بور الكهربة المفروض يفصل عند 110 كم ساعة و لو حصل غير كده يبقى فى خلل فى نظام التحكم
عرض للطباعة
بور الكهربة المفروض يفصل عند 110 كم ساعة و لو حصل غير كده يبقى فى خلل فى نظام التحكم
إيه يا رجالة؟ إحنا مش كنا خلصنا حكاية البيرسونا والإلنترا دي قبل كده؟ وكنا حنخسر بعض عشانها :)
الموضوع موجود في قسم المقارانات تحت موضوع إسمه (أشتري إلنترا ولا بيرسونا)
يا ريت اللي ما قرأشي الموضوع يروح يقرأه الأول عشان كلامي اللي جاي مبني على مشاركتي في الموضوع ده
مبدئيا بالنسبة لحكاية إن الإلنترا خفيفة، هي فعلا خفيفة بس مش الخفية ( حلوة خفية دي) اللي تخوفك منها بمعنى بمعنى مش حتلافيها بتعوم منك لو عربية كبيرة عدت من جنبك. أنا ياما مشيت بيها على الدائري وكان بيعدي من جنبي حوت أزرق ضخم على شكل عربية نقل بمقطورة بسرعة عالية وعمر ما العربية إتحرفت عن إتجاها.
واضح فعلا إن حضرتك أجرت عربية حالتها مش كويسة، لأني بأجر عربيات كتير جدااااااااااا، بدليل إن العربية الإلنترا الزيرو جبت بيها 180 على مصر إسماعيلية الصحراوي وأنا مرتاح جدا، بعد ما العربية عملت 15000 كيلوا مش عارف أجيب بنفس العربية 150، كانت بتعوم بشكل غبي.
يا جماعة العربيات الإيجار بتهاااااااان، مهما كانت درجة المحافظة عليها.
بالنسبة لدرجة نعومة الدريكسيون
فأنا أتوقع إن حضرتك معاك عربية قديمة أو لانوس بأقصى تقدير، لأني أول مرة ركبت فيها الإلنترا كنت لسه نازل من نوبيرا وقلبي كان حيقف من درجة نعومة الدريكسيون.
بس على فكرة، درجة النعومة دي ميزة مش عيب، لأني ما أتوقعشي إن عربية بالحلاوة دي يبقى دريكسيونها أقل نعومة من كده. وكون حضرتك مش عارف تتحكم في العربية يبقى عشان حضرتك لسه ما خدتش عليها أو إن العربية زي ما قلت فيها حاجة. لأن نعومة الدريكسيون من أهم مميزات العربية دي.
ثالثا بالنسبة لأنها ما بتحسسكشي بالطريق، فده برضه من مميزاتها مش من عيوبها. يا جماعة إحنا ليه مش قادرين نفهم إن كل عربية بتتصنع بمواصفات خاصة بهدف إستهداف فئة معينة.
يعني
الإلنترا بكل شياكتها ووقرها وجمالها ونعومتها مصممة لأستاذ جامعي أو طبيب أو مهندس نفسه يروح بيته بعد يوم طويل متعب، أو واحد عنده سفر كل فترة. بالتالي دول كلهم عايزين عربية مرييييييييحة ما يحسوش بأي حاجة في الطريق أو في العربية.
البيرسونا بكل رياضتها وشكل عداداتها وقعدة الكراسي بتاعتها وصوت الموتور بتاعها ، عربية رياضية بحتة يعني تمتعك بكل دقيقة في الطريق وتحسسك بمتعة القيادة الشبابية. فهي مصممة للشباب اللي غاوي عربية شكلها روش ورياضي وأداء لا يقل عن الشكل بتاعها.
رابعا بالنسبة لإن حضرتك مستغلي ثمنها فأنا مش شايف كده خالص، أنا شايف إن هي أحسن من اللانسر بمراحل وبسرع منافس للانسر(أقصد اللانسر البومة مش الشارك طبعا).
أما بالنسبة لحكاية إحتكاكها بالمطبات فدي زي ما أنا قلت في الموضوع الي فات، من عيوبها الغبية اللي تكرهك في العربية.
أنا على فكرة من عشاق بروتون وإن شاء الله قريب حشتري جين2 بس كان لازم أدافع عن عربية فعلا غيرت نظرتي تماما لهيونداي، الإلنترا فعلا خلتني أحترم الشركة دي بغض النظر عن توكيلها التعبان (لا مؤاخذة يا عم طارق أبو درة) :)
وطبعا مهما كانت العربية اللي حتشتريها
فأسأل الله أن يكفيك شرها وأن يعطيك خيرها
والسلام ختام
تسمحولى بمداخلة بسيطة
لو الهدف من الموضوع ده تقديم نصيحة لراغبى شراء الالنترا عن تجربة صحيحة ومحايدة فشكرا طبعا لصاحب الموضوع وفى النهاية القرار لكل شخص يشتريها ولا يقتنع برأيه ويفكر فى حاجة تانية
اما اذا كان الهدف هو مقارنة الالنترا ب البيرسونا
فاسمحولى المقارنة دى يبقا مكانها فى قسم المقارنات
بجد أنا مش عارف حضرتك بتكلم على أنهي عربية....يعني لو هيا كنت وحشة أوي كدة مكنش حد اشترها ......و الالنترا وخدة أفضل عربية في فأتها أكيد لو الباور بتعها كارثة ذي ما حضرتك بتؤل مكنتش اتبعت في أي حتة في العالم و محدش يؤل بتاعت مصر حاجة و بره حاجة تانية
في حين إن إلنترا محققه مبيعات جامدة في أمريكا و وخدة الجيزة الأنا قلتها الجن2 و البيرسونا مش بتتباع هناك أصلاً
ليه الهجوم ده انا اتكلمت على عيوب موجوده فعلا اي حد ممكن يحس بيها غير انها بتتهالك بسرعه مع الوقت مش بتبقى متماسكه زي الياباني مثلا
انا معايا النترا 2008 وعمرى ما حسيت بالكلام اللى انت بتقوله
العربية ولله الحمد فى منتهى الروعة وعلى فكرة اا عامل بيها 23و000 كم والثباث والباور والعفشة فى منتهى الجمال وربنا يحفظها نعمة
الجين والبيرسونا بتقول مش بتتباع هناك اصلا تقصد امريكا لانهم هناك بيحاربوا الصناعه الماليزيه ومش عايزينها تنتشر لانهم عنصريين وبيدعموا الصناعه الكوريه لاقصى حد ضد الماليزيه
أنا عمل ٤٥٠٠٠ كيلو في سنة و ذي الفل كأنها زيرو بسم الله مشاء الله بس هي خليجي مش مصري
أعتقد ان الاخ صاحب الموضوع هدفه تشويه صورة الالنترا بين الناس وعمل ايحاء بان الالنترا سيارة فاشلة. مع ان الكل عارف مدى
العربية ده في العالم كله.
لذلك انصح بتجاهل هذا الموضوع وترك النقاش لان الاخ كل يوم بيجيب عيب جديد من عنده !!! مش عارف بكرة هيقول ايه كمان.