التكييف و موتور العربية

**abo_lamar** · 07-08-2009 09:26 AM

السلام عليكم ورحمه الله وبركاته

هم يا جماعة التكييف بيتعب موتور العربية .. انا عربيتي لانوس 2 موديل 2000 وبصراحة بخاف عليها قوي وبالذات لما بشغل التكييف لان عندي اعتقاد ( بس مش عارف صح ولا غلط ) ان كده ممكن الموتور يتعب وبستحمل الحر وبفتح الزجاج وخلاص .. طيب احسن حاجة عشان الموتور مايتعبش اني اشغل التكييف وانا على طريق سالك قدامي ولا ممكن برضه في الزحمة .. شكرا واسف على الاطالة .

**samirayad** · 07-08-2009 09:42 AM

قدرة المحرك بتاع العربيه الانوس 63 كيلووات (يعنى 83.8 حصان فرملى ) عند عدد لفات 5600 لفه /ق
- وطبعا كل ما السرعه حتقل .....قدرة المحرك وعزمه حيقل
- وحنقول فرضا التكييف (ككمبروسور ) هو وطلمبة الباور بياخدوا 10 حصان من قدرة المكنه ......
- يبقى أيه الأفضل وقت تشغيل التكييف .....مع السرعه طبعا
- المكنه حتبقى مرتاحه والعزم المطلوب من المحرك لتحريك العربيه مش كبير ....لأنك ماشى على الرابع أو الخامس
بمعنى أصح شغل التكييف براحتك لما تكون مسافر على طريق سريع
ولكن قلل بقدر الأمكان فى الأماكن المذدحمه ....داخل البلد يعنى ....لعدم أجهاد المكنه
- وطبعا فى كل الأحوال حينما تعقد العزم على تشغيل التكييف
أبدأ فى تشغيل التكييف من سرعه منخفضه للحفاظ بقدر الأمكان على منطومة نقل الحركه للضاغط ......أى كلاتش تعشيق الكمبروسور والطنبوره والبليه

**Samir Elshahawy** · 07-08-2009 12:06 PM

و تكملة لكلام كبيرنا الباشمهندس / سمير
و لمزيد من كفاءة تبريد أفضل و أستهلاك بنزين و حمل علي الموتور أقل :
1- يفضل انك تمشي بالعربية شوية بعد الركنة في الشمش أو في الحر الشديد و الزجاج مفتوح دون قبل ماتشغل التكييف
2- شغل الهوايات علي سرعة 3 و الكومبرسور مفصول لطرد الهواء الساخن من العربية أثناء حركتها
3- شغل التكييف علي أعلي درجة تبريد لمدة دقيقة او دقيقتين و الزجاج مفتوح الي ان تبداتشعر بخروج هواء بارد من الهوايات
4- اغلق الزجاج و ابدا في التحكم في درجة التبريد و سرعة المروحة حسب احتياجاتك
5- أذا شعرت أن درجة الحرارة داخل السيارة اقل من الخارج بفارق كبير اطفئ التكييف و اعتمد علي الهوايات فقط كي لا يكون هناك فارق كبير في درجات الحرارة قد يضر بصحتك بالاضافة الي وفر في أستهلاك المحرك و البنزين

**samirayad** · 07-08-2009 12:41 PM

و تكملة لكلام كبيرنا الباشمهندس / سمير

ياباشا العفو .....دا أنت البركه كلها

**khalid9411** · 07-08-2009 12:48 PM

مش عارفين من غيركم كنا عملنا ايه يااااااااه

**abo_lamar** · 07-08-2009 06:46 PM

1000 شكر لحضراتكوا على الاهتمام بالجواب عن استفساري وانا كده بجد اتطمنت واخص بالشكر المهندس الكبير / سمير بجد ربنا يزيدك من المعرفة كمان وكمان

**samirayad** · 07-08-2009 08:29 PM

الله يخليك يا أخى....وكل عام وأنت بخير وسعاده .....أنت وجميع الزملاء

**MMamdouh** · 08-08-2009 09:57 PM

المشاركة الأصلية كتبت بواسطة elakawy

السلام عليكم ورحمه الله وبركاته

هم يا جماعة التكييف بيتعب موتور العربية .. انا عربيتي لانوس 2 موديل 2000 وبصراحة بخاف عليها قوي وبالذات لما بشغل التكييف لان عندي اعتقاد ( بس مش عارف صح ولا غلط ) ان كده ممكن الموتور يتعب وبستحمل الحر وبفتح الزجاج وخلاص .. طيب احسن حاجة عشان الموتور مايتعبش اني اشغل التكييف وانا على طريق سالك قدامي ولا ممكن برضه في الزحمة .. شكرا واسف على الاطالة .

لو انت بتتكلم على ان الكومبريسور يحمل على المكنة و يتعبها يبقى انسى تماما الحوار دة... المكن بتاع الدايو بيتحمل اى حاجة

صديقى ادم ركب تربو على موتور عربيتة و فضل يستخدمهات لحد ما عمل نص مليون كيلو و بعدها المكنة ماتت و سقط مكنة 2000... معتقدش باى حال من الاحوال الاجهاد اللى بيحطة الكومبريسور على المكنة يوازى الاجهاد بتاع الحرق و الشد بمكنة راكب عليها تربو

MMamdouh