الموضوع: أرجو الافادة من خبراء الورشة

السلام عليكم و رحمة الله و بركاته

خبراء ورشة نايل موتورز الكرام أرجو الافادة فى أمر ما

أنا معايا ماروتى 2009 بقالها معايا تقريبا 9 شهور من ساعة ما جبتها مبسوطة بيها و الحمد لله بس فيه مشكلة غريبة نوعا ما عايزة أعرف سببها ايه

أنا عملت دلوقتى حوالى 4 آلاف كيلو و مشاويرى مش كتير ، قبل ما أكمل بيها الألف كيلو واجهتنى مشكلة انى نزلت مرة عشان أدور العربية ماكنتش بتدور معايا و اكتشفت بعدين ان الموضوع كان وساخة بنزين و أما اديت العربية كذا امبليه شداد اشتغلت كويس

بعد الموضوع ده بفترة لقيت الأمر ده بيحصل ايه و اللى بيحصل بالظبط

انى آجى أفصل العربية ألاقى رجرجة تقعد فترة بعد ما أفصلها و لو حبيت أدورها بعد كدة مادورش الا لو ثبت رجلى على دواسة البنزين فقالولى ان الموضوع وساخة بنزين
و مش طبعا أنا اللى افتيت فيها رحت لميكانيكى أمين و قالى المكنة بتاعة العربية زى الفل و كل حاجة فيها تمام و ماتخليش حد يلعبلك فيها و ممكن يكون اللى بيحصل ده وساخة بنزين

طيب أنا بأحط بنزين 90
الموقف ده بيتكرر معايا بشكل متقطع يعنى كل فترة ألافى الأمر ده حصل

يا ترى ده سببه ايه بالظبط ، وساخة بنزين معى انى ثبت البنزينة اللى بأمون منها و حسيت ان العربية مش بتعمل الأمر ده معاها بس لسة الموضوع بيحصل برده ، آه بيحصل كل فترات مُتباعدة بس عايزة أعرف ايه سببه

و شكرا مقدما

المشاركة الأصلية كتبت بواسطة samirayad

- لا والله ....دا شغاله معايا .....تمام ....ومبمونش غير منها

عارف بس حضرتك لو بتقارن بالبنزين في القاهرة هاتعرف الفرق
عادتا لما بسافر الاسماعيلية بكون حريص اني امون بالكامل من القاهرة علشان متحوجش لاي بنزينة هناك شل بيكون اقل معدل من التصقيف موبيل بيكون التصقيف اخف صوت مع اصوات مزيكة تانية طالعة من كل حتة غير التنتيش طبعا و محكيلكش على السحب الي بيتحول و عموما ربنا يهديهم و يفضلوا محافظين على مستواهم