الماتريكس مخنوقة قوى

**AHMED REFAT** · 30-07-2009 06:34 PM

احبتى فى الله انا معايا ماتريكس 2007 ماشية الى الان 55000 والحمد لله لم يظهر بيها عيونب جوهرية لكن عندى مشكلة وراجعتها مع الوكيل المحترم بتاع غبور اكثر من مرة وكل مرة يقولولى كله تمام والمشكلة بتزداد مش بتنتهى .. المشكلة عندى العربية موتورها مخنوق قوى والسحب ضعيف وكل ما ادوس على الدواسة احس ان الموتور بيزوم بس ما فيش سحب طبعا الموضوع بيزيد مع التكييف نسبيا ولكن بدون تكيف برضه فيه حاجة غلط , وديتها التوكيل اكثر من مرة وكل صيانة 5000 بشتكى وكل اللى بقوله احنا حاطناها على الكمبيوتر وما فيش اى مشكلة ... وانا دلوقتى هاسس انى راكب سيات 133 والموضوع ده خانقنى جدا فارجوا الافادة من اصحاب الخبرات

**SAMEH_FOUAD** · 30-07-2009 07:09 PM

نظف الفلاتر ,ونظف الرشاشات ,عشان ممكن تكون فيها شوائب كتير,وراجع على البوجيهات ,وشوف

**samirayad** · 30-07-2009 09:17 PM

أكشف على كفاءة بلى العجل .......وكفاءة الفرامل ....مع التأكيد على فلاتر الهواء والبنزين .....ودورة الأشعال ( بوجيهات وبوبينا وكابلات ) قبل موضوع الدبرياش

**AHMED REFAT** · 31-07-2009 01:21 AM

بارك الله فيكم على الردود ... وعندى استفسار ... الفلاتر ولا باس نغيرها طيب البخاخات ما هى الطريقة المثلى لتنظيفها وازاى تتم هل يمكن تنظيفها بنفسى... وعربيتى اتوماتيك فهل ممكن برضه تكون مشكلة فى الاسطوانة ولا الفتيس بس على ما اعتقد ان نقلات الفتيس متظمة ولا باس فيها على العموم ساحاول مع كلامكمك الاول وربنا يقدم اللى فيه الخير

**samirayad** · 31-07-2009 01:40 AM

وعربيتى اتوماتيك فهل ممكن برضه تكون مشكلة فى الاسطوانة ولا الفتيس بس على ما اعتقد ان نقلات الفتيس متظمة ولا باس فيها

لا كده مفيش دبرياش ولا غيره طالما العربيه أوتوماتيك ونقل الفتيس تمام ......شوف موضوع البلى وقفشان الفرامل والفلاتر الأول

**AHMED REFAT** · 31-07-2009 02:25 AM

طيب على ما اعتقد ان الفرامل لو قافشة مثلا ومخلية العربية تقيلى فى المشى اولا كان ها يبقى هناك ريحة للتيل ثانيا الطنابير ها تسخن وتولع الجنوط وده انا لا حظته ومافيش مشكلة ثالثا السيارة وانت فى مطلع خفيف او منزل خفيف جدا وعلى المور العربية ييتزحلق بنعومة وبدون مشاكل ... على ما اعتقد ان المشكلة اما فى الفتيس او الموتور والارجح انه فى الموتور لانه عامل صوت عامل زى ما يكون فيه خرم صغير جدا فى الشكمان فصوت الموتور بيزوووم كده مع الضغط على البنزين .. اسف للاصطالة وجزاكم الله خيرا

**Ahmed Anwer** · 31-07-2009 02:34 AM

أنا عايز اقولك

ان اللي اعرفه ان الماتريكس سحبها ضعيف مع الأتوماتيك

ده الطبيعي بتاعها

راي تسأل في موضوع مالكي الماتريكس

اصحاب الماتريكس الاتوماتيك ،، اخبار سحبها معاهم ايه و لو تجرب عربية تانية يبقي احسن

لأن ده ممكن يكون طبيعة عربية

**AHMED REFAT** · 31-07-2009 02:42 AM

المشاركة الأصلية كتبت بواسطة ahmed anwer

أنا عايز اقولك

ان اللي اعرفه ان الماتريكس سحبها ضعيف مع الأتوماتيك

ده الطبيعي بتاعها

راي تسأل في موضوع مالكي الماتريكس

اصحاب الماتريكس الاتوماتيك ،، اخبار سحبها معاهم ايه و لو تجرب عربية تانية يبقي احسن

لأن ده ممكن يكون طبيعة عربية

كلام حضرتك سليم لكن انا مشكلتى مش السحب فقط الموتور مخنوق قوى وطبعا انا مالك السيارة من على الزيرو وعارف التغيرات التى تمت عليها بالظبط .. طبعا محتاجة لصيانة حاجة معينة بس مش عارف اوصل اليها ...
المهم ى كيفية تنظيف البخاخات ... ارجوا اجابتى على هذا السؤال للضرورة وجزاكم الله خيرا

**dr_sharkawy** · 31-07-2009 11:25 AM

حبيبى انا كنت امبارح دا الموضوع وكان نفس الكلام دة عندى فى الاسكودا رحت امبارح لماكانيكى ونضفلى فلتر البنزين (الالمونيوم) وفلتر الهواء وبسم اللة 100-100 التانى كان جايب 80 واللة العظيم