معاك لو هيركب الفرش اللى انا شفته فى البرسونا الماليزى اللى فى احمر وياريت اعرف مميزات الفرش دة
معاك لو هيركب الفرش اللى انا شفته فى البرسونا الماليزى اللى فى احمر وياريت اعرف مميزات الفرش دة
خلاص يا استاذ ايمن احسبنى واحد معاكو ان شاء اللة
فى الأول طبعاً كل سنة انت وكل أعضاء المنتدى طيبين رمضان كريم بشكرك جداً على اهتمامك باعضاء المنتدى.
لو سمحت يا باشا اكتب لنا مدة التركيب والسعر إن أمكن وهيبقى الفرش للكراسى بس ولا كمان الأبواب.
هو فعلا انا شفت عنده صور لفرش كان عامله زى الــ cps بالضبط ...
مدة التركيب حسب اللى هتعمله ....
يعنى لو هتعمل فرش جلد عادى لونين بيخلص فى 3 ساعات (850 جنيه)
لو هتعمله زى الــ cps الموضوع بيطول شويه ممكن 5 ساعات (1000جنيه)
لو هتزود ارضيه كمان زود نص او ساعه كمان ..... (مش فاكر بالضبط بس قالى فى بــ250 جنيه)
----
والراجل دا مابيعملش لا فرش الابواب ولا الفرش اللى بيتخيط فى الدريكسيون
----
وانا لسه هشوف اتنين كمان ... لسه المقارنه عندى لم تحسم بعد ... وان شاء الله هاكون انا اول واحد يركب الفرش وهنزل صوره هنا بإذن الله.
تحيـــــــــــــــاتـــــ ـــــى
مجهود ممتاز يا مون بس بالنسبة للسعر مش ممكن ينزل شوية ولا ا ه!!!!!!!!!!!!!
والله يامحمد استاذ/اسامه قعد يفاصل معاه 3 ساعات لحد ماوصلنا للتمن دا
هو الصراحه غالى شويه بس انا شايف ... انو الافضل عندى لحد دلوقتى
تقفيل ممتاز , خامات جيده , سريع فى التركيب , ضمان 4 سنوات
بس ادينى بشوف حل تانى ... وربنا يسهل
I'm with u ya basha
شباب بصوا فى واحد فالعباسيه فشارع امتداد رمسيس قدام وزاره الماليه على ناصيه الشارع بتاع معرض الكتاب اللى هو عند امتداد الشارع بتاع كليه الشرطه اللى فالعباسيه ومحكمه شمال
الراجل ده انا شفت واحد صحبى مركب عنده كسوه جلد فقماش (مش قماش قماش لاء القماش بتاع الكراسى ده) الكسوه كانت حلوه اوى وعجبتنى بصراحه المهم هو عملها ب 180 جنيه سعرها جامد جدا وبيقولى عند اشكال حلوه كتير ورخيص لو حد عاوز يروح يتفرج
------------------------(انا مرحتش ها يعنى معرفشى بالظبط ايه النظام انا على كلام صحبى بس فقلت اقولكم لو حد حابب يروح)---------------------------
اه نسيت اقولكم انا معرفش اسم المحل بس هو مفيش الا هو هناك محليين جنب بعض كده هما على ناصيه الشارع بتاع المعرض اللى قدام وزاره الماليه اللى هو عن نازله العباسيه اللى نازله من 6 اكتوبر وانتا طالعه من مدينه نصر
اظن حضرتك قصدك على سبير كار ؟؟؟؟؟
انا روحتله الصراحه ماعجبنيش خالص .... وكمان الكسوه مش هتنفع مع الجين لان كراسيها مختلفه عن الكراسى العاديه..
-----
وهو الهدف هنا ان احنا نجيب عرض من محل كويس جدا ...
ولان سبير كار مش غالى وشغله عادى ... فاكيد مش هيكون المحل اللى هنخلى الناس تجليه مخصوص عشان تعمل عنده.
انما احنا عاوزين محل يكون شغله مضبوط جدا ... عنده مميزات مش اى حد بيديها ... واكيد المحلات دى بيكون اسعارها غاليه
وهنا بقى هنستفاد ان عندنا مجموعه عاوزه تعمل الفرش .. وبالتالى ناخد تخفيض كويس.
---
تحيـــــــــــــــاتــــى