صيانة 1000 كم في تويوتا كرولا

**ahmedbndk** · 06-08-2009 11:08 AM

نصيحة بسيطة: بالنسبة لصيانة الألف ينبغى عليكى ان تخبريهم بأى ملاحظات حتى لو كانت تافهه من وجهة نظرك لأنه من تجربة شخصية كان يحدث صوت بسيط عند النقل فى وضع r وعندما أخبرتهم بذلك وبعد الفحص أخبرونى انه قد تم تغيير الكوبلن وتوكيل تويوتا محترم فى هذه الجزئية أنه لو وجد عيب فى الصناعة فى اى شىء فانهم يقومو بتغييره داخل الضمان

**Scent7104** · 07-08-2009 01:05 PM

المشاركة الأصلية كتبت بواسطة faroukahafeez

الموضع ده كان عندى اول ما جبت العربية
وكان بيظهر معايا فى نزلة الجراج واحيانا لو الدنيا زحمة وماشى براحة وخصوصاً فوق كوبرى أكتوبر (مش عارف ليه بالذات فوق كوبرى أكتوبر)

وكنت خايف يكون مشكلة فى التيل أو الطنابير وقلتهم عليه وانا بعمل صيانة الألف والمهندس اقالى ده علشان التيل لسة بيطبع على الطنابير والصوت هيروح ولو مرحش هنغير الطنابير والتيل

وفعلاً الصوت راح خالص بعد 2000 كيلو بس الصوت ده

بس ان شاء الله يكون نفس الموضوع

هو عكان بيحصل في نزلة الجراج و لما بيكون الدنيا زحمة (بس مش ضروري أكتوبر :-) أنا رحت و قلت لهم و قالوا انه اتحل - أنا بصراحة ما سألتش عن التفاصيل لأني كنت متوقعة حكاية التليين ده أو انه بس محتاج عدلة مع الطنابير . بس من ساعتها العربية ماشية تمام و الحمد لله

**Scent7104** · 07-08-2009 01:18 PM

بس أنا دلوقت ساعات بأسمع صوت عند النقل زي كأن حد بينقل مانيوال و بالذات من الأول للتاني، فهل ده طبيعي و لا أنا بأعمل حاجة غلط؟ على فكرة الصوت ده ماكنش موجود خالص و أساسا ما كنتش باحس بالنقلة و النتشة اللي بيقولوا عليها العربية كانت عندي زي الأوتوماتيك العادي.

و في حاجة كمان بعد ما رحت صيانة الألف العربية بقتبتسجل معدل استهلاك بنزين عالييييييييي قوي يعني أنا في الأول كانت المتوسط 6.5 إلى 7 مع وضع E و 8.5 - 10 (لتر لكل 100 كم) مع وضع Es بس دلوقتي بتسجل 11 و 12 و ساعات أكتر في الوضع العادي و بتنقل عند 2800 rpm في الأول كانت مش بتعدي 2500 و تنقل على الوضع E و طبعا زي ماهي بتنقل عند 3000 عند Es - يعني تقريبا مابقاش في فرق بين E & Es في النقل بس استهلاك البنزين زاد برده في Es. فده يعني ايه؟!

**محمد محمد** · 07-08-2009 04:11 PM

بالنسبة لصوت النقلات الصوت ده عادى جدا وسمعته من اول ما العربية خرجت من المعرض ولما سألت مسؤل المبيعات قالى ده صوت التروس وحضرتك بتقولى صوت النقل كأن واحد بينقل مانيوال حضرتك الفتيس مانيوال بالفعل مش بس وكده ده كمان مانيوال تقليدى بس من غير دواسة دبرياج و بينقل عن طريق الكمبيوتر والكلام ده انا مفهمتوش غير بعد ما عدى على العربية 8 شهور .
الحاجة التانية الخاصة باستهلاك البنزين حضرتك بتقولى المتوسط على الeمن6.5 ال7 حضرتك المعدل ده غير طبيعى اصلا الطبيعى بتاع العربية على طرق السفر بيبقى من 7.5 الى 7.9لتر/100ك وفى المدينة على الوضعE من8.5لتر/100ك الى10.5لتر/100ك وده حسب طبيعة الطريق.
بالنسبة للوضعEsوالوضعmفاستهلاك البنزين بتاعهم فى المدينة متقارب وبيبقي من حوالى9.7لتر/100ك الى11.5لتر/10ك وده بيبقى اقصى حاجة والحاجات ديه بتختلف اختلاف طفيف من شخص للتانى حسب طريقة القيادة وحسب نوعية الطريق.

**Scent7104** · 07-08-2009 10:13 PM

طيب هل في ساعات بيظهر مع حضرتك معدلات أعلى من كده ، يعني أنا ساعات بيقرا 12 و 15و 18 بالذات على الأول و التاني و ده لسه من يومين بس لعد ما اخدتها من التوكيل. فهل ده عادي؟

**محمد محمد** · 07-08-2009 11:42 PM

الكلام ده بيظهر لما بكون مصفر العداد ممكن يوصل ل22وبعد كده يبتدى يقل لغاية مايوصل للمعدل الحقيقي وده العداد اللى مكتوب فيه averag consumptionوده بتاع متوسط الأستهلاك فيه عداد قبله وده دايما بيتغير على حسب ضغطك على الدواسة واسمه instant consumption طالعى الكتالوج صفحة 115