اى حد عندى استفسار عن skoda انا موجود !

**cheetos10** · 16-06-2011 06:33 PM

السلام عليكم

أنا معاية اوكتافيا a4 موديل 2000 وارد خارج وحصل معاية حاجة غريبة من يومين كده كنت رايح مشوار و ركنت العربية حوالى اربع ساعات ولما جيت ادورها كده مش دارت خالص حاولنا نرملها كده دارت لكن مافيش خمس دقايق و بطلت تانى و لما حولنا نرملها تانى مش دارت و شوفت حد علشان اوصل منه البطارية و فعلا بعدها دارت و بطلت تانى و عملت الموضوع ده تانى واشتغلت بس اعدت تعمل انظار ABS بس و الانظار يبطل شوية ويشتغل تانى وعلشان انا كونت بعيد اوى عن البيت مشيت عليها وانا بزودلها علشان خايف تبطل ولما رجعلت جبتلها تانى يوم بطارية جديدة واشتغلت بس ال rpm مش ثابت كده وشوية و تبطل لوحدها مش عارف ليه و السلام عليكم ورحمه الله

**Swift94** · 19-06-2011 03:17 PM

السلام عليكم
عايز اعرف سعر A5 2011 Automatic
و عايز اعرف اسعار قطع الغيار و الصيانة
و شكرا

**dadoamorty** · 22-06-2011 10:45 PM

المشاركة الأصلية كتبت بواسطة yts17

انا مهندس يوسف
انا شغال فى مركز خدمة معتمد ل skoda فى مصر ! اى حد عنده استفسار عن اى حاجة انا فى الخدمة ! مشاكل فنية- قطع غيار-صيانات-مصنعيات .انا تحت امر الكل !

[info]نشكر لك حرصك على إفادة الأعضاء....بارك الله فيك
تم التثبيت بمعرفتى
مشرف الأوروبى 1[/info]

السلام عليكم ازيك يا بشمهندس
ارجو المساعده فى كيفيه تغير اللغه فى الكمبيوتر الخاص بسكودا a4 موديل 2007
عايز احوله من اللغه الالمانى الى الانجليزية مع الشرح كيفيع عمل ذلك

**masa_da3000** · 23-06-2011 09:23 AM

لو سمحت ازاز الفانتازيا الخلفي اتكسر ومش عارف اغيره فين لو في حد بتاع ازاز ممكن يغيره ممكن تقولي عليه علما انها كومبي وشكرا مقدما

**felicia00** · 24-06-2011 11:48 PM

السلام عليكم

انا حابب استفيد بخبراتكم في الفيليشا 1997 اذا سمحتم
العربية بتفصل مني لو ماشي هادي او سريع و بنعمل حاجة من اتنين يا اما بنزق العربية و بتدور على طول او بستنى مدة ممكن توصل لنص ساعة و ادور تاني على ماتلقط
الحاجات اللي عملناها و غيرناها (الموبينا و الاسلاك و البوجيهات و نظفنا الرادياتير و تحت العمة و غيرنا فلتر البنزين)
انا بحط بنزين 92 و البطارية جديدة و مش مشكلة مارش عشان بتلقط اول ماتتزق و في اوقات بتشتغل زي الفل
انا وديتها لاكتر من ميكانيكي و كهربائي و كلهم اتفقوا ان مفيش مشكلة خالص و بيرموني على بعض!

اتمنى اني اكون وضحت المشكلة صح و شكرا مقدما لردودكم

**heshamm** · 25-06-2011 12:50 PM

انا الحمد لله ربنا كرمني وجبت عربيه اوكتافيا a4 2002 استيراد من اللي بيجو من بورسعيد بعد يومين ما جبتها بطتل وانا ماشي
دورتها لقيت لمبه التزحلق منورة روحت كشف كمبيوتر قالولي حساس كرنك المهم غيرته والتظبطت الحمد لله
وبعدين بقى غيرت سير دينامو وسير كاتينه وبوجيهات والزيت والفلتر حطيت اربع كيلو طبعا كان الزيت نازل وحش اوي بعد 800 كيلومتر نزلت الزيت لقيته ناقص حوالي كيلو ،
فواحد قالي دي بيتآخذ 4.5 بالفلتر
فغيرت الزيت بس حطيت 4 وسبت الفلتر لقيته برضه نازل وسخ بس افضل من المرة اللي فاتت وكنت ماشي ب 200 كيلو بس زكان ناقص برضه حوالي 0.5 كيلو
ياريت تقولي كل حاجة بخصوص الزيت ده
دي حاجة الحاجة التانية
وانا ماشي بلاقي عداد الحرارة يزيد عن 90 حاجة بسيطة ويرجع تاني سألت كذا واحد قالولي هو كده كويس
فانا عاوز اعرف هو فعلا كده ولا لأ
اول ما جبت العربية كنت راكنها في
الجراج 3 اسابيع فكنت وانا بسخنها ادوس بنزين الاقي طالع هباب اسود من الشكمان مع المياه
قالولي مع المشي هتتظبط الكلام ده صح

**heshamm** · 25-06-2011 12:54 PM

لو انا عاوز اجي توكيل عقل في اللي في طريق طنطا - المحله
اعمل كشف كامل على العربية ولو فيها حاجة نعملها بالمرة لأني تعبت من الميكانيكا كل واحد بكلمه
يكلفنى كام الموضوع ده