الموضوع: بفضل الله ثم هذا المنتدى الجميل اخترت لانسر و لكن عندى سؤال؟

على فكرة مواصفات العربية حلوة قوى قوى ومش كل الخليجى كده ، هى كده واخدة أحلى ما فى المصرى وأحلى ما فى الخليجى..
ولو سألت عند معارض تانية لازم تكون نفس المواصفات
واحتمال فيها فصال 500 - 750 ..

انا فعلا سألت فى معارض تانية و مالفيتهاش خالص .. كل الموجود ال GL اللى ب 91000 فقلت 2000 جنيه مش كتير على الكماليات الزيادة دى ولا انت ايه رايك يا دكتور ؟
و بعدين انا لقيت عندهم نظام تأمين حلو قوى ..حاجة زى كونتاكت كده بس لالاسف ب 3% (كتير شوية )
لكن ميزته ان هو اللى بيتعامل مع شكرة التأمين و يريحك من وجع الدماغ و هو اللى بياخد العربية يصلحها
و كمان بياخدها للصيانة الدورية (1000 و5000و1000و....) و كمان هو اللى بيجدد الرخصة سنويا و يدفع الضرايب و التأمين الاجبارى كمان .... ايه رأيكم يا جماعة فى الموضوع ده ؟

رأى توكل على الله

اشكرك يا اخ فهد ... و الله المستعان

هم ال 2000 الزيادة فرقهم فى الكنسولين والسماعات والعتب

بس هو سعر المصرى كام؟
لأن الخليجى كان دايما يقل عن المصرى 3-4 آلاف ج..

وليها ضمان رواس وللا إيه؟

والفلوس دى تشمل التـأمين؟

وعموما العربية حلوة وأستعير مقولة أخى إسلام:
اللانسر دى جنيه دهب

المصرى ب 94000 لكن ليس بها كاسيت ولا كونسول خلفى ولا ايرباج ولا ايموبلايزر و و الايريال فى القايم الشمال (و ده حاجة قديمة قوى) و فرشها لون العربية مش بيج و كمان مش فيها ابانوس فى التابلوه .
و لكن ماعرفش بقى اذا كانت عفشتها اقوى من الخليجى ولا لاء لانهم بيقولوا ان المصرى بس هى اللى عفشتها خدمة شاقة خصوصا فى الCC 1300
اما السيارة فلها ضمان 3 سنين او 60 الف كيلو و الصيانة فى مركز بوش او مركز تانى فى طريق السندباد (يا ترى المراكز دى حلوة؟)
و السعر على فكرة غير شامل التامين

هو اكدلى انها كويتى و ان شاء الله هتأكد عند الاستلام ... بس هو ايه عيب الاردنى ؟
محدش قال رايه فى موضضوع التأكين ليه يا جماعة ؟؟؟!!!؟