حمد لله على سلامتك يا رنا
قدر الله و ما شاء فعل
و ماتزعليش نفسك كله بأمر الله أهم حاجة انك بخير
عرض للطباعة
حمد لله على سلامتك يا رنا
قدر الله و ما شاء فعل
و ماتزعليش نفسك كله بأمر الله أهم حاجة انك بخير
يا ستي انتي تفرحي انك عملتي حادثة في شارع عين شمس والموضوع موضوع كاوتش وجنط
متعصبيش نفسك خالص
انا شارع عين شمس ده ليا فيه واحد صاحبي اوي
بقيت اوصله عند المزلقان والف عشان بقوله معلش آخر الخط يا حضرات !!!! وكان ساعتها معايا ال 128 !!!
فالحمد لله على كده
ويا ستي الحمد لله يا ما حتاخدي خبطات والحمد لله على السلامة
نصيحة ليكي دوري على الجنط بره لانك ممكن تلاقيه رخصيص اوي
يعني انا قصدي ان ساعات نفس الماركة بتنزل نفس مقاس الجنط في انواع كثير
يعني ممكن مثلا يطلع نفس جنط الفيرنا او الالنترا قصدي انك حتلاقيه متوفر في شارع دمشق بس اتاكدي هو مشترك معاهم ولا لأ
وتمشي نفسك اليومين دول بالاستبن خصوصا انه لسه بشوكه
الكاوتش الكومهو حلو فعلا خليكي في الكوري بلاش الفيتنامي ولا الصيني لان الانسان ماشي على اربع فرد هوا زي الناس البسيطة ما بتقول
وقولي اللهم اجرني في مصيبتي
مع خالص اسفي وتحياتي
مش مهم العربية الحمد لله إنك بخير واللى ييجى فى الريش بقشيش ودى بقى العين
قدر الله وما شاء فعل
وان شاء الله متبقاش اكتر من الكاوتش والجنط وحمد الله على السلامه
ياااااه و انتى لحقتى تفرحي بيها .
قدر الله و ما شاء فعل , و احمدى ربنا انها مجتش فيكى و اخدت العين بدرى :)
هو شكل شارع عين شمس دة منحوس
لأنى بردك عربيتى أتحكت أمبارح بردك هناك
خلى بالك من زحمة المزلقان اللعين دة علشان هاتشوفى حرب مش سواقة والى عايز يعدى منه فى الزحمة لازم يكون معاه حد ينزل يعديه لأن الناس مش بيبقا عندها اى شىء من التفاهم
انا ليا أصدقاء كتير فى عين شمس ولما بروح لحد فيهم بحاول انى أتأخر لبعد 12 بليل علشان مواجهش الزحمة دة
وخلى بالك وبلاش نرفزة أقفلى زجاج العربية وشغلى التكييف وموسيقى هادية وأمشى براحتك علشان انتى فى فترة تلييين ياعنى مافيش الأمريكانى والكلام دة
قدر الله وماشاء فعل
اهم حاجه ان حضرتك تكوني بخير
والعربيه تتعوض
الف حمدلله ع السلامه
سلامتك بمليون عربيه وحمدلله على سلامتك ... شوفى الكاوتش نفس نوع بقيه كاوتش عربيتك مهم قوى ونفس المقاس والجنط جديد واوعى المستعمل مهم قوى وخدى من الوكاله عندكم فى مصر لآن بصراحه السوق فيه غش كثير واللعب بالاسعار هو بسبب جودة بضائع فى النهايه مصلحتك فى قطع غيار مش مغشوشه او مقلدة او جودة اقل مستورد من الصين ومكتوب عليه كورى وامريكى ويابانى وزى ما المستورد عايز وما ينوبك الا فلوس مصنعيات فى فك وتركيب وعطله بسبب قطع الغيار الرخيصه .. احسيبيها صح وخدى حاجتك من الوكاله اصليه ووفرى فلوسك وجهودك والف سلامه
الف حمد لله على سلامتك انتى بعد كده كله يغور فى داهيه
معلش احمدى ربنا
معلش يا رنا الحمد لله انها جات على اد كدة وقدر الله وماشاء فعل
احمدي ربنا انه مخبطش فيكي ودخلتي في دوامة سمكرة ودوكو
مش انتي بتقولي عليا خوافة في السوقة خليكي خوافة زيي تسلمي ان شاء الله
انا خوفي بيخليني حت وانا عارفه ان الاولوية ليا اصبر لما اشوف في حد ناوي يتغابى ولا لأ
ويارب تكون اول واخر حادثة وربنا يعوض عليكي بكل خير يا حبيتبتي