الموضوع: العربية الجديدة باظت

معلش وبعدين انت مش هتخصر حاجة كلم رمضان وخليه يشوفها ومسلم برده طالما العربية هناك وشوف رأيهم ايه.....لو ما اقتنعتش ابقى روح لقطب وانت وراحتك......

يا goofy301 اشكرك انا معرفش اي ميكانيكي سواء كويس او وحش انا لسة جايب العربية من اسبوعين وروحت عند احمد فرج بس حسيت انو مش بيصلح بيبدل ويريح نفسة فياريت انتو الي تدلوني علي الميكانيكي الاحسن سواء مسلم اورمضان او قطب كلهم سواء عندي اهم حاجة يكون فاهم وامين لاني رايح النهاردا فاروح لمين

المشاركة الأصلية كتبت بواسطة ayabooy

تامر اولا لا شكر على واجب
لما نصحتك انت او غيرك بقطب ده علشان هو الوحيد الي بيشتغل في العربية و في ايده جهاز يعني قبل ما يقولك روح هاتلي الحساس الفلاني ة تدفع مبلغ محترم و في الاخر يطلع عيب تاني الراجل بيكشف على الحساس عن طريق برنامج كمبيوتر و بيحدد
موضوع انك جنب القطع الغيار معظم الجديد في الحرفيين مضروب و ده عن تجربة او بيبعوا التركي على انه ايطالي و عموما لو روحت لقطب جنبك التوفيقية و جنبك الوكالة و هو بيبعت يجيبلك الي انت عاوزة زي اي ميكانيكي
طبعا ده راي انا مش اكتر و برده لو هاتعملها في الحرفيين يبقي تعملها عند حد بتاع فورد

انت مدرك يعنى ايه يقطر العربية من الحرفيين لغاية الضاهر....!!! ده انا كنت علشان اقطر السيات القديمة جوة مدينة نصر بس يعنى من الزهراء للثامن مثلاً كنت بتحايل على طوب الارض من سواقيين التكسيات علشان يرضوا وفين وفين على ماآلاقى واحد ويعد يتنك عليا فى الفلوس....
وبعدين مين قالك ان قطع الغيار فى الحرفيين مضروبة !!! عندك الخليل وطارق ابوالفتوح عندهم الاصلى والبدايل وبعدين انا قولتله يشوف حد من هناك الاول هيقوله ايه ولو معجبوش يروح لقطب ...وده مجرد رأى شخصى

السلام عليكم
انا امبارح روحت للميكانيكي الي اخويا ودا عندو العربية وللاسف لاقيتة اشتغل فيها فمعرفتش اسحبها هوا جاب جوان وش سلندر الماني ب85 جنية وجبتلو ماسورة بدل الي اتخرمت بتاعت الريدياتير ب 50جنية استيراد من الحرفين بس جديدة المشكلة ان فية بستم جزء منة ساح وهوا ودا وش الماتور يتخرط عند الخراط وبيقولي هنجربة اهم حاجة ميكونش اتشرخ وبيقولي هيحاول يقفل المتور علي كدة ويجربة بس احتمال ضعيف انو يشتغل.
هوا رئيو انو يجيب بساتم جديدة ويخرط الشميز او حاجة زي كدة ويصلحها علشان المتور يبقي كويس وبيقولي ان البساتم الجديدة ب1600 جنية ورئيو انهم احسن من الاستيراد وكاجمالي هيبقو اقل تكلفة.
انا هخلية يقفل علي كدة واشوف ونش وانفل العربية علي قطب وربنا يسترها الموضوع شكلة كبير وانا اتشائمت من العربية ابل مركبها وبفكر اني اصلحها وابعها بس عايز اصلحها صح فاية رئيكو اعمل اية كمان علشان لو بعتها مخسرش فيها كتر والي هيشتريها ميدعيش عليا.

السلام عليكم اخواني
معلش علي التاخير علي الرد علي نصائحكم ليا اليومين الي فاتو بس كنت مسافر ومفيش نت اقدر ارد بية عليكم فاعزروني.
انا وديت العربية لقطب وفك المتور ولاقاة محتاج طقم بساتم وطقم شمبر وجوانات وكمان خراطيم المياة قلي لازم تتغير علشان دي اهم حاجة .
طقم الشمبر والجوانات الي تقريبا في حدود 1500 وطقم البساتم 1200وكمان فية كوعة مية بتاعة المتور 600 جنية محتاجة تغير بس الي لسة هيحسب التكلفة بالظيط ويحددهالي يوم الاثنين علشان اخد قرار.
انا بفكر اجيب متور استيراد واريح نفسي لو فرق الاسعار هيكون قليل مبنهم اتصلت بواحد اسمو مصطفي الي مفيش 1600 كل الي موجود 1800يعمل 2500 فاضي متور بس والي معرفش تقريبا ان فتحة الية مختلفة عن 1600 بس بتتظبط فاية رئيكو 1800 كويس وقطع غيارة موجودة ولوحبيت ابيع العربية 1800 مش هيقلل من السعر كمان هل هحتاج اغير حاجة في العربية علشان تستحمل المتور الجديد فتس او قواعد او اي حاجة وازاي اعرف ان المتور دة كويس بس بلاش موضوع اني اشوف كبس المتور لاحسن القديم كان 70% وبعدين طلع بايظ.
ياريت لو حد يعرف واحد كويس اشتري من عندة متور1600 وممكن يكون كربراتير ولا دة مينفعش عندي او حتي 1300 لاني اتعقدت من الانجكشن وحاسس ان قطع غيارة غالية ومعقد علي الفاضي لان 1600 الكربراتير والانجكشن نفس قوة المتور 90حصان.
ارجو منكم النصيحة وشكرا لكم مقدما