الموضوع: مشكله فى فيات 124

السلام عليكم و رحمه الله و بركاته

معلش انا حتقل عليكوا انا معايا 124 مو 74 المكنه بتاعتها ال1440 سى سى انا كنت جايبها استعمال طبعا و المكنه كانت
خفيفه جدا يعنى كانت بتاكل كيلو زيت كل حوالى 800-900 كيلو.

المهم اللى حصل ان واحد صاحبى اخدها مشوار و بعد ما اخدها بساعه سمع اصوات غريبه من الموتور و الكربراتير (زى ما يكون بيطلع هوا مضغوط ) المهم راح لميكانيكى فك وش السلندر و قاله ان فيه سلندرين مسدودين و ان الموتور محتاج نص عمره و المفروض يغير حاجه يعملها سوست (بس انا مش عارف ايه الصراحه) .

طبعا العربيه ماتت خالص بتدور بالعافيه و بتمشى اخرها 70كم/س انا مبمشيش بيها دلوقتى طبعا الميكانيكى قاله حتتكلف حوالى 400 جنيه (علشان تمشى مش العمره) انا بقى عايز اسقط ماتور تانى ال 1600 ال 2 كامه بتاع ال132 بالجير بتاعه فا كنت عايز اعرف انهى احسن اعمل عمره ولا اسقط ماتور و ده حيتكلف كام و ده حيتكلف كام و اكون شاكر ليك جدا .

و ياريت تشخيص سريع للى حصل فى العربيه و شكرا مره تانيه و اسف على الاطاله.