النمر !!!!!!!!!!!!!!!!

**Casio2000** · 23-10-2007 11:59 PM

عندنا في الكفر - قصدي في العاشر :mrgreen: اللوح بتتصنع جنب المرور على طول - لا في بارز ولا غاطس ولا فسفوري ولا اي حاجة

صفيحة مدهونة - خطاط يكتبها و يخرم اللوحة خرمين بالشنيور - عسكري يدق اللوحة بشوية اسطمبات نحاس (نفس النمرة طبعا)

هو كدا عندنا بيخترعوا و مصر كلها زي القاهرة كدا - ولا القاهرة بس هيا اللي النظام فيها مصنع والحوار دا ؟؟

**Dr Ahmed** · 24-10-2007 12:12 AM

أنا استلمتها من المرور مصدية وحالتها بؤس ولا يمكن أن توضع على صفيحة زبالة (فى بنها بتكون مش من المصنع ولا حاجة - مجرد صفيحة مختومة عليها رقم)
خدتها ووديتها لسمكرى وخطاط .. عملوا تعديلات وأصبحت تليق على العربيات الكارو..

المهم لم أقتنع بما فعلوه وقلت محدش هيعملها غيرى...
أخذتها وحرقتها لأزيل كل ما حدث وصنفرتها وساويتها بالصاروخ
وبعدين اديتها وش برايمر ضد الصدأ
وبعدين كتبت النمر على الكمبيوتر بالحجم والخط اللى يعجبنى وقصيتها على ورق لاصق ولزقتها على البرايمر
وبعدبن رشيتها أبيض سبراى
وبعدين شلت اللزق بعد السبراى ما نشف - ظهرت النمر بلون البرايمر
لونت النمر بأسود بقلم دوكو أسود

طبعا دلوقت شكلها حلو جدا
بس الأسود بيحتاج تعيد عليه فى آخر الصيف لو شقق

**Dr Ahmed** · 24-10-2007 12:17 AM

السؤال هو:
تفتكروا النمر اللى مش فسفورية تظهر فى الرادار؟؟؟؟؟؟؟؟؟

لا أظن!!!!
إيه رأيكم؟

**abo3bdolrahman** · 24-10-2007 12:54 AM

بالمناسبة الرادار بالنهار ما بيخدش النمر و التبلغ بيبقى بشكل العربية مش نمرتها علشان كده لو لاحظت إنك إتقفشت ممكن تهدى لحد ما تعدى جانبك عربية بنفس اللون و الماركة و :twisted:
بس كده حرام. :D

**hazem_khidr** · 24-10-2007 12:57 AM

فعلا النمر اللي مش فسفوري مش بتظهر في الرادار يعني لو فيه تصوير من غير ما يكون في لجنه النمر مش حتظهر

عندنا في الكفر - قصدي في العاشر اللوح بتتصنع جنب المرور على طول - لا في بارز ولا غاطس ولا فسفوري ولا اي حاجة

لا دا حل مؤقت بيعملوه لحد ما النمر الاصليه تيجي وحده المرور و هو حل عملي بدل ما يوقلك ما فيش نمر و اركن عربيتك

**Dr Ahmed** · 24-10-2007 01:38 AM

بالمناسبة الرادار بالنهار ما بيخدش النمر و التبلغ بيبقى بشكل العربية مش نمرتها

بس كده تبقى معجنة..
مثلا كل التويوتات البيضا على الطريق شبه بعضها!!
وياترى صورة الردار بالألوان؟
طبعا لأ
يعنى أكيد فيه عربية شبه عربيتى هتكون قريبة منى وواحد فينا هيضحى بالتانى :shock:

**abo3bdolrahman** · 24-10-2007 02:29 AM

يا دكتور الرادار مش بيصور العربية ده بس بيشوف السرعة كام و مواصفات العربية دى بقى بيبلغها اللى قاعد جنبه
أما التصوير ده فبيبقى دايما بالليل فقط لأن العربية اللى فيها التصوير دى ضخمة و ما ينفعش تستخبى بالنهار :D
و بتبقى صورها بالألوان و مش موجودة فى كل إدارات المرور أما الرادار العادى و اللى موجود على معظم الطرق فهوا اللى أنا قولتلك عليه ده و نظرا لأنى باسافر أسبوعيا من القاهرة لبورسعيد و العكس فأنا لاحظت الموضوع ده ;)

**Adham** · 24-10-2007 06:41 PM

اسهل طريقة لرش اللوحات و مش بتكلفك انك تشتري علبة سبراي ابيض من اي موان ب 6 جنية و تغسل النمرة و تنشفها كويس قوي و تسيبها تنشف تماما و يستحسن في الشمس او تمسحها بقطنة بتنر او كحول و ترش السبراي الابيض و تسيبها تنشف و بعدين تشتري قلم دوكو اسود و تكتب الارقام تاني

بس اشتري قلم Permenant لان لونة مش بيطلع مع الغسيل و لا الشمس

و فعلا مافيش نمر خالص في المرور
انا لما رخصت الفرونتيرا مكانش في نمر و سابوني امشي بنمر مرور بولاق و ادوني تصريح ثلاث شهور
و بصراحه انا عاجباني النمرة دي اصل اخرها 50
زي اللانسر برضة ;)

لما نشوف بقى النمر الجديدة دي كاتكون نزلت لما اروح اجدد التصريح و للا اية

بصراحه لو مش حاخد نمرة عدلة اخرها 50 يبقي مش عاوز اغيرها :P

**Adham** · 24-10-2007 06:47 PM

المشاركة الأصلية كتبت بواسطة abo3bdolrahman

يا دكتور الرادار مش بيصور العربية ده بس بيشوف السرعة كام و مواصفات العربية دى بقى بيبلغها اللى قاعد جنبه
أما التصوير ده فبيبقى دايما بالليل فقط لأن العربية اللى فيها التصوير دى ضخمة و ما ينفعش تستخبى بالنهار :D
و بتبقى صورها بالألوان و مش موجودة فى كل إدارات المرور أما الرادار العادى و اللى موجود على معظم الطرق فهوا اللى أنا قولتلك عليه ده و نظرا لأنى باسافر أسبوعيا من القاهرة لبورسعيد و العكس فأنا لاحظت الموضوع ده ;)

زماااااان من 12 سنة تقريبا كنت راجع من بورسعيد مع واحد صاحبي ووقفنا نشرب حاجة ساقعم من كشك عالطريق
لقينا واحد قاعد جنب الكشك و جنبة حاجة مغطيها بخيشة

صاحبي قاللي بص دة الرادار

لقيت فعلا مغطيينة بخيشة كبيرة علشان مايبانش و قاعد جنبة عسكري و ماسك اللاسلكي و عمال يبلغ على عربيات

وانا باشرب الساقع عمال اتفرج علية

لقيتة لقط عربية و بيبلغ عليها, بيقول في اللاسلكي عربية 127 حمراء

بابص عالطريق لقيت رينو 5 سانك حمراء

**Dr Ahmed** · 24-10-2007 08:59 PM

لقيتة لقط عربية و بيبلغ عليها, بيقول في اللاسلكي عربية 127 حمراء

بابص عالطريق لقيت رينو 5 سانك حمراء

هههههههههههههههه
ودا يفسر لى ليه مهما كنت أعمل بالعربية القديمة (كانشيل) مكنتش باتمسك... يعنى كنت دايما بيها على السريع فوق ال 100 واللى قدامى واللى ورايا ممكن يتمسك رادار وانا لأ وكنت فاكر انها صغيرة ومتبانش فى الرادار!!
طلع علشان اللى بيبلغ مش عارفها!!!

الموضوع: النمر !!!!!!!!!!!!!!!!

LinkBack

أدوات الموضوع

عرض

-

-

-

-

-

-

-

المواضيع المتشابهه

النمر اتسرقت

النمر

تسليم النمر

النمر التجاريه

النمر القديمة

الكلمات الدلالية لهذا الموضوع

المفضلات

المفضلات

ضوابط المشاركة