يا لانسراوبه ادخلوا ضرورى

**KSA2011** · 06-08-2009 10:15 PM

معلش يا دكتور احمد
هى العربيه طلعت راشه حته صغيره فى السقف صاحبها قريبى قالى انه كان شاريها و بعدين شك فى حته فى السقف وحس انه فيها حاجه ولما عملها كذا فرز لقاها راشه حته فى السقف وقالى انه ماحدش هياخد باله منها حتى السمكرى الى كان معايا ماخدش باله منها واتكلمت معاه فى النقطه دى وقالى اطمن
هو كان ممكن يخبى بس هو قالى على كل الى فيها
وقالى كمان انه مش عارف موسع التوكيهات او حاجه زى كده فى المكنه عشان الحر
ولطقت منه كلمه مغيرلها عفشه او العفشه كويسه
انت ايه رايك ف الكلام ده ؟

**KSA2011** · 08-08-2009 02:36 PM

انتم فين

**LanCeLoT** · 12-08-2009 08:52 AM

عشان مافتحش موضوع جديد
قدامي لانسر 2006 glx1600 اوتوماتيك من غير جنوط ولا فتحة سقف فيها شوية خدوش في الاكصدام الوراني والشنطة ووش فانوس خلفي مكسور
ورخصة سنتين قدام .. وصاحبها عايز يبيعها بتوكيل مقفول او تسجيل
مطلوب فيها 79
ايه رأيكم في السعر ؟
وبعدين توكيل ميتسوبيشي اللي ممكن اكشف فيه انهي واحد؟ وهل بالحجز (لو في رقم تلفون اكون شاكر )؟ وتكلفة الكشف الشامل ادايه ؟
وهل هوا مثلا بيديني نسبة لكفاءة الموتور ؟
وهل الافضل اني اغير سير الكاتينة من الاول كده اضمن ؟ وسعره كام اصلي ؟
وهوا سعر الفانوس الخلفي كام؟
وشكرا

**محمد أنور** · 13-08-2009 04:31 AM

على فكرة 75000 غالية جدا
انا بتاعتي 1600 مانيوال مصري 2007 جابتلي 70 الف

**dr-mohamed** · 13-08-2009 04:53 AM

بس نصيحة اخوية بلاش ال1300

**أبو إياد** · 13-08-2009 09:47 AM

1300 مانيوال ممتازه
1300 اوتوماتيك سيئه جدا
1600مانيوال الوحيده اللى مجربتهاش
1600 بجميع موديلاتها تحفه ومالهاش حل
بالنسبه لموديل 2006 glx كتير اوى 79000ج هو الطبيعى ليها مايزيدش عن 74000ج

والكشف فى التوكيل مش محتاج حجز والرواس فى شارع النيل - الكيت كات سعر الكشف 250ج وشامل الكشف على جميع اجزاء السياره وحاله العفشه وكفاءه الموتور

وسير الكاتينه الافضل انك تغيره طبعا للاطمئنان

وسعر الفانوس الخلفى ( ديبو تايوانى 190 ج ) وكان 175 ج الاول والاصلى مش متاكد من سعره بس بالنسبالى مش فارق
بس نصيحه قبل التركيب اتاكد من الفرق بين الفيشه الاصليه للفانوس الجديد والقديم ولو فى فرق بلاش تركبه لانه بيعمل مشاكل فى الكنترول يونت لو العربيه اوتوماتيك (معلومه جديده جدا )

**أبو إياد** · 13-08-2009 10:59 PM

مساء الخير انا قريت كلامك وربنا يجعلها من نصيبك بس السعر عالى قوى انا معايا عربيتين لانسر واحده 2007 1300 cc لونها نبيتى جنوط اسبور 15 وعدة صوت العربيه عامله 100000 الف كيلوا طالب فيها 70000 الف مع العلم انها فبريكه والتانيه موديل 2008 1300cc لونها ابيض مانويل خليجى فبريكه بالكامل عمله 19000 الف كيلو مرفوعه بقالها سنه انا طالب فيه 78000 الف لوتحب تتفرج عليها ادخل على مركز الدوليه لصيانه السيارات وكلم استاذ محمد صاحب المركز وهوا هيفيدك فيها

**KSA2011** · 14-08-2009 12:17 AM

المشاركة الأصلية كتبت بواسطة mohamedezat

مساء الخير انا قريت كلامك وربنا يجعلها من نصيبك بس السعر عالى قوى انا معايا عربيتين لانسر واحده 2007 1300 cc لونها نبيتى جنوط اسبور 15 وعدة صوت العربيه عامله 100000 الف كيلوا طالب فيها 70000 الف مع العلم انها فبريكه والتانيه موديل 2008 1300cc لونها ابيض مانويل خليجى فبريكه بالكامل عمله 19000 الف كيلو مرفوعه بقالها سنه انا طالب فيه 78000 الف لوتحب تتفرج عليها ادخل على مركز الدوليه لصيانه السيارات وكلم استاذ محمد صاحب المركز وهوا هيفيدك فيها

انا اشتريت لانسر 2007 1300 سى سى زى بتاعه حضرتك ونفس اللون يا باشا خليجى ونبيتى ب 74 وصاحبها ماكنش عايز ينزل مليم عن ال75 بس كل يوم بكتشف انه العربيه دى كان فيها حاجه بس ايه مش عارف
النهارده اكتشتفت انه ازازها الادامانى كان متغير مع العلم انه كذا واحد شافها ومفيش فيها اى حاجه وفابريقه جوه وبره بس واضح انه وقع عليها حاجه طوبه او حاجه كسرت الازاز و خبطت السقف
انا كنت عايز اسال حضرتك على حاجه
هى كان راكبلها جنوط 14 صينى ووانا بعملها ترصيص وضبط زوايا قالولى فيه جنط معووج منه حته وحاول تغيرهم كلهم
النهارده جبت الجنوط الحديد الاصليين لعربيه 2009 جداد لانج وجبت طاسات و ركبتهم بدل الجنوط الصينى ؟
هل الحديد دى احسن من الجنوط الالومنيم الصينى ولا الجنوط دى كانت احسن ؟