مشكلة في النيسان

**mohamedeed** · 30-07-2009 11:45 AM

انا اوبتراوي
بس حماتي اشترت نيسان اكس سالوون2009 وعندها مشكلتين
1- التكييف بيفصل لمدة طويلة لدرجة ان العربية بتبقي حر جدا (بس الكلام ده في وسط البلد فقط) لكن علي الطرق السريعة ما بيفصلش
2- عند الضغط علي الفرامل بيحصل صوت خبطة من خلف العربية

تم الذهاب الي مركز السبع مع صيانة الالف لحل المشكلتين ولكن
بعد الكشف علي التكييف قالوا مفيهوش مشكلة ؟؟!!!
وقالوا رجلشنا الفرامل والمشكلة اتحلي لكن الخبطة زي ما هيه

حددت ميعاد تاني ورايحين الاسبوع القادم دعواتكم
ولو حد يعرف حل للعيوب دي يفيدني
وشكرا لكم

**أحمد علاء** · 30-07-2009 02:09 PM

السلام عليكم
حل مشكلة فصل التكييف لفترات طويلة (يفصل مده طويلة مش مرات كثيرة) بيكون شحنة التكييف ازيد من الازم يعنى عدد الجرامات اكثر من القياسي بالنسبة للأجواء الحارة
قول لهم راجعوا الشحنة وانا عملت كدة وحتى ان معنديش مشكلة
بالنسبة للفرامل ماعنديش فكرة

والله اعلم
السلام عليكم

**WalidAdel** · 30-07-2009 05:43 PM

بالنسبه للخبطه اللي من ورا ساعة الفرامل دي

دا حضرتك بيبقي التيل الخلفي فيه بوش بينه و بين الطانبوره و دا بيروح مع الرجلشه للتيل الخلفي الصوت دا بيظهر لما حضرتك تدوس فرامل و العربيه ماشيه و تسيب علي السرعات الواطيه خالص كانك هاتقف مثلا بس قبل ماتقف العربيه تسيب فرامل فيظهر الطقه دي
للتاكد من كلامي دا شد فرامل اليد تكه واحد بس لو الصوت راح يبقي كده التوكيل مارجلش علي التيل
بس المشكله ان التيل بيتاكل من ناحيه و ناحيه لأ و هايفضل العيب دا موجود لحد ما التيل يتاكل و تغيره
الموضوع دا عندي بردوا و هما في التوكيل ماحدش فهم حاجه من كلامي دا فانا اصلا بطلت اروح اقولهم عليه و مستني لحد ما التيل يخلص و اغيره برده ام اشوف هاتتعدل ولا ايه

بالنسبه للتكييف بقي في البكره بتاعة الحراره في تكه كده في اخر البكره يعني لازم تجيب البكره للاخر و اخرها تكه كده صغيره و ان شاء الله يتعدل معاك

**WalidAdel** · 01-08-2009 04:58 PM

المشاركة الأصلية كتبت بواسطة alsab3

السلام عليكم ورحمة الله وبركاته
ب
أما بالنسبة للفرامل زى ماقال أ/walidadel بس أنا مش معاه انه يستنى لما التيل يخلص
الصح أنها تروح مع الرجلاش لو مراحتش يبقا الفنى مأخدش الرجلاش صح

انا قصدي انه يفضل كل شويه يرجلش التيل علشان الصوت مايظهرش كتير و لما التيل يخلص يغيره عادي لكن ممكن التوكيل يقوله لازم التيل يتغير علشان الصوت يرووح و كده علشان كده قولت لحد مالتيل يخلص
بس هو لما يرجلش التيل بعد شويه من الاستعمال التيل حيتاكل و الصوت هايرجه تاني هايحتاج رجلشه تاني و هكذا

**WalidAdel** · 02-08-2009 04:19 AM

المشاركة الأصلية كتبت بواسطة alsab3

نقدر نقول العمر الإفتراضى للصوت ده 10000كم يعنى مابين صيانة والتانية.إنما مش تكون لسه خارج من الصيانة والصوت ظاهر ده قصدى.إنما طبيعى إن كل لما التيل يتاكل شوية الصوت هيظهر تانى أكيد عندك حق

طيب ياباشا لو ان شاء الله لما اغير التيل بقي هاجيب تيل اصلي من التوكيل ابقي امسح الطنابير مسحه خفيفه علي المخرطه ولا ايه علشان الصوت مايطلعش تاني
و ياريت في سؤال كمان الصوت دا عادي في النيسان انه يطلع ولا دا عيب عندي في البستم بتاع الفرده لان الصوت بيطلع من فرده واحده بس فهل يعني ممكن البستم ناحيه واحده بس اللي بتفتح و الناحيه التانيه لأ
ولا ايه اصل العيب دا موجود عندي من ساعة ماجيبت العريبيه و بعدين قولتلهم عليه رجلشوا علي التيل و بعد ما التيل اتاكل الصوت رجع تاني فانا مش عارف فين المشكله بالظبط الصراحه
مستني تغيرة التيل الاولي ليا و بعدين هاشوف لو هاتظبط ولا لأ

**حاتم فوزى** · 08-08-2009 11:52 PM

عايز اعرف ياوليد عربيتك موديل كام وعاملة كام الف كيلومتر؟ وعملت كام صيانة

اما بالنسبة لاستاذ محمد صاحب المشكلة الاساسى انا مستنيه يجى التوكيل لان الصوت اللى بيتكلم عليه غير اللى عندك وبدأ يظهر فى موديلات 2009 وبنشوفله حل فى الضمان اليومين دول فياريت لو يشرفنى قريب عشان أتأكد إن العيب اللى عنده هو اللى أقصده