الموضوع: هل انتهت مشاكل المرور و لم تبقى الا هذه المخالفة

السلام عليكم و رحمة الله
الموضوع بإختصار هو سلوك مستفز من رجال المرور في القاهرة الجديدة و بالتحديد في التجمع الثالث
يوجد في التجمع مول اسمه فيوتشر مول وامام المول ده في صينية للدوران
المكان مش زحمة خالص و مهما وقف اي عدد من العربيات لا يمكن تسبب اي مشكلة لان اصلا الكثافة السكانية في المنطقة دي قليلة جدا
واحنا متعودين اننا نركن في اي حته امام المول لو بنشتري حاجة
امبارح بقى فوجئت بونش مرور واقف و مكلبشين كل العربيات اللي راكنة على يمين الطريق
الصراحة هوا في يافطة ممنوع الانتظار
بس محدش اشتكى و لا في اي مشكلة من الوقوف في المكان ده والناس مبسوطة انها عايشة في مكان فاضي و بعيد عن الزحمة
لكن ازاي بقى المرور يسبي الناس في حالها
لازم يعكنن علينا و يشتغل علينا مخالفات
طبعا كل ده بسبب ان تم انشاء قسم جديد في هذه المنطقة و هو قسم ثالث القاهرة الجديدة و طبعا لازم يبقى في حصيلة للقسم

المستفز اكتر في الموضوع ان على بعد حوالي 500 متر من المكان ده و بالتحديد عند الدوران اللي امام جهاز المدينة ناس كتير بتمشي عكس الاتجاه عشان توفر مشوار لحد اليوترن يعني لو عملو كمين هناك حيجيلهوم حصيلة لوز
لكن تقول ايه بقى ...