من حوالي شهر كده كنت خلاص قررت اشتري الالنترا الخليجي الاوتوماتيك سعرها حوالي 99500 جنيه مصري ولكن قبل ما اشتريها اكتشفت فيها عيوب قاتله خاصة بعد ما اجرتها كام يوم وهي:

1. العربيه خفيفه جدا واي حاجه تعدي جمبها تحس انها هاطير من مكانها
2. الدركسيون الكهرباء خفيف جدا لدرجه تحس فيها انك راكب عجله ومفيش اي احساس بالتحكم والسيطره على العربيه
3.الاسوء من ده كله لم تركب معاك اسرتك او اصحابك العربيه بتبقى واطيه لدجه كبيره ومفيش مطب في مصر المحروسه الا وبتحك فيها وان كان ده مش ذنب العربيه ان الشوارع عندنا سيئه لكن وصلت لقناعه انها ما تنفعش لشوارعنا.


بعد التجربه دي حسيت ان العربيه دي حرام يدفع عليها 100 الف جنيه دي يادوبك كبيرها 70 الف ومش عارف ليه ملاك الالنترا طالعين بيها السما ومش بيقولو للناس على المشاكل دي قبل ما الناس تتورط وتشتريها ده راي شخصي وصرفت نظر عنها خالص وبعد مقارنه مع الكورولا الغالية الثمن جدا 150 الف جنيه والصني التجميع المصري واللانسر شكلها قديم جدا والشارك سعرها مرتفع بدون مبرر وبعد تجربة البروتون بيرسونا قررت اشتريها 91 الف جنيه اتوماتيك كامله موتور وهيكل وشاسيه وعفشه انجليزي مواصفات مناسبه ثبات رائع لقيتها انسب حل بالنسبه لي .

وشكرا لكم
حضرتك الالانترا مش بس اللى خفيفة كتير اوى من العربيات الجديدة خفيفة جدا حتى اللانسر و اكتر عربية بتحك فى المظباط المرسيدس الc-class و على فكرة برده اللانسر و كل العربيات دى بتحك فى المطبات علشان لما صنعوها مكانوش عارفين ان العربيات دى هتمشى فى شوارع نضيفة زى شوارع مصر , اللى اعرفه الدركسيون الكهرباء دا بيبقى ميزة و بيبقى اتقل كتير على السرعات العالية.
بناء على ايه شايف انها تستحق 70000؟ اذا كانت الفرنا ب 70000 و اللانوس يعنى دى زيهم بالظبط؟؟

العيوب اللى قلتها دى عيوب اى عربية مش الالنترا بس بس مش بالشكل دا , يعنى حضرتك كاتب زيادة اوى انها تتقلب لو عربية عدت من جنبها و الكلام دا , بالنسبة للpersona احب اوضجلك ان الgen2 اللى مفروض انجليزى برده عربية رديئة فى كل حاجة , فراملها ضعيفة جداااا و فيها عيوب تقفيل بالهبل و ناس كتير بتستلمها بعيوب التقفيل دى زى الريموت و الmultifunction و الزجاج و كل الحاجات اللى بتبوظ دى, دا غير طبعا ان العربية مبتسحبش على سرعات قليلة
زى ما هو مكتوب هنا
Proton Gen-2 - Wikipedia, the free encyclopedia
طبعا انا معرفش نفس العيوب دى فى الpersona و لا لأ بس برده اكيد فى كتير منها فى الpersona
عيب السحب معتقدش انه موجود لان الPersona فيها الموتور الcampro
غير حاجات كتير سيئة فى توكيل الجين 2 و بصراحة دا توكيل لا يقارن حتى بغبور.

جربيت الpersona على سرعات عالية و لقيتها ثابتة جدا و مبتحكش فى المطبات؟؟

مش لازم الالنتار و الpersona ممكن السيراتو الجديدة برده عربية ممتازة