اوديها التوكيل و قلت ممكن حاجة عارضة و خلاص المهم يوم الخميس اللي بعدة لاحظت ان استهلاك البنزين زيادة عن الطبيعي فرحت حاطت بنزين للعربية و طلعت من المحطة لاقيت نفس اللي حصل رجع تاني و المؤشر نزل في الاحمر و العداد ادى اصفار

قلت لا الموضوع بجد و لازم اروح التوكيل

فعلا يوم السبت رحت التوكيل و كشفم على العربية و بعد ساعتان طلعتلي العربية من جوة الورشة و قالولى غيرنا طلمبة البنزين علشان كانت بتودع و بعدها حطيت بنزين في العربية كاختبار الحمد لله المشكله مبقتش موجودة

ارجو ان اكون افتكم و كمان كل اللي عنده نفس المشكله يروح يكشف على طلمبة البنزين اللي عنده