اهوه الموضوع يا بمشوهندس سمير
دوس هنا
واى سؤال تانى فى النت عموما انا مستعد اجاوب عليه
عرض للطباعة
اهوه الموضوع يا بمشوهندس سمير
دوس هنا
واى سؤال تانى فى النت عموما انا مستعد اجاوب عليه
أشكرك يا أخى ....وبالفعل أطلعت سريعا على الموضوع
وسأوافيك بالأستفسارات تباعا حينما أحتاج لمعلومه معينه
عوده مره أخرى الى الدبرياج ونظرا لأننى وعدت بعمل تلخيص عن الموضوع بصوره تانيه ......اليكم الآتى ...........اقتباس:
.....وسأقوم بعمل تلخيص بسيط فيما بعد بنفس الموضوع
بنظره سريعه حنقسم الدبرياج الى الآتى
1- عناصر مسئوله عن ربط مكونات الدبرياج
وحنسميها عناصر قيادة الدبرياج ( وجه الفلام الناعم + وجه الديسك )
2- عنصر منقاد ....مسئول عن نقل قدرة المكنه الى الفتيس ( الأسطوانه )
3- عنصر ربط وتجميع للعناصر القائده والعنصر المنقاد ....وهو سوست الديسك diaphram spring
التلاته دول لما بيتربطوا ببعض بقوه تعشيق السوست بيبقى الدبرياج حته واحده
وكده أحنا باعدين القدم اليسرى عن الدواسه
عاوز الأول أبين أن الأسطوانه مسموح لها بالتحرك طوليا على نهاية مشرشر عمود الدريك بحوالى 0.5 بوصه ....أثناء فصل ووصل الدبرياج
طيب ...من اللى فات ده ....عاوزين بقه نفصص العناصر القائده (فلام وديسك ) ونخليهم يسيبوا الأسطوانه فى حالها هى وعمود الدريك علشان نقدر ننقل السرعه من الأول للتانى وهكذا
هنا بقه بيجىء دور بلية الدبرياج ومنظومة التحكم فى حركة البليه
عملية الفصل بتبدأ من الضغط على الدواسه ثم نقل قوة الفصل الى وصلات الدبرياج ثم عمود الدبرياج العمودى المخترق مقدمة الفتيس ونازل لجوه حتى شوكة التحرير اللى راكبه بفكيها على نهاية بلية الدبرياج
حينما يتم الضغط على الدواسه ......الشوكه بتتحرك مفصليا للخارج وبتروح ساحبه البليه بالفكين بتوعها لبره
بكده بتتولد قوه من أصابع معينه بالديسك بتروح ناطره السوست للخلف
وبكده بيحصل أنفصال لمكونات الدبرياج
مع نطرة السوست للخلف بيحدث لطش لحافة البليه .....أذا البليه بتبقى شغاله والدبرياج معشق ....ومع اللطشه للخارج بتنفصل عن السوست وبتبدأ تبقى فى حالها ...بعد لطشة السوست تماما وقت الفصل
والموضوع ده اللى بيعرفنا كفاءة البليه
على أساس لما بيكون فيه خشونه فى الدبرياج وهو معشق وبتروح الخشونه أو الونه دى مع فصل الدبرياج بنقول البليه خلاص قربت على النهايه
ده تصور بسيط عن الوضع التقريبى لشغل البليه
أتمنى أن أكون وفقت فى تصور الوضع الحقيقى ....حينما أقتربت من الدبرياج
ده شكل منطقة الشوكه جوه بطن الفتيس من الأمام (البليه مش موجوده ولكن الشوكه والعمود المخترق الفتيس من الأمام باين ) ودلوقتى الميكانيكى بيطلع العمود المخترق للفتيس .....طبعا العمود بيركب داخل الفتحه اللى فى نهاية الشوكه وباينه قدامنا
ده منظر تانى والبليه موجوده على حافة مشرشر عمود الدريك
.........
قدامك طقمين دبرياج
1- طقم جديد (ديسك وأسطوانه وبليه جديده )
2- طقم محروق .....ومفيهوش البليه ( الديسك بس والأسطوانه )
قارن بين الأثنين ...وأنت حتعرف البليه
تسلم ايدك موضوع هايل
الله يخليك
السلام عليكم مهندسنا الكبير و كل سنة و انت طيب
بالنسبة لرفع الملفات فيه برنامج رائع اسمه FileUploader بيرفع الملفات لأكتر من موقع لو حبيت بمجرد انك تختار الموقع و هو بيرفع ملفك عليه تلقائيا
تعيش يادكتور : محمود
وكل عام وأنتم بخير
وسلامنا للأمور الصغير
اللى منورنا فى صورتك الشخصيه