حاجه مش عاجبانى فى الاكسنت

**megaman** · 04-08-2009 06:55 PM

يا جماعه بحس ان العربيه اللى هى اكسنت 2009 ماشى بيها 10000 صوتها خشن على السرعات بعد110 لحد ال150 بيجيلى احساس انى بقرص على الموتور فعايز اعرف هو ده الطبيعى ولا ايه النظام كمان عايز اعرف لما اغير زيت احط 3 وتلت زى ما الكتالوج بيقول ولا 4 ده طبعا بالفلتر يا ريت حد يجاوب زى فوكس والمصرى ما تسيبوناش نسال من غير اجوبه!!!

**AHMEDCAR** · 04-08-2009 07:26 PM

عادى ياباشا

**حماده المصري** · 04-08-2009 08:01 PM

هو عامه صوت النيو محرك النيو اكسنت بيبقى عالي بعد ار بي ام 3 على كل الغيارات

عامه انا حاسس ان الصوت هدي عن الاول كتير بس مش عارف هل ده تعود او انه يكون المحرك صوته هدي فعلا

بس نصيحه اخويه فكك من الكلام الي يقولك لازم تعود العربيه على الجري والحرق عشان الصوت يهدى والمحرك يتعود على كده

غلط كتر الجري بيعلي صوت المحرك

سيب العربيه زي ما هي بسواقتك العاديه وهي كده طبيعيه مفيهاش مشاكل

------------------------

بالنسبه للزيت احيانا بحط 3.5 واحيانا 4 وبصراحه مش بحس بفرق ومش بتفرق معايا لو الزيت اعلى من شرطه الماكس

بس تقريبا في التوكيل كانوا بيحطوا 3.5 بالفلتر على ما افتكر كانوا بيسيبوا باقي الرجكن بتاع الزيت في نص ليتر

اما البنزينات معظمهم بيقول 4 بالفلتر بس يفضل انك تغيره 3.5 بالفلتر

**tarekabosdera** · 05-08-2009 12:07 AM

الاكسنت عربية ممتازة وماتورها قوي جدا خصوصا المانيوال.....

**ezzatfox** · 05-08-2009 03:48 AM

يا باشا انت عارف ان موتور العربية يعمل بتقنية ال cvvt و هى اختصار Continuously variable valve timing ( توقيت صمام متغير مستمر ) و النظام دة باختصار ببيسمح للكامات انها تغير توقيت فتح و غلق الصمامات على حسب سرعه العربيه يعنى انت دايس بنزين و عديت rpm 3 بالتالى وقت فتح الصمامات بيبقى اكبر علشان تدي قوة أكبر للعربيه و لو rpm قليل توقيت غلق الصمامات يبقى اكتر فتقلل في إستهلاك البنزين ، عشان كدة العربية صوتها بيعلى على السرعات لانها بتحرق فى الحالة دى اكتر من العادى فى اى عربية تانية عشان تديك قوة اكبر و سحب و تجميع اسرع ، بس متقلقش من موضوع الصوت ركز بس مع ال rpm و طالما ان المؤشر بعيد عن المنطقة الحمراء مفيش مشاكل انشاءاللة .
بالنسبة للزيت التوكيل بيغير على 3.5 لتر بالفلتر زى ما الاخ حمادة وضح .