فلتر البنزين بيفضى

**magedm2007** · 01-08-2009 09:39 AM

صباح الفل
انا عندى عربية 127 مو 82 المشكلة فى الاتى جيت يوم الصبح ادورا لعربية لقتها مبتدرش بصيت على الفلتر لقيتة مفهوش ولا نقطة بنزين قعدت اشفط لغاية لما دخلة بنزين ولقيتة مخروم والبنزين بيقع منة على الارض فغيرتة بواحد جديد واشتريت خرطوم جديد لان القديم كان مشقق وربطهم كويس وجيت ادور مدرتش بردة رحت حاطط حبة بنزين فى الكربراتير فدارت وربط الوصلات كويس وكانت كل يوم بتدور كويس لغاية من حوالى 4 ايام ركنتها وجيت النهاردة الصبح ادورها بردة مدرتش قعدت اكارك ليها بردة مدرتش نزلت ابص على الفلتر بتاع البنزين لقيطة مفهوش ولا نقطة بنزين وهتجنن مش عارف اية السبب ياريت يا اهل الخبرة تقولولى السبب عشان هتجنن وشكرا ؟

**lada2010** · 01-08-2009 12:05 PM

شوف الطرمبة ممكن ما بترفع بنزين الصبح

**ahmed_su** · 01-08-2009 12:22 PM

احتمال كبير طرمبة البنزين

ومن وصفك دى اعراض تلف رداخ الطرمبة

الموضوع بسيط ان شاء الله طرمبة 127 فى حدود 60 جنيه

**sayedafandy** · 01-08-2009 09:51 PM

وحاجة تانى كمان الفلتر بيكون عليه سهم يوضح اتجاه البنزين وعند تركيبه يراعى ان يكون اتجاه البنزين من الطرمبة للكاربرتير زى اجاه السهم

**thegoodhacker** · 01-08-2009 10:21 PM

الموضوع ده لسة حاصلي من شهرين برضه في عربية 127 .... و الموضوع ده خلاني اشفط بنزين منها كل يوم لمدة اسبوع كامل ..... تخيل انت في نصف مشواري العربية تعطل مني اضطر ازقها علي جنب و اعمل دماغ البنزين التمام الاقيها بعد كده تدور ..
المهم علشان تحل مشكلتك اتاكد اولا ان الخرطوم اللي بيدخل بنزين علي الفلتر راكب براحته و مش لافف حول نفسه و اتاكد ان الفلتر فعلا افقي و انه راكب بطريقة سليمة و ده تتاكد منه عن طريق رسمة السهم اللي بتبقي مرسومة علي الفلتر ده بيوضح اتجاه مسار البنزين ... لو المشكلة استمرت معاك يبقي غير طلمبة البنزين و دي سعرها في حدود 60 او 70 جنيه و ما تشتريش غير الايطالي منها ......

**lione1972** · 02-08-2009 07:42 AM

اخي العزيز
هناك خلل في صمام طلمبة البنزين

**magedm2007** · 02-08-2009 08:13 AM

صباح الفل
انا امبارح اشتريت طلمبة البنزين من محمد يوسف اللى فى شارع التحرير هى الناس كلها بتشكر فية انا جبتها ايطالى 65 جنيها
وغيرت وضع فلتر البنزين من راسى الى افقى بس عندى ملحوظة انا بعد مركنت العربية امبارح لقيت فلتر البنزين مليان بنزين ولما ركنتها للصبح لقيت فلتر البنزين فية حبة صغيرين هل دة طبيعى ؟ طيب لو ركنها فترة هل فلتر البنزين لو مفهوش بنزين العربية هتدور ولا لا ؟ ارجوا ايضاح هذة النقطة .

كنت عايز اسأل سؤال هل خراطيم البنزين بتاعة العربية من التنك لحد الطرمبة من تحت العربية ولا من تحت فرش العربية يعنى من تحت الكراسى وشكرا

**mkhalifa73** · 02-08-2009 10:50 AM

خراطيم البنزين من تحت الارضيه الموكيت

**ahmedfd** · 02-08-2009 02:26 PM

لو إتكرر الموضوع تاني بعد ما تسيب العربية راكنة 3 أو 4 أيام حاول تبص على وصلة الخرطوم الصغيرة اللي واصلة بين التانك و ماسورة البنزين اللي ماشية تحت العربية.. لو الخرطوم دة مشقق و بيسرب بنزين بطيء اللي بيحصل إنك لما تسيب العربية فترة البنزين اللي مالي الماسورة لحد الفلتر هيتبخر من الشقوق دي و يقل شوية شوية لحد ما يخلص من الماسورة و الفلتر و النتيجة إنك هتظطر إنك تكارك للعربية كتيرعلشان تحضر البنزين تاني لحد ما يوصل للطرمبة زي بالظبط لما البنزين بيخلص و تملا التانك و تكارك لحد ما تدور...
لو هو ده السبب مجرد ما تغير الوصلة دي هتلاقي الدنيا إختلفت تماماً....