قدامي لانسر 2007 عاملة 3000 كيلو بس

**dr_abooody** · 30-07-2009 11:42 PM

قدامي لانسر 2007 خليجي عاملة 3000 كيلو بس و مرفوعة طول الوقت حتى الكاوتشات مخلوعة منها عشان ما تخريش

و صاحبها عايز فيها 80 الف و ممكن تنزل كمان

هي مانيوال 1600 خليجي

اية رايكم في العربية عامة بس المشكلة لونها مش عاجبني هي ذهبي شامبين

انا عايز اعرف معلومات عن العربية دة الفرامل كويسة و لا لأ و هل ثباتها كويس

و اخبار نظام الصوت فيها اية

يا ريت لو حد يعرف لينك لتقرير عن العربية يبعتلى

**NFS** · 31-07-2009 12:06 AM

نظام الصوت من اكتر الحجات الى عجبانى فى العربيه, و ثبتها كويس برضو انا جبت بيها 170 و كنت باخد بيها غرز واسعه و مبتتكلمش(كنت بجربها بس), الفرامل مقبوله مش حلوه اوى بس احسن من غيرها كتييير يمكن انا علشان عندى مش abs بس اعتقد ان ال abs كويسه, متهيقلى لو نزلت سعرها شويه عن ال 80 يبقى كويس قوى لانها تعتبر كسر زيرو, انا كنت جايبها فى اخر 2006 ب98, انا بتكلم على اول فئه فى المانيول كاسيت بس.

**أحمد كمال** · 31-07-2009 01:09 PM

المشاركة الأصلية كتبت بواسطة dr_abooody

قدامي لانسر 2007 خليجي عاملة 3000 كيلو بس و مرفوعة طول الوقت حتى الكاوتشات مخلوعة منها عشان ما تخريش

و صاحبها عايز فيها 80 الف و ممكن تنزل كمان

هي مانيوال 1600 خليجي

اية رايكم في العربية عامة بس المشكلة لونها مش عاجبني هي ذهبي شامبين

انا عايز اعرف معلومات عن العربية دة الفرامل كويسة و لا لأ و هل ثباتها كويس

و اخبار نظام الصوت فيها اية

يا ريت لو حد يعرف لينك لتقرير عن العربية يبعتلى

باشا سعرها أكثر من رائع

و اللون ده حلو جدا

و الثبات رائع

خلي بالك ان الركنة ممكن تخليك تصرف عليها من 1000 ل 2000 جنيه

لأن بعض الخراطيم و السيور و الفلاتر هتكون نشفت و باظت من الركنة

**شاهين - بنز** · 31-07-2009 02:09 PM

انا عايز اعرف معلومات عن العربية دة الفرامل كويسة و لا لأ و هل ثباتها كويس

و اخبار نظام الصوت فيها اية

للأسف الفرامل مش حلوة أوي والثبات متوسط لاهية ثابتة أوي ولاضايعة أوي بس خلي بالك العربية بتعوم شوية في الغرز وممكن تفلت بدون سابق إنذارعشان عفشتها ناشفة فبتديك إيحاء خادع بالثبات

وللأسف نظام الصوت فيها مخزي وسماعات سيئة خصوصا لو كانت العربية بالكاسيت الأصلي صوته رديء

**أحمد كمال** · 31-07-2009 03:37 PM

المشاركة الأصلية كتبت بواسطة شاهين - بنز

للأسف الفرامل مش حلوة أوي والثبات متوسط لاهية ثابتة أوي ولاضايعة أوي بس خلي بالك العربية بتعوم شوية في الغرز وممكن تفلت بدون سابق إنذارعشان عفشتها ناشفة فبتديك إيحاء خادع بالثبات

وللأسف نظام الصوت فيها مخزي وسماعات سيئة خصوصا لو كانت العربية بالكاسيت الأصلي صوته رديء

انا راكب بومة بقالي اربع سنين و نص

2005 جبتها زيرو في ابريل 2005 و بعتها لظروف مالية في سبتمبر 2007

و جبت بومة 2008 في نوفمبر 2007 معايا لدلوقتي

الفرامل كويسة جدا و انقذتني من بلاوي كتير بالذات ال abs كويس جدا

و الثبات كويس جدا انا كل يوم بامشي على المحور او الصحراوي و الدائري

و عمرها ما خيبت معايا

بالعكس انا مرة مثلا عالدائري على 120 واحد كسر عليا جامد و خدت غرزة جامدة جدا و ما جراش حاجة ..... خدت غرزة بالظبط كسرت الدريكسيون 90 درجة شمال و بعدين 90 درجة يمين

و زي الفل

بالنسبة للصوت انا ما جبتش الكاسيت بتاعها في المرتين ركبت كاسيت سوني

بس عالسماعات بتاعتها عادي جدا

و السماعات كويسة جدا

و انا شايف العربية بالنسبة لسعرها هي احسن عربية في مستوى السعر ده

ما نقارنهاش بعربيات اغلى منها الضعف و نقول وحشة ...... طبيعي انها تبقى وحشة بالمقارنة بعربية ضعف تمنها

بس في عربية زيرو ياباني ب 100 الف مش هتلاقي زيها

**amro_26** · 03-08-2009 01:02 PM

المشاركة الأصلية كتبت بواسطة شاهين - بنز

للأسف الفرامل مش حلوة أوي والثبات متوسط لاهية ثابتة أوي ولاضايعة أوي بس خلي بالك العربية بتعوم شوية في الغرز وممكن تفلت بدون سابق إنذارعشان عفشتها ناشفة فبتديك إيحاء خادع بالثبات

وللأسف نظام الصوت فيها مخزي وسماعات سيئة خصوصا لو كانت العربية بالكاسيت الأصلي صوته رديء

مع احترامى الكامل لحضرتك ممكن اعرف ايه السبب الحقيقى فى عداوتك للانسر ودايما احس انك بتتكلم على عربية 128 او 124 ده حتى ماحصلتش الشاهين .
احب اعرفك حاجة مهمة جدا العربية ممتازة جدا مش باقول احسن حاجة بس بالنسبة لنفسة الفئة اختارها بدون تفكير عشان انا كان معايا موديل 2007 1300 مانيوال وجبت 2008 سبورت 1600 ومش عايز اقولك ان الفرامل تحفة والعفشة ناشفة اوكى بس ده عشان الثبات وماتقولش ثبات خادع ده العربية ثابتة لغاية 180 وعن تجربة وفى الملفات كمان وبالنسبة لنظام الصوت تحفة صوت الكاسيت والسى دى تشنجر تحفة بيحسسك انك فى عالم تانى .
أما بالنسبة للموضوع الأساسى فأنا رأيى تختار اللانسر طبعا بس قطع غيارها غالية مقارنة بالألنترا بس يكفى انك راكب يابانى الميزة الوحيدة فى الألنترا شكل العدادات مش أكتر انما اللانسر جميلة ومعمرة ومفيهاش مشاكل خالص آسف للإطالة