عاوز اشتري انذار وسنتر فايهما افضل ؟

**eng_mkhalaf** · 21-10-2007 04:48 PM

المشاركة الأصلية كتبت بواسطة Abdallah

استئذن اخى إسلام فى الرد, الزجاج الكهربائى بيريحك من فتح وغلق الزجاج بالطريقة اليدوية دة غير انك ممكن تركب معاه وحدات رفع ولما تقفل بالريموت يقفل الزجاج اوتوماتيكيا سعر ماكينة الزجاج على حسب النوعية والحالة لو هتجيب استيراد يتراوح من 60 جنيه الى 120 جنيه لكل ماكينة + مفتاح رفع وتنزيل لكل ماكينة يتراوح سعره ما بين 10 الى 40 جنيه والتركيب على حسب الصنايعى يتراوح من 50 الى 100 جنيه بالنسبة للأربع ابواب.
سعر وحدة الرفع نوعها ( غريب ) 40 جنيه والوحدة بترفع عدد 2 زجاج كهرباء.
الريموت يفتح الشنطة لو الشنطة كهرباء مش وايرp.

وحدة رفع وولف عليها ضمان سنة وترفع 2 أزاز كهربا ب 50 جنية و10 مصنعية
وبالنسبة للفيرنا أنت هتركب أربع فرد سنتر وأنذار ودة هيكون ب325 جنية غير 10 جنية بقشيش للواد اللى هيركب
بالنسبة للشنطة ممكن تتفتح بالريموت بس بتركب فردة سنتر للشنطة وهى نوع مخصوص وتمنها على ما أتذكر 50 جنية وبتتوصل على جهاز الأنذار عالطول

**amromoustafa** · 27-10-2007 12:18 PM

شكرا

**Hatem Mohamed** · 29-10-2007 01:48 PM

دي أول مشاركه ليا في المنتدي اللي انا استفدت منه جدا و ساعدني في قرار الشراء من حوالي 10 أيام و اشتريت لانسر 1600 (مصريه).

اللي قلقني حاليا موضوع سرقه السيارات و كنت حابب أشتري أنذار بسرعه و شايف ان الاستاذ اسلام له باع طويل في المشاركات كلها و ممكن اذا مافيهاش تكليف يفيدي في في احسن انذار ممكن الواحد يشتريه و يكون منين.

و برضه العربيه من غير كاسيت و حابب اركب راديو كاسيت و معا مدخل MP3 يا تري الاقيه عند مين.

مع الشكر مقدما للجميع