مشكلة في الدبرياج الخاص بهيونداي جيتز 1.6

**mahmoud_yhia** · 05-08-2009 05:01 PM

السلام عليكم
انا نفسي اعرف حل لمشكلة الدبرياج بتاع عربيتي ايه ؟ لإنه هيجنني انا بعد السواقة في الزحمة كتير و الدووس طبعا في الزحمة بيبقى كتير على الدبرياج بسمع صوت سوستة من تحت العربية و بحس بيها في رجلي و من فترة لفترة بروح للميكانيكي بيزيتلي الفورش و بعد كدة اللاقي الصوت و الاحساس اللي في رجلي بيروحو و لما سالت واحد من الميكانيكية اللي غي غبور ضحك عليا و قالي بنبعت رسايل لهيونداي بخصوص المشكلة ديه و مفيش رد و حاجة كمان احب اعرفها و هيه مكتوبة في جدول الصيانة الكشف على زيت الفتيس و الدفرنس, اتمنى اكون ماطولتش و في نفس الوقت اكون اتفهمت, و شكرا.

**akram2009** · 13-09-2009 04:42 AM

السلا عليكم انا عندى نفس المشكلة وعايز حد يجاوبن امتلك هيونداى جيتز 2009 عاملة 1000 كم لسة

**akram2009** · 13-09-2009 04:43 AM

المشاركة الأصلية كتبت بواسطة mahmoud_yhia

السلام عليكم
انا نفسي اعرف حل لمشكلة الدبرياج بتاع عربيتي ايه ؟ لإنه هيجنني انا بعد السواقة في الزحمة كتير و الدووس طبعا في الزحمة بيبقى كتير على الدبرياج بسمع صوت سوستة من تحت العربية و بحس بيها في رجلي و من فترة لفترة بروح للميكانيكي بيزيتلي الفورش و بعد كدة اللاقي الصوت و الاحساس اللي في رجلي بيروحو و لما سالت واحد من الميكانيكية اللي غي غبور ضحك عليا و قالي بنبعت رسايل لهيونداي بخصوص المشكلة ديه و مفيش رد و حاجة كمان احب اعرفها و هيه مكتوبة في جدول الصيانة الكشف على زيت الفتيس و الدفرنس, اتمنى اكون ماطولتش و في نفس الوقت اكون اتفهمت, و شكرا.

**pro_samir** · 16-09-2009 05:18 PM

هوا عموما انا مش عارف انت بتتكلم عن اية بالظبط بس الأجزاء المتحركة باستمرار يفضل تتشحم مش تتزيت لأن الزيت مبيقعدش مدة كبيرة بعكس الشحم

**tata_soft** · 17-12-2009 12:07 AM

انا عندى جيتز 2006 مانيوال عملة km75.000
بدات المشلة زى ما بتقول بعد كدة زادت وغيرت الديسك والأسطوانة لما الدبرياج جمد
اتظبطت لمدة 4 شهور وبعد كدة رجعت ريما لعادتها القديمة

**mavrck75** · 19-12-2009 02:06 AM

با جماعة ده عيب تصميم فى معظم سيارات هيونداى المانيوال و منها الالنترا كمان
بمعنى ان مكان الفرش المفروض يكون فيه شحم حراراى بس المشكلة انى الكاوتشة اللى راكبة على مكان الفرش مش محكمة و بدخل تراب على الشحم فيعمل rust و يتقل معاك الدبرياج
طيب ايه الحل؟
اوعى ميكانيكى ولا حتى التوكيل يشتغلك و يقولك غير اسطوانة او ديسك او بلية
انت يا زعيم تجيب علبة شحم حراراى و تشحم الفرش و تخلى الصنايعى يشدلك أفيز على الكاوتش مع الفرش فميدخلش تراب على الشحم.
و عموما لابد ان هيونداى حاتراجع نفسها و تعدل التصميم ده بعد كدة بس ممكن يكونوا مستنيين الموديلات الجديدة (فعلا تصميم غبى) ده تصميم الفرش فى الدايو أحسن من الالنترا.
لو محتاج مساعدة كلمنى 0123998061