إخوانى وأحبائى
اقتربت من الانصهار ولابد من التكييف
لا يوجد حاليا فى السوق تكييف شارب طيب السمعة
توجد اختيارات أخرى أميل منها ل فريش و إل جى
هل لديكم خبرة فيهما بالذات فريش؟
وشكرا مقدما
عرض للطباعة
إخوانى وأحبائى
اقتربت من الانصهار ولابد من التكييف
لا يوجد حاليا فى السوق تكييف شارب طيب السمعة
توجد اختيارات أخرى أميل منها ل فريش و إل جى
هل لديكم خبرة فيهما بالذات فريش؟
وشكرا مقدما
عايز تكييف يعيش معاك و يديك أداء ممتاز
شارب العربى
كاريير
أبعد عن يونين اير
و اكيد فى انواع تانيه بس شارب ممتاااااز
انا اول مره اعرف ان فيه تكيف فريش
اكيد الاعضاء هتفيدك
كرافت الفا ممتاز عندى 2 وشغالين تمام
كرافت غير متوفر بمدينتى حاليا
الموسم سحب كل التكييفات المشهورة
حضرتك اقراء الموضوع ده ....كان فيه ناس اتكلمت باستفاضة عن ال lg
http://www.nilemotors.net/Nile/86352-a.html
مجربتش تكييف فريش بس جربت غسالات فريش سواء العادية او الفوق اتوماتيك وكرهت فريش بسببها
لو مكانك وجربت منتج من منتجات شركة معينة ومكنش كويسة مش هفكر اجيب اي منتج تاني من نفس الشركة
شارب
كان عندي سخان كهربائي فريش
ضمان عشر سنوات
غيرته في الضمان حوالي 4 مرات
وعندما خرب في المرة التي بعدهم وكهرب المياة رميته
أي والله رميته
وعملت علامة خطين متقاطعين على ماركة فريش كأسوأ منتج تحصل عليه في مصر
كله إلا الفريش
انا عندى 3 تكييفات يونيون اير بقالهم 10 سنين شغالين زى الفل ، واحد سبليت و اتنين شباك
بالترتيب حسب الجودة :
1- شارب
2- كاريير
3 يونيون اير
و متفكرش فى حاجة غيرهم .. لا فريش و لا باور و لا امريكول
ال lg معرفش حاجة عنة
مففيش احسن من الtrain
الكمبوريسور بيجى من امريكا حتة واحدة ومتقفل
وتكيف قوى جدا جدا وكارير حلو
بلاش فريش ده نموذج للمنتج المصري الرديء الفارضين علينا جمارك عشان يحموه ....ياخي انشالله ما حموه ولا نيلا ..... أنا بكتبلك ردي من أوضتي الساعة ٢ بليل عامل التكييف المايتسمه على 18 و-fan medium وحران تكييف سيء سيء سيء نصيحة كارير أو الأحسن كمان ومحدش جاب سيرتو توشيبا
على فكرة كمبرسور فريش ماركة توشيبا
أنا حيران جدا بين الآراء
فيه موضوع تانى بيمدحوا فيه فى فريش ومكوناته
توشيبا هو شارب وقوته فى توكيله غير كده ممكن يكون عادى وللا إيه؟
أنا عندى فى العيادة التانية شارب حصان ونص وباظ بعد عدة شهور من استخدام 6 ساعات فى الأسبوع! والتوكيل صلحوه معرفش وللا غيرو الكمبرسور المهم انه اتصلح ، يعنى كل الماركات لازم ييجى وقت وواحد فينا يقابل منها مشكلة
عرّفنى بقى لو تكرمت التكييف اللى عندك مواصفاته إيه بالضبط
from my opinion:
1- Train
2- Sharp
in my work they put train 10 years ago and it works Ma Sha' ALLAH very good and we put it in my home also.
we change one with sharp and Ma Sha' ALLAH it works good
pry to GOD to help u in ur AC. to get the better 1 4 u
شارب العربى
هرد عليكم من واقع شغلى
فى شبكات المحمول ومعروف ان تكييفاتها مابتسكتش (2 فى الشيلتر كل واحد 4 ساعات ويريح وهكذا الى مالانهايه صيف وشتا وساعات واحد بيفضل شايل المحطه بال6شهور لوحده)
فى موبينيل موجود الترين القديم وبقاله حوالى 10 سنين فى محطاتها القديمه وشغال الله ينور زى الفل ومبيونش بس مبشفوش فى المحطات الجديده بتاعتهم
اما الحوت اللى مكتسح كل الانواع وشغال زى الساعه فى ال3 شبكات هو كارير
وبالنسبه لل ال جى فهو زبااااااااااااااااااااااا اااااااااله ومنها لله اتصالات اللى دخلته معانا ومشاكله كتير وابسطها ان مروحه الكومبرسور بتقع على طول وبيضرب وقطع غياره نادره من الاخر مش بتاع شغل خالص زى الكاريير
خلاص يا رجالة هعمل بنصيحتكم ومش هخاطر وهجيب شارب
شكرا للجميع
Sharp
عندى تكييفات يونيون اير بقالها 4 سنين وشغالين بكفاءة زى الفل وربنا يبارك اكثر واكثر
مش عارف اتكلم ولا تبقي دعاية .. انا مدير مبيعات في شركة تكييفات وبقالي حوالي 4 سنين ما بين حسابات ومبيعات في مجال التكييف
كل ماركة بيكون ليها مميزات غير التاني يعني شارب كويس اة بس شارب قليل لما تلاقي فيه فسط وكمان انتاجة مش كبير فبيخلي فيه قوائم انتظار ممكن تفضل قاعد مستني الجهاز اسبوعين وتلاتة وشهر في وقت الذورة .. بالنسبة لكارير كويس بس ضمانة علي ما اتذكر 3 سنوات وموديلاتة قليلة بالنسبة ليونيون اير فاداة كويس انا مركب في البيت عندي 3 اجهزة انتاج يونيون اير ( امريكول اسبلت جهازين وهيونداي شباك جهاز )
ويونيون اير مميزاتة انه افضل سعر وفيه تقسيط لغايه سنتين وضمانة 5 سنوات وانا شايفة جهاز كويس طالما بيتحافظ عليه وبيتعمل صيانة دورية سنوية .. علي فكرة انا عندي قوائم الاسعار ححاول ارفعهالكم ودي احدث وادق اسعار في السوق لكل الموديلات علي شرائح اسعار 20-4-2010
ألف شكر لحضرتك
هى هتبقى فايدة للأعضاء
أنا اشتريت من زمان وجبت شارب للمرة التالتة
بس انا اسمع ان خدمة ما بعد البيع مش قد كده. ايه تعليق حضرتك؟اقتباس:
ويونيون اير مميزاتة انه افضل سعر وفيه تقسيط لغايه سنتين وضمانة 5 سنوات وانا شايفة جهاز كويس طالما بيتحافظ عليه وبيتعمل صيانة دورية سنوية
عاوزين نعرف الاسعار
sharp - tran - craft
then anything else
احنا كانت بتقابلنا اجهزة فيها مشاكل وبنستبدلها يعني لو مش كويسة مش حتقدر نك تغير حاجه من الجهاز بحاجه جديدة
جايز اللي عامل كدا التنافس بين الشركات الصغيرة لانها كلها بتحاول انها تعمل صيانات للعملاء وهي جايز معندهاش فنيين مستواهم كويس وبيجرو علي العميل بعد انتهاء ضمانة علشان يكون الصيانة باجر اما فيه معلومة ان من حق اي عميل يونيون في السنة الاولي لو عنده مشكلة يتصل بخدمة العملاء الرئيسية 19012 وبيذكر اسم الشركة اللي باعتله وبيشرح المشكلة وانه كلمهم ومجوش يعمولوة الصيانة وهو لسه في السنة الاولي .. ساعتها المصنع بيببعت اولا شكوي للشركة لو الشركة مبعتتش رد ان المشكلة اتحلت وانهم راحو للعميل خلال 48 ساعه المصنع بيبعت فنين من عنده ( شركة هاي تك ومقرها في اكتوبر ) وبيحل المشكلة وبيحمل الوكيل للي اتباعله الجهاز بقيمة الصيانة والوكيل بدورة بيحملها علي الشركة اللي ركبت الجهاز بس عيب هاي تك ان لو المشكلة كبيرة بتاخد بعض الوقت
حضرتك ممكن تجرب تكييف ترين واعتقد انه افضل تكييف فى السوق واغلاهم ولكن يستحق ثمنه وعن تجارب كثيرة معى ومع باقى العائلة
يا دكتور انا عندى شارب البلازما 3 حصان اسبليت شغال زى الفل
بس من واحد شغال فى المجال دة قالى ان معظم الشركات بتشيل الكومبرسور بتاع التكييف الاصلى وتحط واحد غيرة وطبعا الللى بيشترى مادخلش جواه اهم حاجة فى الشراء
سمعه الشركة نفسها بغض النظر عن موزع او وكيل لانى انا جبته من ناس معرفه ومضمونه ودة بيطمنك واهو شغال عندى بقاله اكتر من 3 سنين معملتلهوش صيانه ولا حاجة خالص
مبروك مقدما
يا جماعة مفيش اخبار عن انواع التكيفات الافضل ايه منها , محدش استقر على نوع كويس ولا ايه
انا عاوز تكيف واحد ونص حصان سبليت بارد فقط ويكون موفر فى استهك الكهرباء وكمان يستحمل الحر الجامد والغرفة مساحتها 14 متر والشمس بتضرب فيها لغاية الظهر فقط , وانا فى الدور التانى
بدور ومش عارف , سالت على فريش وقالوا ان الكمبيرسور بتاعه توشيبا ومكتوب عليه من بره كدا , ولو الجهاز العميل مش راضى عنه وفيه مشكلة مثلا بيخده كله وبيغيروه ايه رايكم فيه واللى عجبنى فى فريش واحد اسمه ترونك . تمنه 2500 وضمان 5 سنين على الجهاز بالكامل
وفى شارب واحد ونص بارد ب2750 وضمان 5 سنين بالكامل
وفى كاريير الn3 بارد ساخن عشان مش بينزل منه بارد فقط ب2700 وضمانه سنة وناس بتقول 3 ده واحد ونص حصان بردوا
والترين الواحد ونص حصان الاسبليت مش سالت عليه بصراحة ومش عارف سعره
تنصحونى بايه يا جماعة
هل بالشارب وادفع الفرق بينه وبين الفريش وشارب يستاهل الفرق فى السعر
ولا اجيب بردوا الكاريير بدل الشارب واضحى بالضمان لان السعر قريب من بعضه
ولا ابعد عن كل دول واخلينى فى الترين اللى معرفش سعره , ولو كان اغلى من الشارب مش حينفع اجيبه طبعا
هو حضرتك بالنسبة للترين الواحد ونص هايبقى كافى جدا للمساحة دى وعن تجربة
واتذكر ان سعره 3250
دى اسعار السنة اللى فاتت لكن ده سخن وبارد
وربنا يوفقك ومبروك مقدما
دا ملف رفعته عملتة سكان من عروض الاسعار لحوالي 7 او 8 ماركات تكييف .. يونيون اير - امريكول - شارب - كارير - سامسونج - فريش - ترين - توشيبا .. وهي احدث اسعار
4shared.com - online file sharing and storage - download offers.rar
دا الفايل
واللة انا كنت بتدرب فى مكتب تكييفات و كدة
و كنت بطلع اتفرج بتوع الصيانة بيعملو اية من كلامى معاهم كلة اكد ان شارب لا يعلى علية ووراة الكارير بس هما بيفضلو يونيون اير لانة اسهل فى التعامل و الصيانة وكدة يعنى
وال 3 دول كويسين جدا
بس اليونيون اير كل شوية تقفيلة و خاماتة بحسها بتسوء عشان جشع التجار وزيادة المكسب بس معاة ضمان الناس بتفتكرة 5 سنين لكن هوة 5 سنين عالكمبرسور و سنة عالجهاز يتصلحلك ببلاش ودة اللى كان بيحصل قدامى
لكن شارب على كلام كل بتوع الصيانة هوة الافضل
والكارير محترم جدا واليونيون اير عندى اهو بقالة 5 سنين محافظ علية و مجبتلوش بتاع الصيانة ولا مرة
ومساحة 14 متر دى حصان ونص مش هيأدى اوى لانك بتقول الشمس ضاربة فيها يا تحط ستاير يا تشوف ال 2 وربع اما trane فانا مسمعتش الكلمة دى قبل كدة