الموضوع: ثُرموستات التمبرا

انا هاحكي حكاية من اسبوع لقيت درجة الحرارة بدأت تزيد عن 90 مشيت شوية كمان وبعدين لقيت دخان طالع من الكبوت ( العربية فيات تمبرا 1999)
وقفت فتخت الكبوت لقيت المروحة مولعة نار المهم طفيتها واستنيت لح ما العربية بردت واتاكدت ان مافيش مشكلة في دورة التبريد الرادياتير سليم والقربة سليمة وفيها ميه والطرمبة سليمة كانت السعه 2 بالليل قلت الجو مش حر قوي هارش ميه علي الرادياتير وامشي بيها لحد الصبح المهم وصلت للكهربائي تاني يوم
طلع الثرموستات بايظ الراجل غيره بواحد 80-90 المهم لقيت المروحة بتشتغل علي 100 غيرته بنوع تاني 80-90 برضه نفس الكلام ده طبعا بعد ماغيرت المروحة كلها
المهم ركبت واحد 70-80 دلوقتي الحرارة لا تزيد عن 90 بس المروحة بتشتغل كتير
ملاحظة:-
المروحة سرعة واحدة اللي قبلها الاصلية سرعتين
الثرموستات الأصلي 87-93

ياتري اسيب الوضع علي كدة ولا أعمل ايه؟

وشكرا مقدما

انا عن نفسى باحب اسيب كل حاجة زى ما هيه مهما الصنايعية تقول
زى ترموستات الكوعة , لفيت عليه نص مصر عشان اجيب ( 87 تخين ) كله يقولك ما تاخد كذا ده احسن , بس على مين :)

و السرعة التانية بتبقى للتكييف , لو المروحة سرعتها هى هى مع التكييف حيبقى فى سخونية لمل تشغله