رأيكوا يهمنى فى اختيار الجنط ..

**shekoz** · 05-08-2009 03:59 AM

انا كنت عند أشرفكو انهرضا بتفرج على جنوط لعربيتى البولو و دا بعد ما غلب حمارى فى موضوع الجنوط السودا ( http://nilemotors.net/Nile/84478-a.html ) .. لقيت عنده جنط 14 تايلاندى و عامل 1350جنيه عايز اخد رايكوا فيه بصراحه شكله جامد ولا عادى ولا وحش و سعره كده غالى ولا كويس ..

صوره الجنط :

**BLACKVERNA** · 05-08-2009 04:41 PM

هو سعره معقول

بالنسبة لشكله انا شايف انه حلو ما شاء الله

انا عارف انك كويس فى الفوتوشوب

حاول تركبه على صورة عربيتك شكله هيبان اكتر

و ربنا يوفقك

**M.Mostafa80** · 05-08-2009 05:02 PM

هو ماشاء الله حلو وهيبقى شكلو حلو على البولو أنا اللى عندى قريبين شويه منو بس أهم حاجه الرنجات وألا هتقع فى دوامه الغربله اللى ملهاش أخر

**shekoz** · 05-08-2009 05:05 PM

المشاركة الأصلية كتبت بواسطة blackverna

هو سعره معقول

بالنسبة لشكله انا شايف انه حلو ما شاء الله

انا عارف انك كويس فى الفوتوشوب

حاول تركبه على صورة عربيتك شكله هيبان اكتر

و ربنا يوفقك

ربنا يخليك يا باشا .. انا شفته عالطبيعه على العربيه من غير فوتوشوب ولا حاجه و كان شكله كويس بس مش جامد اوى زى اللى كان فى دماغى اجيبه و دا خلانى متردد..
انا المفروض انزل دلوقتى عشان اروح اخلص فيه .. بس انا قررت انى هنزل انهرضا تانى اتفرج فكذا حته تانيه يمكن ربنا يكرم و الاقى حاجه احسن و يمكن ربنا يسهلها و الاقى مقاس الكاوتش اللى مطلع عينى دا كمان (14/185/55) اللى مكتوب فى الكتالوج ..
كل اما اروح لحد ملقيش عنده و الاقيه يقولى ركب اللى على 60 .. و ال 55 اى خبطه فيه هتاثر على الجنط .. حتى فى دى خلونى احترت و الله .. مش عارف كلامهم صح ولا غلط..
المهم مش عايز اوجع دماغك بقى يا باشا و الف شكر على ردك :)

**shekoz** · 05-08-2009 05:21 PM

المشاركة الأصلية كتبت بواسطة m.mostafa80

هو ماشاء الله حلو وهيبقى شكلو حلو على البولو أنا اللى عندى قريبين شويه منو بس أهم حاجه الرنجات وألا هتقع فى دوامه الغربله اللى ملهاش أخر

و الله انا متردد مش عارف اخلص فيه ولا الف تانى ..
هو ايه الغربله دى !؟ و ايه وظيفه الرنجات دى و الرنجات دى حاجه غير الفلانشات !؟ .. معلش معنديش خبره اوى فى المواضيع دى

**M.Mostafa80** · 05-08-2009 05:22 PM

كلامهم سليم والخمسه الفرق مش هيأثرو أسامه زميلنا حاطيط 195على 15 على 50 بالرغم من أن فى الكتالوج على 45 وربنا يوفقك ويفك لك حيرتك

**Terrible_DaRsH** · 05-08-2009 05:22 PM

صور لنا كل الجنوط بقي ..

**M.Mostafa80** · 05-08-2009 05:26 PM

هى ممكن يكون ليها مسمى تانى عندهم بس اللى أعرفه أنها رينجات ووظيفتها بتظبط فتحه الجنط على السره بتاعت العربيه وبتقفل الفراغ بينها وبين الجنط غير أنها بتظبط وضع المسامير وبتالى تمنع أهتزاز العجل فى السرعات ودا عدم وجوده بيخليك تحس برعشه فى الدركسيون زى لما تكون العجله محتاجه ترصص كدا بالظبط وربنا يوفقك

**shekoz** · 05-08-2009 05:55 PM

المشاركة الأصلية كتبت بواسطة m.mostafa80

كلامهم سليم والخمسه الفرق مش هيأثرو أسامه زميلنا حاطيط 195على 15 على 50 بالرغم من أن فى الكتالوج على 45 وربنا يوفقك ويفك لك حيرتك

بس فيه ملاحظه .. كان فيه موقع كدا بيحسب مقاس الكاوتش المناسب للعربيه (TYRESAVE: Tyre Size Calculator)
لو حسبت التغير لو انا ركبت على 60 هيطلع 3.58 % و كدا يكون مش مناسب لان الموقع كاتب (We recommend ±2.5% is the MAXIMUM difference in diameters) يعنى كدا هو عدا المقاس المسموح بيه انما لو حسبت التغير لما اركب على 55 هيطلع 0.18 % يعنى هيبقى مناسب جدا .. حتى فى الشكل .... و الله اعلم

المشاركة الأصلية كتبت بواسطة m.mostafa80

هى ممكن يكون ليها مسمى تانى عندهم بس اللى أعرفه أنها رينجات ووظيفتها بتظبط فتحه الجنط على السره بتاعت العربيه وبتقفل الفراغ بينها وبين الجنط غير أنها بتظبط وضع المسامير وبتالى تمنع أهتزاز العجل فى السرعات ودا عدم وجوده بيخليك تحس برعشه فى الدركسيون زى لما تكون العجله محتاجه ترصص كدا بالظبط وربنا يوفقك

يبقى الرينجات هى هى الفلانشات زى ما بيقولوا على ما اعتقد

المشاركة الأصلية كتبت بواسطة Terrible_DaRsH

صور لنا كل الجنوط بقي ..

و الله هو دا اللى كان شكله معقول شويه بالنسبه للتشكيله اللى موجوده .. لو نزلت انهرضا و عجبنى حاجه هبقى اصورهالك انشاء الله..
بس فيه جنط شوفته امبارح عند الرومانى و قاللى انه ايطالى
ودى صورته :

**Terrible_DaRsH** · 05-08-2009 05:59 PM

ده جامد جدا ده تصدق .

بصراحة شكله احلى من الاول .

مشاهدة نتائج الإستطلاع: أيه رأيك فى الجنط بصراحه ؟

الموضوع: رأيكوا يهمنى فى اختيار الجنط ..

LinkBack

أدوات الموضوع

عرض

رأيكوا يهمنى فى اختيار الجنط .. - انشر الموضوع فى :

-

-

-

-

-

-

-

المواضيع المتشابهه

محتاج رأيكوا فى الجنط ده ياريت كله يرد

مناقشة..السول الجنط 16 أسرع من الجنط ال18..السيراتو معانا بردو

مطلوب الجنط 17 الفراني او الكوب للبدل مع الجنط 17 الفضي (5جنوط)

عايز مساعدة فى اختيار شكل الجنط ارجو المشاركة

أرجو المساعدة في اختيار الجنط للعربية دي

الكلمات الدلالية لهذا الموضوع

المفضلات

المفضلات

ضوابط المشاركة