اقتباس:
المشاركة الأصلية كتبت بواسطة ramyso4
بلاش فريش ده نموذج للمنتج المصري الرديء الفارضين علينا جمارك عشان يحموه ....ياخي انشالله ما حموه ولا نيلا ..... أنا بكتبلك ردي من أوضتي الساعة ٢ بليل عامل التكييف المايتسمه على 18 و-fan medium وحران تكييف سيء سيء سيء نصيحة كارير أو الأحسن كمان ومحدش جاب سيرتو توشيبا
اقتباس:
المشاركة الأصلية كتبت بواسطة dr ahmed abdelghany
على فكرة كمبرسور فريش ماركة توشيبا
أنا حيران جدا بين الآراء
فيه موضوع تانى بيمدحوا فيه فى فريش ومكوناته
توشيبا هو شارب وقوته فى توكيله غير كده ممكن يكون عادى وللا إيه؟
أنا عندى فى العيادة التانية شارب حصان ونص وباظ بعد عدة شهور من استخدام 6 ساعات فى الأسبوع! والتوكيل صلحوه معرفش وللا غيرو الكمبرسور المهم انه اتصلح ، يعنى كل الماركات لازم ييجى وقت وواحد فينا يقابل منها مشكلة
عرّفنى بقى لو تكرمت التكييف اللى عندك مواصفاته إيه بالضبط
اقتباس:
المشاركة الأصلية كتبت بواسطة dr ahmed abdelghany
ألف شكر لحضرتك
هى هتبقى فايدة للأعضاء
أنا اشتريت من زمان وجبت شارب للمرة التالتة
اقتباس:
المشاركة الأصلية كتبت بواسطة msobhy
حكايتى مع اليونيون اير
كان ياما كان اتجننت فى عقلى وقلت اوفر واشترى تكييفات يونيون اير
أولا كنت هاشترى تكييفين اسبليت الاول واحد ونص حصان والتانى 2.25 حصان
المهم واحد ابن حلال (الله يستره) قال لى بلاش اليونيون اير - انا بصراحة كبرت دماغى
المهم نفس ابن الحلال اصر (وطبعا انتوا عارفين ان الاصرار عزيمة) انى اجرب واشترى واحد وبعد كده اشوف
بصراحة انا كنت معترض تماما على الفكرة ديه لأنى كنت عايز بهدله مره واحده واكراميات مره واحدة وناس غريبة تدخل بيتى مره واحده
المهم اقتنعت بكلامه وجبت الحصان ونصف فقط وشغلته
الغرفه مساحتها تقريبا 13 متر
كنا بنجرب بالليل والجو فعلا كان حر مووووووووووووووووووووت - بسم الله ماشاء الله ثلاجة بجد
المهم شغلته ساعتها تقريبا ساعة ونصف وفجأه مياه نازلة من التكييف :ma:
طبعا انا مفكرتش وكلمت البهوات اللى ركبوه على طول - اعتذروا انهم بعدوا عن المنطقة بتاعتى وهايعدوا علية بكره
وفعلا البهوات نسيوا انهم يثبتوا خرطوم الفايظ بشكل جيد (جل من لا يسهوا يا سيدى) وعملوه وفعلا الغرفة بدأت تانى تعرف معنى كلمة الحرارة المنخفضة
بعدها بيومين بدء اللعب اللى بجد - الجو كان حر جدا والتكييف كل اللى بيعمله انه بيستهلك كهرباء وبس ومفيش تبريد - كلمت خدمة العملاء - فعلا بيردوا عليه بمنتهى الاحترام والادب وهو ده بس اللى بطوله منهم - حاضر يا افندم هانبعت لحضرتك مندوبنا حالا
ملحوظة هامه كل مكالمة لخدمة عملاء يونيون اير = يوم اجازة من الشغل عندى :ma:
طبعا الباشا جه وشرف وقال باللفظ التكييف شغال بكامل طاقته لكن الغرفة كبيرة عليه (نعم يا روح خالتك - ده طبعا فى سرى) ولازم يتغيير
قلت له وبعدين - قال اللى عمل المعاينة لحضرتك هو اللى غلطان وده هايتغير على حساب الشركة وانت معندكش أى مشكلة
بعدها بحوالى 4 أو 5 أيام الشاب الوسيم اللى جه عندى فى البيت اختفى وظهر كبير مهندسى يونيون اير - الشخص ده فعلا حصل على لقب أقذر بنى أدم قبلته بيقدم خدمة عملاء - الباش بيتكلم على اساس ان كل اللى حواليه ناس متخلفة - بيزعق للمساعد بتاعه فى بيتى - كل لما اساله على حاجة يقعد تقريبا أزيد من 30 ثانية عقبال لما يبدأ يرد - ويرد بقمة القرف اللى فى - وفى النهاية قال لى ان الكمبروسور فيه مش عارف ايه بايظ وناقص شحن وهانظبطه - قلت له حضرتكم كنتم بتقولوا ان ضمانكم ضمان تغيير مش اصلاح - قال لى زى ما حضرتك تحب لكن ديه حاجة بسيطة
ملحوظة هامه اكتشفت فيما بعد ان اى جهاز بيجى لحضرتك بنسبة 90% هو جهاز جديد - اى جزء بيتغير لحضرتك على اساس انك لسه فى الضمان بيكون مفكوك من عميل تانى غير حضرتك وتم اصلاحه واعادة تركيبة عندك على اساس انه جديد :ma:
نرجع للباشا المقرف طبعا مشى من بيتى وانا دمى محروق - المهم انا قاعدت افتكر كل الرخامة والغلاسة اللى اتعملت معايه فى حياتى (نسبيا انا برضو شغال فى خدة العملاء) وقلت ديه فرصتى علشان اتحول لعميييييييييييل نياهههههاااااااااهااااااا ااااااااااااااا
جاللى الباشا تانى يوم ومعاه الفريون ومش عارف ايه علشان يركبة دخل البيت بيكلم المساعد بتاعه - أول كلمه قلتها له واطى صوتك علشان الولد نايم - الباشا ماتهزش ولا كأنه سامعنى - شوية طلب منى زجاجة ميه علشان يجرب حاجة (طبعا كل ده وهو واقف فى البلكونة ودرجة الحرارة تقارب على 190 درجة مئوية) سيبته فى حدود خمس دقائق وأول لما رجعت لها قلت له باللفظ يا ريت وانت شغال تخلى بالك من العربية علشان متبهدلهاش زى المرة اللى فاتت - من أول هنا عرش اللمبى بدأ يهتز - قال لى عربية اية - روحت قايم ورايح له زى الاطفال الصغيرين لما نفهمهم وقلت له شايف الحديدة اللى تحت البيت ديه أوقات بنسميها عربية - طبعا رد فعله الطبيعى انى انزل احركها من تحت البيت - وانا رد فعلى الطبيعى ان العربية بايظه ومش بتتحرك لأنها أوتوماتيك (مع العلم ان عربيتى مانيوال واكيد هو شايف ده) - طبعا هو فهم انا باعمل ايه وبدء ياخد باله -
أوعوا تكونوا نسيتوا درجة الحرارة الرهيبة اللى عندى وهما واقفين فى الشمس - ملحوظة رفيعة على الماشى * اليوم اللى قبلها طبعا كان فيه حق ضيافة لكن النهارده نياهههههههههااااااااااااا اااههههههههههها
الباشا بقمة المسكنة اللى فى الدنيا - ممكن ميه نشرب - بصراحة كنت عايز اجيب له ميه من الحنفية بس الولد اللى معاه صعب علية
المهم بعد كدة شغل التكييف وانا متأكد انه هايبوظ تانى
تانى يوم تقرير محترم فى الباشا ده على التليفون لخدمة العملاء + ميل + فاكس
بعدها بحوالى 5 ايام طبعا التكييييف باظ
بعدها اتغير الكمبروسور .... اللى اكتشفت انه كان مستعمل ومخبوط والسيريال بتاعه مش هو اللى على الكارتونه اللى رفضوا انهم يسيبوها لى
بعدها عادوا على التوصيلات
بعدها سحبوا الكمبروسور الجديد علشان يتصلح
وفى النهاية هو كده
بصراحة معنديش غير كلمة
شكرا يونيون اير
بعدها غيروا حاجة اسمها الاقفال
بالحرف كل اللى بتقوله ده هوة اللى حصل معايا تقريبا مع وجود فوارق بسيطة زي إن الكومبريسور عندي الحمدلله لسة ماباظش بالكامل يعني وإحتاج يتغير ... بس الباقي من إسلوب معاملة وعدم دراية فنية باللى بيعملوه ومحاولة الضحك على العميل بإن الجهاز سليم وغن العميل هوة اللى حمار وبالذات حتة الكرتونة مش فاهم أصروا ياخدوها مع إني قلتلهم قبل ماينزلوا من عندي يسيبوا الكرتونة وكذا مرة مش مرة واحدة لأن كذا مرة أحس إنهم عايزين ياخدوها وفي الآخر برضه غافلوني وخدوها من غير ماخد بالي .. بس يمكن مافهمتش ليه غير لما إنت حكيت .. والله أعلم يمكن ظني غلط
فعلا أنا ماحسيتش مدى سوء الجهاز اللى إسمه يونيون إير أو أمريكول (لأن عندي الإثنين واحد 1.5 والتاني 2.25) ... إلا لما جبت الشارب حسيت قد إيه إن أنا ماكانش عندي تكييفات قبليه وإن اللى كانوا عندي دول لا يتعدوا كونهم مراوح بايظة