حسبي الله و نعم الوكيل مياه خصراء مضروبة(ادخل و خلي بلك)

**semsem_uno** · 02-08-2009 01:53 AM

انا الترم الأول روحت لمحل برجن توني اللي في الحي السابع اللي سوبر ماركت مصر و السودان و جبت ميه خضراء سعودي و اول مرة كان اسمها speedo المهم رحت علي شل و جبت المزيل و غسلت تمام اوي و حطيطها و لسه من اسبوع شكيت في لونها و كنت حاسس ان فيه صداء جامد فيها و فعلا رحت المحطة و غسلت لقيت الصداء نازل و لونو و كأنة عصير برتقال و كتيير
و ملحوظة انا بدأت اشك في المياه لأن بعد تاني مرة جبتها لقيت الأسم بدل speedo لقيته deepo و المرة اللي بعدها speepo
و النتيجة بقي طرمبة المياه بقت بتسرب من الصداء و الله و اعلم ايه تاني حصل جوه
و لما خلصت غسيل بالمزيل و كله جبت مياه علي ضمانة واحد معرفة قديمة بتاع اكسسوار و مكانيكي و كله اسمها الكرنك و ديه مصري بس قاللي ديه فعلا علي ضمانتي و لأن كمان السعودي بقي مضروب
المهم حططها و تمام و مستني المرة التانية في الغسيل و هاشوف و ابقي اقولكم بس انا حبيت احزركم و خلو بالكم من الموضوع ده لأنه بجد هيبهدلكو دورة البريد و ياريت تستنوا رأيي احسن علشان انا مش ضامن نتيجة المياه اللي انا جبتها حتي هتبقي ايه

المهم نصيحتي بقي يا اما تخليك في مياه الحنفية ارحم و تبقي تغسل ريداتير كل فترة او تجيب مياه التبريد اللي مضمونة و الغالية من محطة شل او المحطاط اللي ليها سمعة و حاجتها نضيفة و كده و في اسباني و امريكي و كزا حاجة

و معلش طولت عليكم و ربنا يحرسكم و يحيي ضمير الناس ديه

**Lion_Heart** · 02-08-2009 10:02 AM

استخدم iada و دى ميه اسبانى و دى شركة كبيرة و مضمونة و الجركن 5 لتر و بحوالى 35 جنيه و ابعد المنتجات اللى مش مضمونة ده حتى كمان بقى فى ميه صينى !!

**kliken** · 02-08-2009 10:06 AM

النصب بقى فى كل حته و فى اى مجال
انا مريح دماغى بصراحه و شغال من الحنفيه و الحمد لله الدنيا زى الفل و ماشيه عادى

**Hegazio** · 02-08-2009 12:04 PM

و الله كيميائيا ( و عن خبرة) الميه دي تركيبها لا يكلف أكثر من 8 جنيه للجركن .. و مفعولها لزيادة التبريد ( علميا ) ليس في أهمية مفعولها لمنع التجمد في أوربا تحت الصفر
الأخ صاحب الموضوع .. غالبا بعد نفس المدة حتلاقي الميه برضه صدأت .. شيك علي كفائة الرادياتير و حالته من الصدأ

**badblood** · 02-08-2009 04:02 PM

وفي كمان stp امريكي

**semsem_uno** · 02-08-2009 06:43 PM

مشكورين يا جماعة و انا فعلا لازم بعد كده احط ميها غالية و فعلا انا بصيت بصة عليهم في المحطة قبل كده
و ديه غلتطي
حسبي الله و نعم الوكيل في كل واحد غشاش

**HeMa_LanCeR** · 03-08-2009 12:45 AM

طول ما الرداتير فيه صداء وانت حطيط مياه خضراء كده الرداتير هيبوظ ويتاكل
مدام الرداتير فيه صداء يبقي حضرتك تنضف دوره التبريد
وتستخدم مياه مقطره الزجاجه ب 1 جنيه تقريبا
انت هتستخدم 6 او 7 بالكتير
وتستمر بيها فتره لحد ما الصدا يروح خاااااالص وبعدها تستخدم مياه خضراء
ملحوظه هامه جدا :
المياه الخضراء مع الصداء بتاكل الرداتير

**semsem_uno** · 03-08-2009 05:47 AM

المشاركة الأصلية كتبت بواسطة hema_lancer

طول ما الرداتير فيه صداء وانت حطيط مياه خضراء كده الرداتير هيبوظ ويتاكل
مدام الرداتير فيه صداء يبقي حضرتك تنضف دوره التبريد
وتستخدم مياه مقطره الزجاجه ب 1 جنيه تقريبا
انت هتستخدم 6 او 7 بالكتير
وتستمر بيها فتره لحد ما الصدا يروح خاااااالص وبعدها تستخدم مياه خضراء
ملحوظه هامه جدا :
المياه الخضراء مع الصداء بتاكل الرداتير

مشكور يا باشا بس هو مش المفروض انها مجرد مانع للصداء فقط و مزيل الصداء هو اللي بياكل
و مشكور يا باشا عالنصيحة