اى حد عندى استفسار عن skoda انا موجود !

**mohamedhfz** · 23-09-2010 10:48 AM

المشاركة الأصلية كتبت بواسطة dr_amr80

شكرا يا استاذ محمد على اهتمامك وردك بس انا كدا فعلا احترت جدا انا مش عارف اعمل ايه طيب انت ترشحلي ايه ولا استنى شويه وفعلا موضوع الفتيس المانيوال ده عاملي قلق لأن انا كان معايا اوبترا اتوماتيك ولسه بايعه علشان اغير
مش عارف ياريت لو تساعدني حضرتك والاخوه في المنتدى

انا رأيي ان مش ممكن حد يستغني عن الفتيس الاوتوماتيك دلوقتي في شوارع مصر
علشان كده انا شايف انك تكلم توكيل الباسات و تشوف الموديل الجديد هينزل امتي و بكام و علي الاساس ده تحدد اختياراتك

**FBIAhmed** · 24-09-2010 01:42 PM

يا جماعه انا جاتلي حاله نفسيه بسبب حرارة الفليشيا 97 على الطوالي مع الجري انا غيرت وش السلند بواحد اصلي كامل ب 2000 جنيه من التوكيل الي في دير الملاك و جوان و جوان مانفولد و ظابط تاكيهات و مغير رادياتير و طرمبة ميه و سربنتينة تكيف و مروحة تكيف اماميه و المروحه 6 ريشه بقميص حديد و الدينامو 70 امبير و مغير غطاء قربه مرتين بالاصلي و كنت خالع ترموستات الكوعة بتاعة الميه مجابش نتيجه بالعكس سخنت اكتر فرجعته مع العلم ان المياه جديده و لا تنقص الا نادرا و نضيفه مفيهاش زيت و لا الزيت فيه ميه الملحوظة الوحيده ان العادم بيطلع مش محروق كامل دخنه سودا ع الطوالي حد يقولي اعمل ايع مع العلم ان الميكانيكي بيظبط التاكيهات على 25 و مش عارف طريقه علميه اظبط بيها الاسبراتير و نبي حد يشوفلي حل

**mooz** · 25-09-2010 02:08 PM

السلام عليكم يا جماعة انا محتار جدا وحقيقي عاوز مساعدة ربنا يكرمكم انا هجيب عربية مستعملة فى حدود 50000 وعجبانى سكودا فابيا ورينو كليو وعاوز افاضل بينهم فى الصيانة وقطع الغيار والامان ارجو المساعدة ولكم كل التقدير

**waleed2011** · 26-09-2010 02:20 AM

السلام عليك يا باشمهندس

انا امامى سيارة سكودا فيليشيا كومبى موديل 97 سنتر وانذار وبدون تكييف عاملة 96000 كيلو والمطلوب 32750 جنيه فابريكة من الداخل ورشة من الخارج وردياتير جديد نحاس ومش عارف هل كده كويس بالنسبة للسعر وياترى السيارة كويسة ولا فيه حاجات تانية ممكن تبقى احسن فى رينج السعر داه وشكرا جزيلا على النصيحة

**uuuu** · 26-09-2010 03:50 PM

المشاركة الأصلية كتبت بواسطة waleed2011

السلام عليك يا باشمهندس

انا امامى سيارة سكودا فيليشيا كومبى موديل 97 سنتر وانذار وبدون تكييف عاملة 96000 كيلو والمطلوب 32750 جنيه فابريكة من الداخل ورشة من الخارج وردياتير جديد نحاس ومش عارف هل كده كويس بالنسبة للسعر وياترى السيارة كويسة ولا فيه حاجات تانية ممكن تبقى احسن فى رينج السعر داه وشكرا جزيلا على النصيحة

وبدون تكييف طبعا غالية جدا

**mooz** · 29-09-2010 08:31 PM

كنت محتاج اى اجابة من المهندس محمد ولكن للاسف الشديد لم اجد منكم اى اهتمام

**Astra200** · 01-10-2010 12:59 AM

المشاركة الأصلية كتبت بواسطة ah_boba_ly

لو سمحت كنت عاوز استشيركم ف مشكله فنيه.......انا معايا فانتازيا ٢٠١٠ المهم من كام يوم جيت امشي بيها لقيت فيها نتشه كدا لما بكون ع التاني وادوس بنزين بحس ان فيه تكه كدا او نتشه ف العربيه بحسها ف دواسه البنزين من الاخر بترفص فالموضوع دا مضايقني دا غير انه لما بكون ماشي ع الخامس مثلا واهدي بحس ان العربيه كل ما تنزل سرعه تهدي لوحدها تضرب فرمله صغيره كدا مش بتبطيء بهدوء يعني....ما العلم ان في ناس قالولي اني حطيت بنزين مش كويس ونا فعلا حطيت ٩٢ بس من بنزينه مش واثق فيها فهل هوا دا السبب ولا فيه سبب تاني؟؟وشكرااااااا

العربية بقاله اد ايه معاك ؟

لو حاوالي 30 ألف --- ممكن تنظف الثروتل --

وتغير فلتر البنزين

لو لسه جديده احتمال يكون النزين مخلط بسولار او ميه

موضوع 92 ما فيهوش مشكلة

**ahmedbadrahmed** · 02-10-2010 03:38 AM

من فضلك أنا معايا أوكتافيا a4 موديل 2004

و سير الدينامو عندي مشقق و لما وريته للميكانيكي قالي هي فورمته كدا و بينزل مشقق كدا .. فهل الكلام دا صح فعلا ؟ .. و ياريت تقولي أغير السيور كل كام كيلو

**ah_boba_ly** · 05-10-2010 12:17 AM

المشاركة الأصلية كتبت بواسطة Astra200

العربية بقاله اد ايه معاك ؟

لو حاوالي 30 ألف --- ممكن تنظف الثروتل --

وتغير فلتر البنزين

لو لسه جديده احتمال يكون النزين مخلط بسولار او ميه

موضوع 92 ما فيهوش مشكلة

يا باشا العربيه عامله 1500 كلو بس ...من كام يوم روحت بيها التوكيل قالي التكه دي طبيعيه وقالي كمان دي رجعه الكوبلن او ردته يعني طبعا انا بحس بالتكه دي لما ببقى ماشي ع التاني او ع التالت والار بي ام تحت الواحده وادوس بنزين اسمع التكله دي....طبعا انا مش مقتنع ان الصوت دا طبيعي ابدا...يريت لو حد معاه فانتازيا يا جماعه يقولي هوا طبيعي ولا لا؟؟ويريت بسرعه عشان الموضوع دا مضايقني