وياريت يكون قريب من مدينه نصر
عرض للطباعة
السلام عليكم يا شمهندس يوسف
انا كنت بتفرج على اوكتافيا فانتازيا وشفتها فى اكتر من مكان وكل تاجر عنده مواصفه مختلفه عن التانى واحد يقولى خليجى سعودى واخر خليجى دبى واخيرا اردنى
وللاسف كل تاجر بيشكر فى عربيته ويدعى وجود اختلاف فى المواصفه بخلاف الكماليات
فمثلا مواصفه دبى بها عفشه خدمه شاقه
واخرون يقولوا بتاعت الاردن تعبانه وتكيفها مش كويس واحد كمان ضحكنى قوى قلى الصج بيختلف من مواصفه الى اخره
هل يوجد فعلا اختلافات فى المواصفات ام اختلاف فالكماليات فقط
وهل يمكن التفريق بين السعودى من الاردنى مثلا
معلش يا باشا العربيات دى مابتاخدش هوا اصلا و انا متاكد من كده، عشان كان معايا البوينتر قبل الاوكتافيا و قعدت كتير اوى فى حوار السخونية ده و ناس كتير قالولى دى فيها هوا، هو متهيالى فى عربيات زى اللانسر ممكن يحصل فيها كده ، بس الفولكس مافيهاش الكلام ده، يعنى ممكن تنزل مية التبريد كلها و تحط ميه جديدة من غير قصة سحب الهوا و الكلام ده
الحمد لله صوت صفارة الفرامل ضاع، و احب اعرف الناس برضه عشان تستفيد عشان انا سالت ميكانيكى شغال فى توكيل فولكس، قاللى اى تيل اصلى بعد مابنركبه ف التوكيل بينطلع بالعربية و نجرى بيها شويه و بعدين ندوس فرامل جامد جدا للاخر لحد ما ال abs يشتغل، قاللى هاتحس بيه اما تلاقى الدواسة الفرامل بدات تعمل تعمل زى نبضات تحت رجلك، و قاللى اعمل القصة دى 3 او 4 مرات ، و فعلا عملتها و الصوت اختفى ، بس لازم طبعا الواحد يعملها فى حتة فاضية و مايكونش فى عربيات وراه و يستحسن يربط الحزام كمان
بالنسبة لصوت التزييق ، فناس كتير قالولى ده عيب فى الوكتافيا و سببه الجلد اللى بين الباب و جسم العربية، وليس من المفصلات او اى شىء اخر و انا هاجرب حاجة كده لو نفعت هاقول للناس عليها
يا تري ايه اللي هتجربه؟ ممكن تشركني معاك في موضوع الباب ده عشان منرفزني أوي
[QUOTE=tot;3872378605]الحمد لله صوت صفارة الفرامل ضاع، و احب اعرف الناس برضه عشان تستفيد عشان انا سالت ميكانيكى شغال فى توكيل فولكس، قاللى اى تيل اصلى بعد مابنركبه ف التوكيل بينطلع بالعربية و نجرى بيها شويه و بعدين ندوس فرامل جامد جدا للاخر لحد ما ال abs يشتغل، قاللى هاتحس بيه اما تلاقى الدواسة الفرامل بدات تعمل تعمل زى نبضات تحت رجلك، و قاللى اعمل القصة دى 3 او 4 مرات ، و فعلا عملتها و الصوت اختفى ، بس لازم طبعا الواحد يعملها فى حتة فاضية و مايكونش فى عربيات وراه و يستحسن يربط الحزام كمان
بالنسبة لصوت التزييق ، فناس كتير قالولى ده عيب فى الوكتافيا و سببه الجلد اللى بين الباب و جسم العربية، وليس من المفصلات او اى شىء اخر و انا هاجرب حاجة كده لو نفعت هاقول للناس عليها
السلام عليكم و رحمة الله و بركاته
شوف يا سيدى بالنسبه لموضوع التزييق فهو بنسبه 75% من جلود الباب الخلفى شمال لانه عندى برضه و كنت شفت كذا شكوى من نفس العيب لنفس السبب فى الاسكودا اوكتافيا و اعتقد انه عيب صناعى و بيعالج بتغيير جلود الباب الخلفى .
اما موضوع تيل الفرامل فالتيل الاصلى اعتقد ان نسبة الكربون فيه عاليه و موضوع تشغيل الABS ده فتوى على ما اعتقد لأن اللى الميكانيكى بيعملوا انه بيطبع التيل على الطنابير و ABS ممكن يشتغل على اى شوية رمل على الطريق بسرعة مش عاليه بس خالى بالك ان العربيه ممكن تعوم منك شويه :satelite:
السلام عليكم ورحمة الله و بركاته
مفيش شك انك يا باشمهندس يوسف
نافع المنتدى كتير جداً بس
عيبك انك مش بتدخل فى اوقات محدده للتواصل مع الاعضاء
عن نفسى انا سألت حضرتك عن عطل التكييف فى a5 و لسه مصلحه النهارده
و لقيت ان ساعة التكييف ضاربه و مهربه الغاز من عندها فيريت تفيدنى فى
معرفة سعر ساعة التكييف و هل هو حساس التكييف ؟
و سعر شحن تكييف السياره بواسطة جهاز الشحن ؟
و اخيرا ً و ليس اخراً الف شكر على مساهماتك بوقتك و فكرك
بص والله انا بحاول على قد ما أقدر اتواصل مع الناس هنا . وانا بعذر الناس اللى بتبقى عندها مشاكل فى عربيتها وبتسأل وبتبقى متعشمة انى ارد بسرعة وبتأخر عليها . بس كل الناس وراها مسؤليات وانا مش هقول حاجة غير انى شغال 6 أيام فى الأسبوع مش 5 . علشان كدا فعلاً اليوم الفاضى دا بيبقى زحمة جداً . اتمنى محدش يزعل من تأخير الردود.
ساعة التكييف دى اللى هيا expansion valve المفروض دى بتبقى راكبة فى ماسورة التكييف . دى المسؤلى عن عدم تشغيل التكييف لو ضغط الفريون ضعيف
سعرها اظن فى حدود 100 جنيه والصنايعية بيقولوا عليها ساعة تكييف فعلاً