يا جماعه من فضلكم كنت عاوز أعرف ضغط الأطارات الصحيح الأمامى والخلفى علما بأن السياره أستخدام شخصى بدون تحميل أنا سمعت أن الأمامى المفروض 30 والخلفى 28
عرض للطباعة
يا جماعه من فضلكم كنت عاوز أعرف ضغط الأطارات الصحيح الأمامى والخلفى علما بأن السياره أستخدام شخصى بدون تحميل أنا سمعت أن الأمامى المفروض 30 والخلفى 28
كلام مش مظبوط ....والصح كله على 32
انا مره اختلفت انا وواحد صحبي علي الموضوع ده
هوه معاه نوبيرا وانا معايا لانوس
المهم قلنا نشوف الورقه الملازوقه في كل عربيه والمكتوب عليها الضغط السليم
وكانت النتيجه كالاتي
الانوس
الامامي والخلفي علي 32
والنوبيرا المفاجأه !!!!!!!!!!!!!!
الامامي 30
والخلفي 28
حد يفهمني التناقد الغريب ده جه منين
والواحد يظبط علي كام الكاوتش يعني الناس الي عامله العربيه بتهرج و في كل عربيه يحط حاجه
لا هى النوبيرا أنا جايبها .....ومكتوب على حلق باب السواق الضغط 30 فعلا .....ومحددش (لا خلفى ولا أمامى ) يعنى كله 30 .......بس فعلا أنا مواظب على ال 32 .....وبأتابع الراجل وهو بيقيس العجل قبل ما أسافر بالعربيه مشوار طويل
دا كمان فيه موضوع أهم
ساعات بتلاقى بتوع كاوتش عندهم عدادات بايظه .....وممكن يظبطلك على 32 .....وتروح تقيس فى مكان تانى تلاقيه 38 أو 40 مثلا
وحصلت معايا فعلا .......بس الستار موجود .........
وبعدين بالمنطق كده
أذا كنت بتقول الانوس على 32 .......فهل من المعقول تبقى النوبيرا فيها حاجه أسمها 28 وهى أثقل وزنا ....بدليل حجمها الأكبر من الانوس
حسب الملزوق على عتب الباب
امام 30 خلف 28
اللي ملزوق علي الباب 30 للأمامي و 28 للخلفي و ده كلام اكيد مليون المية و انا لسة مظبط الكاوتش عند واحد في الطالبية و ظبط علي كده و العربية ستابل و كويسة جدا علي الضغط ده و بلاش نفتي و نلعب في حاجات و خلاص خلينا زي ما اللي عملوها قالوا
بالعكس دا أنا شايف أن موضوع ال28 ده اللى كله فتوى ......اقتباس:
و بلاش نفتي و نلعب في حاجات و خلاص خلينا زي ما اللي عملوها قالوا
ما أنا عندى العربيه 2007 ....ومشفتش ال28 دى نهائى
يمكن تكون تحت اللزق مثلا .............؟
لا ياباشا مش تحت اللزق و لا حاجة بس ممكن تكون عربيتك مش فيها اللزق اصلا و لو حضرتك مش مصدق كل الناس اللي قالت كده ممكن اصورلك اللزق بكرة الصبح و احطه لحضرتك
حصل الخير يا جماعه تتحرق العربيه بالكاوتشات
النوبيرا ملزوق في حلق باب السائق
والانوس ملزوق في درج التابلوه
وكلام مظبوط مليون في الميه علشان كده انا اشتريت مقاس وسيبته في شنطه العربيه وبخليه يظبط بيهاقتباس:
ساعات بتلاقى بتوع كاوتش عندهم عدادات بايظه
اصل الضغط الزياده خطر مش هزار وبالذات علي الطريق وفي الحر الفظيع اليومين دول
ماهوه ده الي مجنني :)اقتباس:
أذا كنت بتقول الانوس على 32 .......فهل من المعقول تبقى النوبيرا فيها حاجه أسمها 28 وهى أثقل وزنا
لسه اللزق عندى على حلق الباب ...........ومكتوب عليه بس 30 .....ومفيش أى تنويه عن ال28 ده نهائىاقتباس:
لا ياباشا مش تحت اللزق و لا حاجة بس ممكن تكون عربيتك مش فيها اللزق اصلا
وخللى بالك الكتالوج الفنى حدد للنوبيرا 32 فعلا لمقاس الكاوتش اللى راكب عندى......
بس ممكن يكون نوع الكاوتش اللى بيركب بعد ال2007 مش كويس مثلا
وعاملين فى التوكيل اللزق ده بمزاجهم مثلا ......أما الكلام الفنى حاجه تانيه فعلا .....من واقع المواصفات الفنيه لعائلة الدايو
وأدى المواصفات الفنيه للسياره أم محرك بكامتين 1600 ( نوبيرا يعنى ).........
وطبعا الضغط 32 رطل /بوصه المربعه ......مصمم أن يشيل وزن العربيه دى لكى تأخذ منها أحسن أداء
أظن ده يبقى فتوى من التوكيل لو كان حتى لازق ال30 وال 28 ...طبقا لكلامك دهاقتباس:
و بلاش نفتي و نلعب في حاجات و خلاص خلينا زي ما اللي عملوها قالوا
بس انا لاحظت حاحجة يا عم سمير ان العيال بتوع الكاوتش ديمأ يقولو 28 ايه السببب بس انتا لازم تقولو 32 انا بلاحظ كدا وبلاحظ كمان ان المقياس بتاعه كمان بيكون بايظ يعني سعات يكون ابويا مظبط الكاوتش وانا معرفش واروح اظبطه الاقيه اعلي من 32 ومرة لقيته 42 ابقي هجننن
انت متاكد من الكلام اللى فوق دة بتاع نوبيرا؟؟؟؟
اصل النوبيرا عمرها ما نزلت بجنوط 13 ولا ينفع يركبوا عليها اصلا بالتالى اكيد الصفحة دى من مانيوال اللانوس مش النوبيرا... حتى مقاسات الكاوتش بتاعت لانوس مش نوبيرا و لا مكتوب الجنط ال 15 و الكاوتش ال 195/55/15 بتاع البريميوم
MMamdouh
اقتباس:
انت متاكد من الكلام اللى فوق دة بتاع نوبيرا؟؟؟؟
عمود البيانات اللى تحت المحرك ال dohc 1600اقتباس:
اصل النوبيرا عمرها ما نزلت بجنوط 13 ولا ينفع يركبوا عليها اصلا
السطر اللى قبل الأخير فيه 32 psi ومقابل ليها الكاوتش 185/60/14 R.........وبعدين دول كاتبين برضه المقاس الأستاندرد للكاوتش كمان (185/60/R14 ).......والجنوط الصح 14 سواء حديد عادى أو جنوط اسبور .....من خلال خانة التطبيق APLICATION
تمام كده ...............
بالذمه فيه حد يمشى ....وراء العيال .......ههههههههههههاقتباس:
بس انا لاحظت حاحجة يا عم سمير ان العيال بتوع الكاوتش ديمأ يقولو 28 ايه السببب
انا دورت شوية لاقيت بعض المعلومات في الموضوع ده:
نوبيرا 2000
http://img38.imageshack.us/img38/9127/nubira2000.jpg
نوبيرا 1400و1600و1800
http://img13.imageshack.us/img13/9656/nubira.jpg
لانوس
http://img13.imageshack.us/i/lanos.jpg/
http://img13.imageshack.us/img13/1941/lanos.jpg
يا جماعه أنا متشكر جدا على كل الإجابات ديه بس أنا فى كام نقطه عاوز أوضحهم أول حاجه أن طبيعى وزن العربيه من الأمام بيكون أتقل من الخلف لوجود الموتور + الفتيس وده وزنه لايقل عن 750 كجم من أجمالى وزن العربيه حوالى 1200 كجم وبالتالى ممكن يكون فعلا الضغط للأطارات الأماميه أعلى ، تانى نقطه أنك لو بتحمل العربيه بأشخاص بالكامل بالإضافه لأوزن بالشنطه يبقى الأفضل برضه تزود الضغط للإطارات الخلفيه ، تالت نقطه الصيف والشتاء يعنى أنا شخصيا بفضل فى الصيف أن يكون الضغط أخف لتفادى أنفجار الأطار نتيجه للتمدد والعياذ بالله رابع نقطه : زيادة الضغط فى الأطار تسبب دب فى المطبات وسرعة تلف العفشه ، خامس نقطه : قلة الضغط فى الأطار تسبب سرعة تلف الأطارات وأسمحولى أترجم ملخص كل اللى اللى أحنا قولنها فى التالى:أولاً : لو السياره أستخدام شخصى فى الصيف : الأمامى 30 والخلفى 28 ، ثانياً: لو السياره أستخدام شخصى فى الشتاء يبقى الأمامى 32 والخلفى 30 ، ثالثاً: لو العربيه أستخدام عائلى فى الصيف يبقى الأمامى 30 والخلفى 30 ، رابعاً : لو العربيه أستخدام عائلى فى الشتاء يبقى الأمامى 32 والخلفى 32
مهى كل المقاسات دى بتاعت اللانوس... و طبعا انت عارف ان اللانوس بتنزل بمكنة 1600 و الناس بتقع فى خطاء شائع لما تربط المكنة بالعربية... زى ما يجى واحد يقول "موتور النوبيرا"... طيب ما النوبيرا فيها 1500 و 1600 و 1800 و 2000... انهى واحد فيهم؟؟؟
صحيح فى مصر مفيش عير ال 1600 و شوية 1500 من برة بس لما تعمل بحث على قطعة من كتالوج احتمال كبير توصل لنتيجة غلط لو كان اساس البحث هو المكنة مش العربية نفسها
MMamdouh
طيب فين الكلام ده .....مع المحرك ال1600 المكتوب فى الجدول بتاعى ....دا واخد قبال الجنوط ال13 شرط تحت المحرك ال1600 ............:majd(4):اقتباس:
اصل النوبيرا عمرها ما نزلت بجنوط 13 ولا ينفع يركبوا عليها اصلا
يعنى تحت المحرك ال1.6 لتر (1600 سى سى ) فى العمود الأول من الجدول .....وحنقول ده المناظر للنوبيرا المصرى مثلا
فى العمود التالت بقه ......بتاع ال aplications .
قدام صفين الجنوط ال13 بنفس عمود التطبيقات .....بين أن الجنطين دول غير مستخدمين فى المحرك ده ....بدليل أن حط شرط ....قبالهم فى العمود بتاع المكنه ال1600
طبعا معاحترامى لكل اللى قالوا رايهم و جابوا اثباتات لكن انا هامشى مع راى المهندس سمير لان بصراحه طول المنتدى شايف انه من اكتر الناس الفاهمين فعلا و المحترمين جدا فى ردودهم
الله يخليك يا أستاذ : أحمد
وكلنا إخوان وبنكمل بعض
بصراحه انا مش عارف اقول ايه ...... بس....
انا بقدر المهندس سمير جدا جدا جدا وبصدقه وانا مغمض
بس برضه اللى صنع العربيه ادرى بيها وماكنش هيخسر حاجه لو قال حطوا فيها 32 ولا 52 حتى
واللزق فى المرفقات ....... نفسى بجد الاقى حل
ملف مرفق 6614
الله يخليك ياباشااقتباس:
انا بقدر المهندس سمير جدا جدا جدا وبصدقه وانا مغمض
وأشكرك لزوقك
وصدقنى أنا حتى لو صودف وقلت حاجه وطلعت مش واثق فيها أوى
وعرفت الصح بعد كده
لا أتروى فى أن أستدرك وأعترف بالحق
هو فيه حد بيعرف كل حاجه ؟
واللى يقولك أنه بيعرف كل حاجه
قوله أيه .....قوله أنت !!!!!!!!!!!!!
ههههههههههه
هكذا نجعل الموضوع أكثر تعقيدا ولكن الموتور ثقيل فعلا !
الكلام الملزوق بيقول ان الضغط عند الجو البارد لاطارات مقاس 14 ما تكلمش عن مقاسات تانية- كتالوج النوبيرا العربى اللى مازل مع اخر انتاج 2009 بيقول 30 لحمولة 3 اشخاص امامى وخلفى و34 لحموله كامله امامى وخلفى.
انا جربت حكاية 32 ولما كنت راكب ومعايا الحموله الكامله - كنت حاطق لانى حسيت انى ماشى بقباب مش عربيه - هبد ورزع مع اقل مطب- رجعت ل 34 اتعدلت العربيه - الكاوتش اللى راكب هو الكورى اللى جاى مع العربيه - ما عرفش بصراحه ال 30 وال 28 افتكسها التوكيل منين ؟
الحقيقة دة كل العالم وكل صانعي الإطارات بيذكروة بغض النظر عن حرارة الأجواء وكل المحاذير لدينا بهذا الخصوص انا في الشتاء بيكون علي 31 او 32 وفي الصيف 30 مع ملاحظة انني اسافر علي طريق صحراوي في عز الحر وفعلا حرارة الإطارات بترتفع جدا لكن برضة مبقلش عن 30 للأمام والخلف - عندي علي باب السائق بادج السيارة وهي نوبيرا بريميوم خليجي مكتوب 30 بار للأمام والخلف مع العلم ان الجنوط 15 بوصة
طيب انا عندى امامى 30 وخلفى 28 مكتوب فى بادج البيانات اللى فى باب السائق
انا عربيتى وارد كوريا يعنى التوكيل ملهوش علاقة بالموضوع دة (براءة)
انا احترت الصراحة ومريح نفسى وبظبط على 30 كلة وسايبها على الله