حسبي الله و نعم الوكيل مياه خصراء مضروبة(ادخل و خلي بلك)

انا الترم الأول روحت لمحل برجن توني اللي في الحي السابع اللي سوبر ماركت مصر و السودان و جبت ميه خضراء سعودي و اول مرة كان اسمها speedo المهم رحت علي شل و جبت المزيل و غسلت تمام اوي و حطيطها و لسه من اسبوع شكيت في لونها و كنت حاسس ان فيه صداء جامد فيها و فعلا رحت المحطة و غسلت لقيت الصداء نازل و لونو و كأنة عصير برتقال و كتيير
و ملحوظة انا بدأت اشك في المياه لأن بعد تاني مرة جبتها لقيت الأسم بدل speedo لقيته deepo و المرة اللي بعدها speepo
و النتيجة بقي طرمبة المياه بقت بتسرب من الصداء و الله و اعلم ايه تاني حصل جوه
و لما خلصت غسيل بالمزيل و كله جبت مياه علي ضمانة واحد معرفة قديمة بتاع اكسسوار و مكانيكي و كله اسمها الكرنك و ديه مصري بس قاللي ديه فعلا علي ضمانتي و لأن كمان السعودي بقي مضروب
المهم حططها و تمام و مستني المرة التانية في الغسيل و هاشوف و ابقي اقولكم بس انا حبيت احزركم و خلو بالكم من الموضوع ده لأنه بجد هيبهدلكو دورة البريد و ياريت تستنوا رأيي احسن علشان انا مش ضامن نتيجة المياه اللي انا جبتها حتي هتبقي ايه

المهم نصيحتي بقي يا اما تخليك في مياه الحنفية ارحم و تبقي تغسل ريداتير كل فترة او تجيب مياه التبريد اللي مضمونة و الغالية من محطة شل او المحطاط اللي ليها سمعة و حاجتها نضيفة و كده و في اسباني و امريكي و كزا حاجة

و معلش طولت عليكم و ربنا يحرسكم و يحيي ضمير الناس ديه

استخدم iada و دى ميه اسبانى و دى شركة كبيرة و مضمونة و الجركن 5 لتر و بحوالى 35 جنيه و ابعد المنتجات اللى مش مضمونة ده حتى كمان بقى فى ميه صينى !!

النصب بقى فى كل حته و فى اى مجال
انا مريح دماغى بصراحه و شغال من الحنفيه و الحمد لله الدنيا زى الفل و ماشيه عادى

و الله كيميائيا ( و عن خبرة) الميه دي تركيبها لا يكلف أكثر من 8 جنيه للجركن .. و مفعولها لزيادة التبريد ( علميا ) ليس في أهمية مفعولها لمنع التجمد في أوربا تحت الصفر
الأخ صاحب الموضوع .. غالبا بعد نفس المدة حتلاقي الميه برضه صدأت .. شيك علي كفائة الرادياتير و حالته من الصدأ

الكلام ده مضبوط

و الردياتير اتخرم بتاع عربية واحد صاحبي و كمان النترا موديل 2005

بسبب هذه المياه الخضراء , و محل جورج بتاع هيونداي اللى في التوفيقية اللى اشترينه منه السربنتينه الجديدة بـ 450 جنيه
قال نفس الكلام و نصحنا باستخدم ميه غالية اللى بتبقى في حدود 35 جنيه

او جركن ميه مقطرة بتاع البطاريات اللى بتبقى في حدود 12 جنيه ..

منهم لله

وفي كمان stp امريكي

مشكورين يا جماعة و انا فعلا لازم بعد كده احط ميها غالية و فعلا انا بصيت بصة عليهم في المحطة قبل كده
و ديه غلتطي
حسبي الله و نعم الوكيل في كل واحد غشاش

طول ما الرداتير فيه صداء وانت حطيط مياه خضراء كده الرداتير هيبوظ ويتاكل
مدام الرداتير فيه صداء يبقي حضرتك تنضف دوره التبريد
وتستخدم مياه مقطره الزجاجه ب 1 جنيه تقريبا
انت هتستخدم 6 او 7 بالكتير
وتستمر بيها فتره لحد ما الصدا يروح خاااااالص وبعدها تستخدم مياه خضراء
ملحوظه هامه جدا :
المياه الخضراء مع الصداء بتاكل الرداتير

اقتباس:

---

المشاركة الأصلية كتبت بواسطة hema_lancer

طول ما الرداتير فيه صداء وانت حطيط مياه خضراء كده الرداتير هيبوظ ويتاكل
مدام الرداتير فيه صداء يبقي حضرتك تنضف دوره التبريد
وتستخدم مياه مقطره الزجاجه ب 1 جنيه تقريبا
انت هتستخدم 6 او 7 بالكتير
وتستمر بيها فتره لحد ما الصدا يروح خاااااالص وبعدها تستخدم مياه خضراء
ملحوظه هامه جدا :
المياه الخضراء مع الصداء بتاكل الرداتير

---

مشكور يا باشا بس هو مش المفروض انها مجرد مانع للصداء فقط و مزيل الصداء هو اللي بياكل
و مشكور يا باشا عالنصيحة

شكرا علي النصيحة والله مش عارف البلد دي ريحة علي فين ربنا يستر

اقتباس:

---

المشاركة الأصلية كتبت بواسطة semsem_uno

مشكور يا باشا بس هو مش المفروض انها مجرد مانع للصداء فقط و مزيل الصداء هو اللي بياكل
و مشكور يا باشا عالنصيحة

---

هي فعلا مانع للصداء يعني مش بتخلي الصداء ييجي علي الرداتير
لكن لما بيكون موجود لازم يتشال الأول
الموضوع سهل
بأنك تستخدم المياه المقطره دي وكل مده تغيرها لحد ما الصداء يروح

مشكور يا باشا ربنا يكرمك
و شكرا لكل اللي شارك

اولا بالنسبة لصدأ الراداتير فمن الصحيح ان لا تضع مانع صدأ الا على نظافة اي بدون صدأ اولا وذلك باستخدام مزيل صدأ امريكي اسمة ابرو abro وتتبع التعليمات اذ انة 10 minutes flush اي يستخدم لمدة 10 دقايق ثم تفرغ محتويات الراداتير والموتور بالكامل والبلاء اللي فيها لانة مادة كيميائية يتلف الطلمبة ووصلات الرادتير بسرعة ان لم تفرغ كليا وبعناية ثم يغسل الرداتير والموتور بالماء العادي خالي من الكلور ( المقطر) ثم يملا بمانع للصدأ جيد مثل الاسباني ايادا الاخضر او الاحمر 5 لتر والاخضر منة في حدود 30 والاحمر 35 والاحسن من هذا وذاك اضافة مانع للصدأ تويوتا اصلي وهو ب 60 جنية هذل للذين لا ينقص ماء الرداتير عندهم والباقي ربنا يعينهم على اسبيدو المصنوع في المحلة الكبري ومكتوب علية سعودي
وأقو للاخ انة ان لم ينفع فهو لن يضرك والمشاكل اللي عندك هذة كانت نتيجة لاستخدام المزيل ثم عدم النظافة او عدم الالتزام بال 10 دقائقاو ان طلمبة المياة كانت قديمة

اولا احب اشكرك عالرد
بس انا غسلت العشر دقايق كاملين بالتمام و الكمال و نضفت كويس جدا مطرحه و فعلا طرمبة المياه عندي كانت تعبانة جدا بس فعلا العيب من المياه المضروبة

أنا جبت المياه السعودى لكن لاحظت إن ريحتها وحشة جدا جدا كأنها - لا مؤاخذة - مية مجارى
مش عارف هى بتبقى ريحتها كده وللا دى ريحة مية نار مضافة إليها وللا عفونة؟
المهم استخدمتها وبقالها كام يوم معايا إيه رأيكم؟

اقتباس:

---

المشاركة الأصلية كتبت بواسطة HeMa_LanCeR

طول ما الرداتير فيه صداء وانت حطيط مياه خضراء كده الرداتير هيبوظ ويتاكل
مدام الرداتير فيه صداء يبقي حضرتك تنضف دوره التبريد
وتستخدم مياه مقطره الزجاجه ب 1 جنيه تقريبا
انت هتستخدم 6 او 7 بالكتير
وتستمر بيها فتره لحد ما الصدا يروح خاااااالص وبعدها تستخدم مياه خضراء
ملحوظه هامه جدا :
المياه الخضراء مع الصداء بتاكل الرداتير

---

هيما باشا انا بعد ما قريت ردك ده اتلخبطت لانى عندى صدا وكنت ناوى احط مياه خضراء على طول

والمشكلة هنا ياريت تقراءها

http://www.nilemotors.net/Nile/88646-a.html

يا باشا كلو مضروب و على ما اعتقد انها لون اخضر فقط و بيشتغلو الناس كفايه فضيحه الزيت اللى يعاد تكريرة و يتعبى فى عبوات جديدة تانى و يباع و ماركات مشهورة انا لا اثق فى اى منتج يباع فى مصر زيت الشنبر مضروب زيت الفتيس الاوتوماتيك مضروب الزيوت العاديه للمواتير يعاد تكريرها و الله اعلم بها و بحالتها مياة خضراء مضروبه كل هذا انا اتعرضت له لا اثق الا فى السوائل الوراردة من الخارج حد يجبهالك او يبعتهالك و يا سلام لو دوله اوروبيه

اقتباس:

---

المشاركة الأصلية كتبت بواسطة alzelafy

يا باشا كلو مضروب و على ما اعتقد انها لون اخضر فقط و بيشتغلو الناس كفايه فضيحه الزيت اللى يعاد تكريرة و يتعبى فى عبوات جديدة تانى و يباع و ماركات مشهورة انا لا اثق فى اى منتج يباع فى مصر زيت الشنبر مضروب زيت الفتيس الاوتوماتيك مضروب الزيوت العاديه للمواتير يعاد تكريرها و الله اعلم بها و بحالتها مياة خضراء مضروبه كل هذا انا اتعرضت له لا اثق الا فى السوائل الوراردة من الخارج حد يجبهالك او يبعتهالك و يا سلام لو دوله اوروبيه

---

و الله يا باشا مشكور بس ياريت لو تعرف ماركة من الماركات اللي بيعيدوا تكريرها ديه تقولنا علشان ناخد بالنا

يص ياعم سمسم
انا كنت شغال مندوب مع الناس بتوع ديبو دول DeePo
بص ياعم الحاج الميه دى فعلا بتيجى من السعودية
بس هى فعلا وحشة
ومحدش بيشكر فيها خالص صراحة
ومكنش فى حد بيشتريها مننا
وبتوع الردياتير مكنوش بياخدوها ولا حتى بتوع الاكسسوارات وقطع الغيار
وخد بالك الشركة كانت شغالة فى DeePo و Speedo و Sdeepo
كله تعبان
بس انتا فاهم بقى كنا بيبيع وخلاص
انتا فاهم شغل المندوبين

نصيحه لوجه الله
عشان الغش اللى كلكم وقعتوا فيه انا هدلكوا على الصح ومن الاخر
تركيب الميه الخضرا او الحمرا ايا كان لونها بتاعة الردياتير دى عباره عن ميه + لون + ماده كيميائيه اسمها اثيلين جلايكول وهى دى المسئوله عن منع الصدا واالتبريد
حضرتك هتنزل شارع الجيش من يمة باب الشعريه كده وانت رايح العتبه هتلاقى محلات كيماويات كتير
قله عاوز لتر اثيلين جلايكول هيقولك خلصان او مفيش بس هتلاقى عنده داى اثيلين جلايكول قله اوك هو برده اخوه اللتر ب 15 ج بس هتحط منه كبايه 100 سم على ال 4 لتر ودا تركيز اعلى من اعلى نوع ف السوق ولو عاوز تزود براحتك مفيش ضرر
ممكن تقله حطلى عليه لون هيلونهولك عادى ب جنيه
وبكده حضرتك تبقى حطيت حاجه مضمونه وهتشوف الفرق بنفسك ف التبريد
واى خدمه:satelite:

في حاجة نسيتها انك تحط صوديوم فوسفات علشان يمنع تكون قشور بيضاء بسبب الكالسيوم و الماغنسيوم الموجود في الميه علي الجدار الداخلي لمواسير الرادياتير و جسم المحرك واللي بتؤدي لنقص كفاءة التبريد و تحط صوديوم نايترايت كمانع صدأ و هيدرازين وحامض اسكوربيك لمنع الأكسدة و تحط داي صوديوم هيدروجين فوسفات للحفاظ على ثبات درجة حامضية الماء"لمنع الحامضيةالزائدة و القلوية الزائدة" بالإضافة للإيثيلين جلايكول اللي هو مانع التجمد و بيعمل حاجة تانية اهم، انه بيخلي المية تغلي عند 130 درجة مئوية.ده كله بالإضافة للماء المقطر و تركيز كل المواد الكيماوية دي هو سر الصنعة محفوظ للشركات الكبرى
هي دي مكونات ماء التبريد الأخضر لشركة Mobil