موضوع الشكاوى ده شئ ايجابي مش سلبي ...... لأن مفيش عربية مفيهاش مشاكل .....
و إن التوكيل في ممثليه في شخص السيد المهندس آمر الكوافي يرد على تساؤلات الناس و يحاول يحلها ( ممكن البعض يتحل و ممكن البعض يتأجل بسبب نقص قطع الغيار ) ......... ده شئ ايجابي من ناحية خدمة العملاء
النقطة التانية الهامة
أي سلعة في العالم بيطلع فيها عيوب صناعة و علشان كدا فيه الضمان اللي بيغطي أي مشكلة تطرأ لاحقا بسبب عيب الصناعة .
بالنسبة للناس اللي مشتركة في موضوع المشاكل و بتشتكي أو بتظهر شكوتها للمهندس آمر للمحاولة لايجاد حل لها ........ ده طبيعي أنك تشوف الناس اللي بتشتكي بس ........
لأن مفيش موضوع تاني هايقول ............ الناس اللي معندهاش مشاكل تدخل هنا !!!
كام واحد مشترك في الموضوع ؟؟؟ و كام واحد بيشتكي من حاجة كبيرة في العربية ؟؟؟
لازم تبص على النسبة و التناسب .
يعني لو العربية أتباع منها 10000 سيارة ......... و أشتكى 100 ........ ده شئ عادي
إنما لو كان عدد الناس اللي بتشتكي 5000 مثلا يبقى فعلا فيه مشكلة .
أنا واحد من الناس معايا العربية من سنتين ............ و الحمد لله ................ ربنا يديمها نعمة معنديش مشكلة من أي نوع و الحمد لله .
و لي واحد صاحبي عامل بها فوق 110 ألف ............. و المشاكل بتاعته أنحصرت تقريبا في مكنة زجاج تم تغييرها سنة 2006 في الضمان . و من ساعتها و هو بيغير زيت و فلاتر و الصيانة العادية فقط لا غير .
و أعرف أثنين تانيين ( معارف مش أصدقاء قوي )
واحد كان معاه 2007 و عمل حادثة ..................... و أشترى جين 2 برضه .
و التاني كان معاه جين مانوال ............ و باعها بعد سنة و أشترى جين 2 أوتوماتيك .
أهم حاجة تكون مرتاح نفسيا للعربية قبل الشراء ........... علشان ما تطلعلهاش القطط الفاطسة بعد كدا .
يعني مثلا هاحكيلك على قصة صغيرة :
واحد أشترى عربية ......... و لمبة الشنطة أتحرقت بعد شهر واحد من الشراء ..........
الراجل ده ........ أرجع العيب على العربية بالكامل .....
مع أن دي لمبة معرضة للحرق في أي وقت ..................... و في أحسن الماركات ........
يعني مش علشان لمبة أتحرقت تبقى العربية اللي ظهر فيها المشكلة دي عربية وحشة
على فكرة المثال ده مش على جين 2 ........... على عربية تانية بتاعة واحد معرفة .
لو العربية عاجباك و أنت قلقان فقط من الكلام اللي قرأته في موضوع المشاكل ...... أنا رأيي الشخصي أتكل على الله و أشتريها
و إن شاء الله ميظهرش معاك أي مشكلة و حتى لو ظهر حاجة خفيفة الضمان بيغطي كل حاجة و الناس لما بتكون قطع الغيار متوفرة بيتم التغيير فورا و بدون حتى ما العميل يسأل أو يقولهم أنا عايز أغير كذا و كذا .
بس بيتم التغيير في الحاجات اللي في الضمان ........... مش واحد يروح كاسر اكصدام و يقولهم أنا عايز أغيره في الضمان !!! علشان شفتها بعيني !!!
على فكرة في عدد 2 حاويات هاتوصل من ماليزيا قريبا لقطع الغيار لبروتون هاتوصل قريب جدا .
بالاضافة أن فيه دلوقتي محلات قطع غيار بتبيع قطع غيار لبروتون و الأخوة الأفاضل تفضلوا قبلي و ارفقوا الروابط للمواضيع سالفة الذكر .
أتمنى أن ربنا يهديك لعربية كويسة إن شاء الله تريحك و تكون فاتحة خير عليك .
المفضلات