الحمد لله على كل شئ .....النهارده اخويا اخد العربيه علشان يسافر اسكندريه ...والساعه 9 مساء النهارده اتصل بيا اخويا وقالي ان العربيه وقفت ...وهو ماشي على 120 العربيه قطعت وطلع ريحة شياط جامده ...والعربيه وقفت ولما بيجي يدورها العربيه الماتور بيطلع صوت ضعيف (على حسب قوله )..واتصل بالونش ودلوقت هو بيوديها اسكندريه علشان اقرب ...وللاسف توقعي ان 90 % سير الكاتينه اتقطع ...مع اني مغيره من 14الف كيلو ...بس مغيرتش البليه ولا الشداد ( مكانش عندي علم والميكانيكي مقاليش ) ...
عايز اعرف ايه ممكن يكون حصل لو مكانش سير الكاتينه ...
وايه اجمالي الاضرار اللي ممكن تحصل من قطع سير الكاتينه
واخيرا رجاء من الاخوه الاسكندرانيه ...ايه اماكن قطع الغيار المضمونه في اسكندريه
وان شاء الله بكره اصلي الجمعه واطلع على اسكندريه