-
صيانة ال 1000
دي تفاصيل صيانة ال 1000 يا جماعة:
1- كلمت التوكيل يوم الحد عشان أحجز الإتنين أو التلات (متفائل زيادة عن اللوزوم) طبعاً ردة علية يوم الخميس ممكن
2-أنا كنت أساساً معدي ال 1000 لاث 300 كيلو أساساً وواخد أجازة من البنك مخصوص الإتنين والتلات عشان الصيانة دي قالتلي ممكن تشوف فرع العجوزة أو أمير وجوزيف في مدينة نصر
3- أنا طبعاً إخترت أمير وجوزيف بحكم إنه أقرب لية ومن غير ما أتكلم رحت يوم الإتنين الصبح حوالي الساعة 10 صباحاً والدخول كان بالدور وكنت رقم 6
4- عرض الراجل علية أملى الكاوتش نيتروجين وقلتلو ماشي وكان عندي صوت عالي بيطلع من السنتر لوك بتاع الباب الأمامي اللي جنب السواق لما يقفل السنتر قالي نكشف عليه
5-المهم الناس هناك حسيتهم منظمين وسريعين تقريباً إستلمت العربية بعد ساعة بالزبط
6-اللي حصل بقى قالي الموتور بتاع الباب محتاج يتغبر ولازم تروح التوكيل وغيرو زيت الموتور والفلتر والنيتروجين
7-جيه وقت الحساب :khd: قالي الراجل بتاع الحسابات عشان دي أول مرة المصنعية FREE :10D5C8~1107: الزيت توتال 5000 الجالون 4 لتر ب 100 الفلتر ب 50 النيتروجين ب 30 (7.5 للكاوتش الواحد)
8-دفعت وأنا مبسوط وختملي على دفتر الضمان
ودي كانت أول صيانة وعقبال اللي بعده...
بخصوص النيتروجين مفيش مواضيع في المنتدى عن الموضوع ده؟؟ عيوبه مميزاته
وبخصوص الموتور بتاع السنتر مفروض تحت الضمان وحيغيروه؟؟ومتوفر ولا حستنى؟؟ أنا إنشاء الله رايح السبت اللي جاي الصحراوي
سلام
-
مبروك صيانة الالف ..ربنا يباركلك فيها وعقبال ال 100000 على خير ان شاء الله
وشكرا على التقرير
بخصوص النيتروجين...ده موضوع منقول للإفادة
----------------------------------------------------
اهم فوائد هذا الغاز انه لايسخن ويتمدد ثم يسبب ارتفاع وتغير في ضغط الاطارات كما الهواء العادي....اي انه مع حراره الشمس وحراره الطرق وحراره الاطار نفسه لن يتاثر الغاز ويتمدد مسبب زياده في الضغط على الاطار مما يكون عاملا مساعدا في احتمالات انفجار الاطار
وهذه الميزه المهمه في هذا الغاز هي السبب وراء كونه يستخدم في اطارات الطائرات او اطارات الشاحنات الكبيره او اطارات سيارات السباق الرياضيه وذالك لكونه لا يتمدد بسبب الحراره اللتي تحدث من احتكاكات اطارات تلك المركبات اللتي اطاراتها شديده الاحتكاك بالارض مثل سيارات السباق او الطائرات
ميزه مهمه ايضا في هذا الغاز وهي انه لايوجد فيه رطوبه مما يسبب عدم تفاعل الرطوبه مع مادة الاطار الداخليه(اذا كان الهوء عاديا) وتقصير عمرها الافتراضي
ايضا ميزه اخرى وهو كون الغاز خفيفا (كثافته خفيفه) مما يساعد على تخفيف وزن السياره على الارض والتقليل من احتكاكها بالارض مما يساعد على طول عمرها الافتراضي..وكما هو معلوم ان غاز النيتروجين يستخدم في البوالين الطائره لكون خفيف واقل كثافه من الهواء العادي
اعتقد ان تلك الميزات هي اهم خصائص هذا الغاز واللتي تمنحه الاهميه في الاعتماد عليه في تعبئه الاطارات وبالخصوص للمسافرين على الطرق السريعه ولمسافات طويله
-------------------------------------------------------------
-
مبروك على صيانه الالف و عقبال ال100 الف
بالنسبه لموضوع النيتروجين انا جربته فى عربيتى من حوالى 10 ايام .... النتيجه :- مش حاسس باختلاف الحقيقه و مافيش اى حاجه من الى سمعت عنها ... المطبات انعم و صوت الكاوتس اقل و ثبات احسن و كل الكلام ده ...... مافيش اى حاجه زياده او اى فرق حسيت بيه الحقيقه .
انا مليت الكاوتش ب 13 جنيه للاربع فرد " بعد تخفيض 7 جنيه لنايل موتورز " فى بريدجستون عباس العقاد .
-
مبروك يا باشا و عقبال المليون كم إن شاء الله
-
http://i122.photobucket.com/albums/o...owingstars.gif
الف مبروك على اول 1000 وعقبال الــ 100000 بالخير ان شاء الله
وبخصوص النيتروجين زى ماقال ا/مهاب ... غالى عندهم ... وانا الصراحه بعد ماجربته حسيت بفرق كبير وقلل نشوفيه العفشه كتير..
وبخصوص الستنر ان شاء الله هيتضبط ... وان شاء الله يكون متوفر عندهم على طول
-انا على فكره احتمال اروح التوكيل عالسبت ... نبقى نضبط ونطلع مع بعض ان شاء الله-
---
الف مبروك .. وربنا يباركلك فيها ويحفظهالك
تحيــــــــــــــــاتـــى
-
حاجة تضايق بصراحة
يعنى الواحد يروح مركز صيانة العجوزة يخلص فى ساعة و لو فكر يروح المركز الرئيسى يقعد اليوم كله و بيبقى بيعمل نفس صيانة الـ 1000
عموما اخى الفاضل انت هاتغير قطع الغيار الخاصة بك فى الضمان عادى و بدون ماتتكلف اى مصنعيات و الف مبروك على العربية و ربنا يملهالك بركة
-
ألف مبروك وعقبال صيانة 100000 وعقبالى لما أعمل أنا كمان صيانة 1000 :C_laugh[1]:
-
مبروووووووووك صيانة الاف وعقبال كل صيانه وتفضل مبسوط من جين 2 الجميله :mad2:
ربنا يوفق
-
حضرتك محستش بأى تغيير..لما النيتروجين اتحط........؟
-
الف مبروك على الصيانه وعقبال الصيانات الجايه على خير ان شاء الله
النيتروجين عندى رحمنى من تزويد العجله الخلفيه كل كام يوم يعنى مش بيسرب بسهوله
بالاضافه ان العفشه انعم عن الاول
تحياتى
Content Relevant URLs by
vBSEO 3.6.0 PL2