فرامل الاسد

**jorgealibaba** · 07-08-2009 07:15 PM

الفرامل اللى ورا هل هى بتتغير
وانا عندى صوت صفارة قدام لمل بدوس فرامل والميكانيكى قال ان الصوت دة عشان التيل مش اصلى
وياريت الافادة فى ان انا عايز اغير عفشة كاملة عايز اعرف الاسعار واية منها جديد واية استيراد واية هى مكونات العفشة الكلملة فى ال504 gl 79

**playeeer_fishooo** · 08-08-2009 04:38 AM

بالنسبة للفرامل اللى وراء معرفش اذا كانت بتتغير ولا لا .... بس انا معتقدش انها ممكن تتغير لانها فرامل مقفولة ...

بالنسبة لصوت تيل الفرامل ده بيكون من الصيف والحر الشديد ومع الشغل طبعا .. التيل بينشف ولما بيمسك فى الحديد (الطنابير) .. بيدى الصوت ده طبعا ... احسن نوع تيل ممكن تجيبه وهو الارجنتينى ...

بالنسبة للعفشة اكلمك عليها بكرة وعليك خير ...

**jorgealibaba** · 14-08-2009 03:25 PM

ماشى يا باشا متشكرين و مستنيك

**playeeer_fishooo** · 15-08-2009 03:59 AM

اولا .. اسف ع التاخير ...

بالنسبة لعفشة العربية ال gl

1-كبالن خلفية
2-مساعدين وبيكون اخرهم متحرك ... عشان العربية ما تحمل تفتح الكاوتشات ..
3-سوستين بالطبق بتاعهم
4- طقم الجلد والجلب.

بالنسبة للاسعار انا مقدرش افيطك اوى .. لان اسعار المستعمل بتغير من واحد للتانى

انا بصراحة انصحك بالمستعمل فى كل جاجة ماعدا الجلود .. وربنا يوفقك ..

**nabaster** · 15-08-2009 04:06 AM

المشاركة الأصلية كتبت بواسطة playeeer_fishooo

2-مساعدين وبيكون اخرهم متحرك ... عشان العربية ما تحمل تفتح الكاوتشات ..

ياريت يا رايس تفهمني موضوع المساعدين الي اخرهم متحرك دول يمكن انا بفهمش

اصراحه الواحد معاه بيجو داخل علي 20 سنه اهوه والعربيه حلناها مسمار مسمار اول مره نعرف الحوار ده

مستني الرد للافاده الشخصيه وافادة باقي الاعضاء

A.Yakout

**nabaster** · 15-08-2009 04:08 AM

ايوه صحيح معلش نسيت ارد علي صاحب الموضوع

بص يا رايس روح للميكانيكي نفسه الي انتا شغال معاه وخليه يحل الفرده الي بتيجي منها الصوت وخليها ينفرلك التيل والطنبوره الي معاه

ولو كانت قدام يحل التيل ويصنفره هوا والديسك وان شاء الله المشكله تروح

وسيبك من اي حد يفتي باي حاجه تانيه حتي لو الميكانيكي نفسه

A.Yakout

**playeeer_fishooo** · 15-08-2009 09:03 PM

احنا اخوات كلنا ....

قولنا عملت ايه فى الفرامل اللى بتصفر ...

مكونات العفشة اللى انا قولت لك عليها دى كانت بالنسبة للعفشة اللى وراء ....

بالنسبة لقدام ...
1- اسكاترة ومعاها الدراعين ... موجود فى اخر كل منهم بيضة ...
2- المقصات الامامية ...
3- الكوع اللى ماسك العجلة وده بيتكون من ..
السوستة - المساعد - والبطاحة - الفلانشة - الاسطوانة - رمان البلى - وتيل الفرامل والكماشة بتاعته ...

يارب اكون منسيتش حاجة ,,, ربنا يوفقك

**jorgealibaba** · 16-08-2009 09:00 PM

هى فعلا كانت من التيل لانة كان مش كويس كان حاجة كدة ب30 ج
انا غيرت المية النهاردة وحطيط مية خضرا بس انا حاسس ان المية اللى انا جبتها مضروبة هى من البنزينة جركل 4 لتر ب 25 ج
على فكرة دى اسعار الغردقة لان انا عايش هناك
فى حاجة اسمها فازيلات عايز اعرف شوية عنها