الموضوع: احب اشكر الاستاذ Ahmed Samy وباذن الله كلها ايام وهبقى سيراتاوى

توكل على الله
وانت اخترت احلى لون فيها
ربنا يديك خيرها ويكفيك شرها

استاذي الفاضل جعفر

انا مش عارف اقول لحضرتك ايه

بس والله انا سعيد بمعرفة حضرتك جدا

و ربنا يجعلنا عند حسن الظن دوما


و الف الف مبروك على الاختيار الموفق ان شاء الله و ان كان في ناس هاتقولك ازاي تسيب تراب الياباني "ربنا معاك"

انا طبعا أرشح اللون الأبيض لأسباب كتيرة :

1 - لون عربيتي و يكون ليا الشرف تبقى هي و عربيتك نفس اللون

2 - ما بيبانش فيه التراب العادي بسرعة

3 - العربية ما بتسخنش في الحر زي الألوان الغامقة

4 - لو هاتغير رفرف أو هاترش حتة في المستقبل "ويارب ما تضطر تعمل كده" االلون بيتجاب بسهولة و ما بيبانش زي الميتالك

5 -انا شايفه أكتر لون مبين شياكة العربية خصوصا من ورا .


و ألف الف مبروك مقدما

المشاركة الأصلية كتبت بواسطة Migo123

توكل على الله
وانت اخترت احلى لون فيها
ربنا يديك خيرها ويكفيك شرها

امين يارب والف شكر لردك

المشاركة الأصلية كتبت بواسطة M7amD_7amDy

مبروووك مقدما وفعلا اختيار سليم والعربيه ماشاء الله وربنا يوفقك
الابيض والاسود تحفه التحف
بس انا افضل الابيض

الله يبارك فيك
وانا كمان بحب اللون الاسود بس هيبين كل التراب وهتحتاج نضافه باستمرا ولما شفت اللون الابيض بصراحه شدنى قوى

المشاركة الأصلية كتبت بواسطة Ahmed Samy

استاذي الفاضل جعفر

انا مش عارف اقول لحضرتك ايه

بس والله انا سعيد بمعرفة حضرتك جدا

و ربنا يجعلنا عند حسن الظن دوما


و الف الف مبروك على الاختيار الموفق ان شاء الله و ان كان في ناس هاتقولك ازاي تسيب تراب الياباني "ربنا معاك"

انا طبعا أرشح اللون الأبيض لأسباب كتيرة :

1 - لون عربيتي و يكون ليا الشرف تبقى هي و عربيتك نفس اللون

2 - ما بيبانش فيه التراب العادي بسرعة

3 - العربية ما بتسخنش في الحر زي الألوان الغامقة

4 - لو هاتغير رفرف أو هاترش حتة في المستقبل "ويارب ما تضطر تعمل كده" االلون بيتجاب بسهولة و ما بيبانش زي الميتالك

5 -انا شايفه أكتر لون مبين شياكة العربية خصوصا من ورا .


و ألف الف مبروك مقدما

دا انا اللى ليا الشرف انى اتعرفت بحضرتك وبجد شرف ليا ان يكون لون عربيتى ذى لون عربيت حضرتك

بالنسبه للكلام اللى هيتكلم هعرف ارد عليه كويس قوى لان الحمد لله الواحد مبياخش قرار الا وهوى عارف بيعمل ايه وبالنسبه للهوندا هيا عربيه محترمه وكل حاجه لاكن كتير قوى عليها 176 وللعلم انا جربتها وعارف كل مسمار فيها

اما السيراتوا فسعرها معقول فى وجود اوبشن كتير انا عارف ان ساجها ضعيف وايه يعنى ما كل الجديد ساجه ضعيف وبعد الشر لو الواحد حصل اى حاجه لاقد الله هيدور على الساج ولا على سلامته وبعدين اول ما الواحد بينزل من العربيه مبيفكرش فيها واول كلمه الواحد بيقولها الحمد لله اللى يجى فى الحديد بيتعوض لاكن لاقدر الله اى حاجه تانيه مبتتعوضش


وموضوع السخونيه دا انا عارفه وانتى قولتلى عليه ومع احترامى للجميع دا ميعتبرش عيب وعلى ما اعتقد ان فى المستقبل ممكن يتعالج واللى مش عاجبه يحط ( سيلوفان ) على الشكمان

وموضوع البلاستيك اغلب العربيات الجديده كلها بلاستيك دا ابويا كان معاه فورد اسكورت موديل 98 زيتك كامله

ومن اوال الناس اللى جابتها والطابلوه بتاعها كلوا بلاستيك فعلى ما اعتقد شركه فورد مش هتضيع اسمها علشان توفر

وكذلك المثال بالنسبه لكيا وعلى ما اعتقد ان محدش اشتكى من اى تزيق او حك او خبط يبقى الناس دى عارفه هيا بتعمل ايه

اخيرا اكيد لازم يكون فى فرق بين اى عربيه والتانيه والا كانت كل الشركات اتجمعت فى شركه واحده ويعملوا عربيه انتاج مشترك وساعتها عد بقى

وفين الموضوع بقى انا عايز اشوفه منور المنتدى بس متنساش تكتب على الفيديو حصر علشان محدش عمله قبل كده

المشاركة الأصلية كتبت بواسطة kareemhisham

ربنا يباركلك فيها ,,

فعلا اللون الابيض اجمل و احلى لون على العربية و دى بذات

امين يارب وشكرا لردك

جعفر باشا...ألف مبروك مقدماً

لازم تشرفنا في المقابلة...عشان تجرب العربية و تشوف كل حاجة فيها إن شاء الله