+10000000000000
عرض للطباعة
شكرا ليكم جميعا
أنا قلت برده مفيش حد هيفهمنى ايه اللى بيحصل غير الأخوة الأفاضل اللى فى نايل موتورز
باش مهندس سمير أنا فعلا المشكلة ديه بدأت تحصل معايا أما كنت بأمون من البنزينة اللى جنب قصر الثقافة و سبتها خالص و مبقيتش أمون غير من البنزينة اللى فى طرق الكوكولا و هأبقى أحول على بنزينة اللى فى شارع شبين اللى نصحتنى بيها
طيب أنا لو حولت من بنزين 90 الى 92 هيبقى مفيش مشاكل
أصل أنا كنت عايزة أحول ل92 و ناس نصحونى و قالولى ان تغيير البنزين على العربية مش كويس أنا دايما بأملى التانك و بأمون العربية و لسة فيها 9 لتر تقريبا هيبقى فيه مشكلة لو مونت ببنزين 92 على بنزين 90
بالنسبة لموضوع الكهربا العالية أشوفها عند كهربائى و لا ايه بالظبط
بصراحة أنا ماروحتش التوكيل خالص كنت عايزة أروح فى الألف كيلو و حصلت ظروف مرضية لأمى فمنعتنى انى أروح و سمعت كلام مش كويس على توكيل الماروتى و عموما الماروتى عربية سهلة و ممكن لو ميكانيكى كويس يتولى أمرها و هى الحمد لله لغاية دلوقتى أصيلة معايا
و شكرا ليكم يا جماعة على ردودكم و زوفكم
جزاكم الله خيرا
لا ابعدي عن بنزينة التعاون بتاعت طريق الكوكاكولا ديه خالص
الكهرباء يشوفها ميكانيكي
تغير البنزين او تزويد 92 على 90 مش هايسبب اي مشكلة خالص
عموما التغيير لبنزين بأوكتان أعلى كويس جدا بس التغيير لأقل هو المضر جداااااااااا....ولازم حضرتك تقدمى الكهربه
جزاك الله خيرا على سرعة الرد
و انشاء الله هأبقى أتعامل معى البنزينة اللى نصحتونى بيها
و هو كان شافها بالفعل ميكانيكى و قاللى المكنة زى الفل و جديدة و متخليش حد يلعبلك فيها و الموضوع كله وساخة بنزين
ألف شكر على سرعة الرد مرة تانية
و جزاكم الله خيرا جميعا على جميع نصائحكم المفيدة
بالعكس ....دا الحريق حيتحسن أكتر ....لأن نسبة الأوكتان فى ال92 أكبر من ال90 وبالتالى الجوده الحراريه الناتجه عن أشتعال البنزين حتزيد بلاشكاقتباس:
طيب أنا لو حولت من بنزين 90 الى 92 هيبقى مفيش مشاكل
كلام غير مظبوط علميااقتباس:
أصل أنا كنت عايزة أحول ل92 و ناس نصحونى و قالولى ان تغيير البنزين على العربية مش كويس
يعنى حاولى حضرتك تمونى لما التنك يوصل نصفه أفضلاقتباس:
أنا دايما بأملى التانك و بأمون العربية و لسة فيها 9 لتر تقريبا
علشان الطلمبه ماتسحبش رواسب بنزين من الموجوده فى التنك ومترسبه
أكيد عملية التعود على التفويل لما مستوى البنزين بيصل الى 9 لتر ....
هى السبب فى اللى بيحصل فى العربيه .....ويجب تغيير فلتر البنزين فعلا ....لأنه أكيد لامم رواسب برضه .....وده يقلل سحب العربيه وتسارعها .......................
على فكره أنا بأتوقع أن ظاهرة التوقف الفجائى أو الخلل المذكور بالموضوع .....حتلاقيها كانت متوائمه مع قبل التموين مباشرة
لأن ممكن تكون الطلمبه بتسحب بنزين ملوث ....دا غير أن فلتر البنزين حتلاقيه مسدود جزئيا ............لا توجد مشكله نهائيا .....بالعكس ده أتجاه نحو الأفضل وعن تجربه شخصيهاقتباس:
هيبقى فيه مشكلة لو مونت ببنزين 92 على بنزين 90
ممكن تؤجلى النقطه دى شويه لحين مراقبة الحاله مع وضع التحول لبنزين 92 مع نظافة أو تغيير الفلتر ( التغيير للفلتر أفضل بلاشك )اقتباس:
بالنسبة لموضوع الكهربا العالية أشوفها عند كهربائى و لا ايه بالظبط
ألف سلامه للست الوالده ....مع توجهنا الى الله بالدعاء.... ....بأن يعطيها الصحه والعافيه والعمر المديد ............اقتباس:
بصراحة أنا ماروحتش التوكيل خالص كنت عايزة أروح فى الألف كيلو و حصلت ظروف مرضية لأمى فمنعتنى انى أروح
عارف..... أنا من الغربيه ....ولكنى مقيم بالأسماعيليه نظرا لظروف عملى
ودايما بأفول التنك من بنزينة شيل اللى فى شبين لما أكون مسافر لزيارة الأهل ....على أساس ما أحتاجش لبنزين فى الطريق
وماشى على كده من زمان .....والصراحه بنزينه محترمه وعليها رقابه جيده
وجزئية الأمانه متاحه هناك فعلا
جزاك الله خيرا باش مهندس سمير على كل المعلومات ديه
ربنا يجعلها فى ميزان حسناتك
و سؤال تانى لو تسمح
أنا كنت مستنية أغير فلتر الزيت و أنا بأغير الزيت أما أكمل 4 آلاف كيلو
حضرتك تنصحنى انى أغيره دلوقتى و ماستناش أما أغير الزيت
و شكرا ليكم جميعا على ردوردكم و زوقكم
الله يخليكى يافندم ....دا أنا اللى بأشكرك على خدماتك الجليله والنصائح والأرشادات للأعضاء بالمنتدى الأجتماعىاقتباس:
جزاك الله خيرا باش مهندس سمير على كل المعلومات ديه
ربنا يجعلها فى ميزان حسناتك
وياريت كل الأطباء زى سعاتك .....شوفى حضرتكاقتباس:
أنا كنت مستنية أغير فلتر الزيت و أنا بأغير الزيت أما أكمل 4 آلاف كيلو
حضرتك تنصحنى انى أغيره دلوقتى و ماستناش أما أغير الزيت
نظام الزيت وغياره يمشى عادى فى خط سيره الطبيعى اللى أنت متعوده عليه
أما موضوع التحول من بنزين 90 الى 92 فملوش دخل بالجزئيه بتاعة الزيت دى نهائيا .....مع التأكيد مره تانيه على أفضلية تغيير فلتر البنزين لبدأ خطة عمل جديده مع البنزين ال92
لأن دى دايره مخصصه لهدف معين ....ودى دايره تانيه برضه لهدف معين ومفيش علاقه بين الدايرتين هندسيا